triab und nåss ies es draußn - åba wenigstns niet går so kålt (7,5°) - es wår schon költara då bei uns auf'm berg herobm. unsre amitschi italijahni schieckn uns wieda amål sener tief ieber die karnischn und die julier her. nåjå, sie wolln des hålt aa niet ållas sölba behåltn, seind jå kaane klemma niet, seind jå friegiebig und spendabl.
mir werdn's ieberstehn und singen a lustigs kärntnaliadle (gips des ieberhaupt, a lustigs kärntnerliadle? wohl aans kenn i: mei diandle ies gsturbm... und noch aans: valåssn, valåssn, wia da staan auf da stråßn) und denkn auf den åltn spruch "nåch regn kummt sunne".
i erspår eich mei xangl, weil i bien schon im stiemmbruch, i wientsch eich liaba
an guatn morgen
an scheenen wochnbiginn
und bleibz scheen xund.
kuhle - fier wås braucht denn dei bc (bierocheffe?) 25 taskmänätscha? kånn er des biessale årbeitn nit sölba aledign? kaa wunda, dass då bei uns in kärntn ålls den båch (drau, gail) åbe geht, bei dem lucksuss den siech aanige leit leistn tuamt... an haufn mänätschagehälta zåhln fier mänätscha, de eh niex mänätschn können und de leit, wo wirklich årbeitn, de kriagnt an schaaß. jåjå, i waaß eh ... und die schult kriagn wieda de årmen bolüdüka, de eh niex können. ääh - dafier können, maan i. (unschuldigkeitzvamuhtung!!!)
08.11.2010 07:56:siehgst - des ies ausgleichende girechtigkeit: håmtze bei uns im "glienikuhm wertasee" aan die fålsche (xunde) niern ausagsablt, dafier håmtze an åndern wieda zwaa von seine eigenen aja ångnaht. jå.
sölba schult, wenn de in klafu des uhrologn måchn låssn, de seind jå niet fier sowås zuaständig, de sulltn siech liaba um die uhrwaschln kiemmern. jå.
