|
|
|
| ruflo am 16.08.2012 07:50 (vua 4488 Tåg) |
jå, des wientsch i eich aa und an wunderscheenen tåg aa noch dazua.
i wår schon fleißig und håb mein morgenspaziergång hienta meina.
und hiatzt såg i fier heit' niex mehr, weil mir nåch villach fåhrn werdn.
pfiateich bis murgen. odaso. |
| ruflo am 14.08.2012 09:23 (vua 4490 Tåg) |
fibile, seibbes gestern guat nåch wean ause kummen?
von wegn hierbest: i wår hiatzt in spittal in da aute - wåschånlåg- und wås maanst, wås då wår, von da mauthbruckn bies aufe: diecka nebl!
|
| ruflo am 14.08.2012 06:25 (vua 4490 Tåg) |
andale - schreib eine ins wertabiachl: a mutzale ies a klaans mutzale und a mutz ies a greaßare mutz. ållas klår? des ies so wia bei die hientalan: a huntale ies a klaans huntale und a hunt ies hålt a hunt. wås denn sunstn?
bin schon auf, weil i schon ausm bett ausa gikralt bin. a putasemmale mit murmelade oda aan henig von da fierma langenase und an kuffee åbetuan und nåachan niemm i mei huntale und den hunt vom nåchbårn und auf gehts. und då draußn hear i niex von da gruseliegn bolüdük, då sågg hextens a kuah "muuuuh" zu mir und des haaßt griaßdi. då vascheucht mi niex, schaug i åbe ins tål und siehg de dörfla im drautål, so friedlich und stüll.
gehts eich ålln wohl so hålbwex guat, ha? i wientsch eich an frehlihn morgen und an surgnfreien tåg. |
| ruflo am 13.08.2012 17:12 (vua 4491 Tåg) |
maaah, kuhle, du ålta scharrmöhr. kaa wunda, dass es fibile sågg, du biest ihr augnstern. jå.
und unsa hummele ies schon wieda nåch schpittltschittie gsummt. wår scheen, chrischtele, dass d' bei uns wårst.
|
| ruflo am 13.08.2012 16:33 (vua 4491 Tåg) |
sodala, mir håbn's gschåfft. es fibile und ihr begleiter, da kuhle und sei lenale, es chrischtele und mei mitzale und i - mir håbn uns getroffn und uns guat untahåltn. mir håmma aa auf unsa beale gedenkt (håst wohl es schnaggerle gspiert?) und auf unsa liabs irmile niet vagessn.
båld und hoffntliech unvasehrt wert es fibile in wean ånkummen und da ålltåg håt uns wieda.
ålln dahaamgebliebenen liabe griaß von unsara runde.
pfeiferle - du bist uns natierlieh aa åbgången und dei erika, åba zum miettågessn von kanadium nåch wernberg fåhrn ies hålt går a biessale weit. vielleich gips jå båld wieda a treffn, bei dem du aa dabei sein kånnst?
an nettn åbnd noch und bleibz xund ållemietanånda.
|
| ruflo am 12.08.2012 08:50 (vua 4492 Tåg) |
seas beißerle, dir aa an scheenen sunntåg und an guatn ånblick! bring lei an haufn scheene falterlenbüldln mit. schåd, dass d' murgn niet bei uns sein kånnst, åba mir werdn auf di denkn.
bin heit' spåt drån. åba i håb z'erst mei pfliechtrunde gedraht. freisch ies es, håt kaum 10 grad in da fruah ghåbt. wiendig ies aa - åba die sunn werd schon a mode måchn, werd schon werdn.
wientsch eich ålln an gimiatlichn und erfreiliechn sunntåg! |
| ruflo am 11.08.2012 18:12 (vua 4493 Tåg) |
kennst die gschicht von peter rosegger: "nimm ihn mit, låss ihn då, nimm ihn mit..." (den regnschierm)
wia unsa exlåndeshäuptling da jörgi: "bin schon furt, bin wieda då, bin schon furt...."
so gehts miet da sunne und dem regen aa oftamål.
kaa valåss auf iergend aane biständigkeitnen und kunntinuitättnen auf dera wölt. naa. panta rei.
lei die scheuche vom scheuchtuhm kärntn de bleibm uns scheinbår (oda ånscheinend?) erhåltn. "ållas ies vagänglich, lei da kuahschwaaf der bleibt längliech" (håmma als kids schon xungen, dersebm, wo man noch kinda oda gschråppm zua uns xågg håt. und ob da scheuch an kuahschwaaf... naa, des ies lei a reine unschuldigkeits-vamuhtung)
bei uns scheint sie hålt hiatzt volle wäsch die sunne und i måch hiatzt mein hündischn åbndspuziergång. jå.
wientsch eich an scheenen åbnd beim ORF miet büldungsauftråg: "narrisch guat", damiet die ösis sehgn, wia lustig mia kärntna noch ållaweil sein tuamt.
pfiateich und guate nåcht. und kuhle: niet sunntåg, montåg, gelle!
|
| ruflo am 11.08.2012 01:11 (vua 4493 Tåg) |
>>>"am sunntog kum i a bissale späta weil i bin zerscht im klosta beim essn"<<<
marantana kuhle, mir treffn uns niet am sunntåg beim fruhmann, sundern am
MONTÅG
MONTÅG
MONTÅG
13.8.2012
13.8.2012
13.8.2012
um 13 Uhr
um 13 Uhr
um 13 Uhr 11.08.2012 06:54:an guatn morgen, an scheenen såmståg und a erfreuliches, erholsåmes wochnend eich ålln!
und fålls es noch wer eppa niet mitkriagt håt: unsa gimeinsåmes miettågessen beim fruhmann in wernberg ies am MONTÅG, dem 13. 8. 2012 ungefähr um aans. z'miettåg, weils a miettågsessn (kruschplarei) ies, niet um aans in da nåcht. weil då warat da miettåg jå schon vurbei und die meistn leitln schlåfn då schon wia die ratzlan. jå.
also: montåg, 13. 8. um 13 uhr beim fruhmann in wernberg.
|
| ruflo am 09.08.2012 11:13 (vua 4495 Tåg) |
andale, tuats eppa schon kruschpln bei eich? bei uns tuats sowås niet. mir kriagn lei kaasnudln miet brauna butta, greanen sålåt und als nåchspeis a familieneis miet himmbären. sågntze "heiße liebe", ies åba wohl kålt aa noch a biessale.
sodala, måhlzeit und an guatn appetriett.
|
| ruflo am 09.08.2012 11:07 (vua 4495 Tåg) |
gimeinheit - uns renntnamanndlen håmtze es wochnend und den uhrlaup gstriechn.
ållaweil de sch....spårmåßnåhmen. wårt lei, feckta, wenn i di amål trieff, åba nåachen werst sehgn, wia i noch davon laafn kånn! |
|
|
|
|
