|
|
|
| ruflo am 07.07.2012 09:23 (vua 4529 Tåg) |
sodala, hunderunde beendet, einkaafn in feistritz aa (weil murgn ies sunntåg, då gips bei uns niex und man könnet jå valleicht vahungern. odawia) und hiatzt kånn die große hietzn kummen.
i wientsch eich an scheenen såmståg, meeglichst ohne unweetta, dafier in an kuahln båd im see oda sunstiergendwo wo man prietschln kånn.
jåjå, kuhle, wenn du des iens wertabiachl einegschriebm håst nåachan werds des wertle wohl gebm. i håb då kaa erfåhrung beim schualschwänzn und strawanzn - i hättet mir des dåmåls als pflegekind niet leistn können. lei amål, ån an haaßn tåg, bin i beim schualfåhrn mit'm zug von villach nåch klågnfurt schon in velden ausgstiegn und nåch da druckrohrleitung zum forstsee aufe ghaatscht. då wårn dersebm stiagnen. i waaß åba niet, obs des heitigntågs noch gibt.
Seit gestern seind ferien - då braucht kaana mehr "stangln" |
| ruflo am 06.07.2012 21:32 (vua 4530 Tåg) |
schulstangln? des ies fier mi wia es "kruschpln". des fahlt leida in mein wurtschåtz. åba wenn du so dazua sågst, nåachan werds schon stiemmen. man kånn jå niet ållas kennen und wiessn. wiessn ies a tropfale, niet wiessn a ozean.
und bratknödel werdn wohl gebråtene (åbgröstete) knödel sein?
wientsch eich a guats nachtle und kuhle, schaug niet wieda in vollmond!
|
| ruflo am 06.07.2012 09:50 (vua 4530 Tåg) |
vollmond wår schon am dienståg, åba hell wårs derwegn in da nåcht. muaßt deine guggalan zuamåchn, kuhle, niet aufn mond schaugn - sunst werst noch gach mondsüchtig werdn. und auf's dåch aufe kraln und schlåfwåndln. wia haaßt's beim lotto? "ållas ies meeglich!" |
| ruflo am 06.07.2012 07:54 (vua 4530 Tåg) |
so, hunderunde beendet, bivur's wieda riechtig haaß werd. scheen ies in da fruah, die friesche luft, da klåre hiemml ...
an guatn morgen und an prächtign freitåg (wochnend in siecht!!!) mit ohne giwietta wientsch i eich ålln
pfeiferle, wia gehts dir denn? ållas in puta? |
| ruflo am 04.07.2012 18:18 (vua 4532 Tåg) |
hihi ... i stöll mir den kuhle vur, wia er sein bürzl beim schwiemmen in wårmbåd ausm wååssa streckt ... a liabs büldle ...
 05.07.2012 06:50:gråd noch, vur aana hålbm stund, håmma a giwietta ghåbt miet blietz und dunna und regnguss - hiatzt scheint schon wieda die sunne.
an guatn morgn, an scheenen tåg und vül scheene stundn wientsch i eich. |
| ruflo am 04.07.2012 07:59 (vua 4532 Tåg) |
jå, fibile, heit ies es wundascheen. friesche luft und ångenehme temparatuhr. i håb mei morgenrunde mit dem hunde (mit den hunden) schon hienta meina und es wår riechtig prächtig.
wia's in wernberg wår, waaß i niet, des werd eich wohl da kuhle dazähln, åba bei uns ies gestern kaa tropfale regn vom hiemml gfålln, giwietta håmma aa kaans ghåbt. es wår lei aanfåch schwül.
und hiatzt wientsch i eich an guatn morgen und an scheenen mittwoch. |
| ruflo am 03.07.2012 06:46 (vua 4533 Tåg) |
03.07.2012 06:56:waaß jemånd, wås miet unserm pfeiferle los ies? hoffntliech gehts ihm wohl guat? i håb ihm schon a mehl gschickt, åba biesher noch nix gheart von ihm.
auf ålle fälle: pfeiferle, mir hoffn, dass es dir und deina erika guat geht und biettscheen möld di båld wieda, damiet dass mir uns kaane surgn niet måchn brauchn. liabe griaß aus kärntn nåch kanadium umme |
| ruflo am 01.07.2012 15:27 (vua 4535 Tåg) |
seas frounze. heit auf da windischn då seind bistiemmt 30 oda 40 italjehnische vespalan gståndn. håt da "vespaclub porcia" an ausflug g'måcht. håmtze schnell a påår viellaha åbeglaatet und nåachan wårntze wieda furt riechtung haamzua. maa, de håmt gschnåttat!!!
tua dein boliehr scheen griaßn, freit mi, dass d' niet allan biest!
jåjå beale - von wegn fårza (niet forza italia) - sei lei froh, dass du kaa ålts manndle bist. erstns stiemmt es gischlecht niet bei dir und es ålta schon gårniet. oda maanst, ies des bei die weibaleit aa a so? als kienda håmma hålt jednfålls xungen "hållarija plåttnstern, ålte weiba..." und wenn des die maame gheart håt, håmma aans aufn schnåbl kriagt. i jednfålls, i kennt dir då liadlen fårz... äääh - tschuligunk! - siengen ... naa, i bin eh schon stad. ålls muaß man jå niet vazähln.
01.07.2012 15:39:jå, die kärntna fårza - vurållm in vabiendung mit steirische ponzga (käfabohnen) - de können schon aaniges biwierkn. sågg man jå aa niet umasunstn "pauerschaaß" oda de wo niet inglitsch kennen "power-fart" dazua. apopo: hoffentlich gips heit kaa hiemmlisches donnerwetta nåch der grausliechn hietzn!!!
nudl.
bivur hiatzt aana miet mir ånfången tuat schiempfnen, bin i furt.
|
| ruflo am 01.07.2012 10:09 (vua 4535 Tåg) |
von wegn földamsee - maanst i bin falleicht niet bleed odawia? dass i då in da sunne umabråtn wer'? i huck dahaam in da kuahle, streck meine haxn untern tiesch, da windelata blåst und i fühl mi wohl. und z'miettåg wårtet a kuhtelett vom fackalan auf uns auf da windischn, - suppagroß und suppafein, danåch werd a biessale gschnårcht und weils mir zum see a biessale z'weit ies, henkn die haxn in a schiessl miet kåltn wååssa eine und wenns noch ållaweil niet friesch ginua ies, kummt da plutza aa noch dazua. und sunntåg oda niet - bei uns renntnamanndln ies des wurscht. ies aa tåg wia da åndare. da kuhlenda kånn mi gern håbm, lei mein briaftaschlen gfållts, dass murgn wieda wås einegstopft werd.
nudl. |
| ruflo am 01.07.2012 08:02 (vua 4535 Tåg) |
jå, Christian, genau so ies es. håt schon da selige winston xågg "spurt ies murt".
und bei uns in klafu, maanst de seint gscheita? nietamål denkn. då fiendet heit' - bei vuraussiechtlich 36° - da "ironman kärnten" stått (a triathlon: 3,8 km schwimmen - des geht jå noch - 180 km radlfåhrn und a marathon mit 42,195 km). teilnehmerzåhl: vuraussiechtlich 2400. wiavül spurtler då umkippn werdn oda -hoffentliech niet- går ihr letztes stiendle erlebm , wer waaß des?
www.kleinezeitung.at/sport/ironman/index.do
und die bergsteiger, de "sich sölba vawierkliechn wolln", de aufn berg aufekraln und nåacha von da bergwåcht und womöglich miet hupfschrauba oda går per leichnwågn geborgn werdn miassn und de åndare leit leichtsiennig bei senara rettung in lebnsgefåhr briengen ... es ies årg.
i kenn meine grenzn, brauch mir niex biweisn und bleib scheen gimietlich bei meina hunderunde (de i heit schon hienta meina håb, bivur dass die große hietzn ausbriecht) und aufm teppich.
niexdestotrotz wientsch i eich an guatn morgen und an scheenen erholsåmen sunntåg. |
| ruflo am 30.06.2012 17:22 (vua 4536 Tåg) |
... die "Austria 2" wårn mir z'taja, de håb i mir niet leistn können. die "dreier" wårn dås höxte der gefiehle. de håbm maan i 3,60 ats gekostet. håst in da fruah noch a schachtele in da tåschn ghåbt, nåachan wårns auf d' nåcht lei mehr laare pupirhülsnen und a fäustle voll taback. de wårn so locka gstopft - und gstunkn håbm de aanfåch abårmungswierdig ... jåjå, die "guate ålte zeit!"
|
| ruflo am 30.06.2012 14:51 (vua 4536 Tåg) |
jå beale - die hietzn ies årg. åba in da bude harienn gehtz: wiendelata ies eingschåltet und vurhäng seind vurgezohgn. då ies es recht ånginehm. wüll nietamål die sally ause. |
|
|
|
|
