|
|
|
| ruflo am 21.06.2012 06:45 (vua 4545 Tåg) |
jå, chrischtele, des miet da låschn geht schon. håb i aa brupirt. åba wia i es erste mål draufgstiegn bin, håb i beschlossn, dass i des niamma tua.
an guatn morgen und an scheenen wårmen tåg wientsch i eich!
|
| ruflo am 18.06.2012 05:58 (vua 4548 Tåg) |
nå also, unsa zöltla (kämpa, höllnfurscha) ies aa wieda dahaam. und an schienkn håt er gwunnen - nå gottzeidånk - håt die hungasnot an end und hiatzt werd gekruschplt, dass lei so rauchn tuat.
kuhle - zwengs mein' ständign bigleita, dem herrn menière, kånn i leida niet aufn kierchtåg gehn. i vatråg den lärm niet und vom tånzn kånn schon går ka red' niet sein, mi drahts schon beim nurmaln gehn wia auf an tånzbodn. åba heit' ies kirchmontig und es ies a biessale ruhiga und gimiatlicha, då werma es mietzale und i den kierchtågsschmaus nåchholn und beim kierchtågssuppmschlürfn wer' i ån di denkn.
an guatn morgen und an scheenen wårmen tåg wientsch i eich!
schnecki - scheens büldl!
des, wås in deina mail wår, kenn i leida niet. ies siehalieh a enzianårt, schaugt aus wia a frühlingsenzian (g. verna) - åba mit so långe stengel håb i des noch nia gsehgn. tuat mir laad, dass i dir då niet hölfn kånn.
18.06.2012 06:15:pfeiferle, wiagehtsdadennha? hâst schon an bifund kriagt? i druck dir die daumen, dass ållas guat ausgeht. liabe griaß nåch kanadium! |
| ruflo am 17.06.2012 08:53 (vua 4549 Tåg) |
17.06.2012 08:56:schnecki, wenn i deine büldln siehg, taatet i gern mit dir tauschn.
beißerle, von wegn - mei wurm håt aa an vogl. i håb jå schon die hunderunde hienta meina, bivur dass bei uns da wierbl losgeht und die fajawähr mit goldenen und sülbanen litzn und ordn und käcks auf da unifurm aufmarschiern werd. da meinige ies jå aa HBM - åba schon zehn jåhr in da rente.
|
| ruflo am 16.06.2012 09:23 (vua 4550 Tåg) |
fralich kennen mir di noch, beißerle. di werdn mir nienicht vagessn. du biest in unsren härzen.
hunderunde håb i hienter meina, bivur die große hietzn kummt.
wientsch eich an scheenen tåg am wååssa.
murgn ies bei uns in da kreizn kierchtåg, då werdz wieda rund gehn....
unsa irmile heart harfn, psalter, es hölzerne glachter und schalmeienklång. weil so a liabs und guats weible kånn lei im hiemml sein. mir denkn ån di!
|
| ruflo am 15.06.2012 15:06 (vua 4551 Tåg) |
jå, da fibi ihr firma ies schon recht groß...
und fibile: dånkscheen fier dei mitgefühl. jå ies månchmål voll årg, åba man gewöhnt sich an allem (wias so scheen haaßt). dånkscheen fiers drucken, des hülft! (mehr als wia es betahistidin und infusiohnen). auf unserm täglichn rundweg ies a haufn zaun, wo i mi fållweise a biessale festhåltn kånn, aa wenns lei a ståchldråht ies. håb mit dem glumpp eh fåst 10 jåhr a ruah ghåbt, im dezemba 11 håtz hålt wieda ångfången und man lebt aanfåch damit. nudl.
|
| ruflo am 15.06.2012 11:43 (vua 4551 Tåg) |
siehgstsiehgst, såg i jå ållaweil: miet so an ångibiessenen äpfl håst nix wia brupläme und scherareien. mei blechtschreappm laaft mit win 8 wia a glöckle. gachamål spiennt er jo wohl aa und tuat mi a biessale iergern - åba miet giduld und spucke funzt er wieda. wenn i fuxteiflswüld wer' und ihn ånständig z'såmmputz, tuat er wieda. zagglziement noamål - glumpp, ilecktrohnisches, glumpp. seind hålt de mörfischn gisetze: wås schief gehn kånn, des geht a schief. nudl (=basta)
oftamål ies mei mietzale wia dei äpfl: då håb i wohl a scheenes büld, åba da tohn, da tohn ies ausgfålln. amål ånständig herschmusn und passt wieda. håst du dei apfele schon amål hergschmust?
|
| ruflo am 15.06.2012 10:18 (vua 4551 Tåg) |
heit is a biessale späta zum "guatn morgen" sågn. åba die sally und ihr kumpl, da bello, håmt nit wårtn mögn. und an guatn tåg wientsch i eich aa noch. ållas klår, kuhle: a gänsehäufl ies des wås beim gansl hintn åbefållt, so a årt aale - åba niet so groß. und es mittelmeer ies größer. vül größa sugår, so groß, dass man dabei speibt, wenn man von tunesien in die tierkei sägelt. oda nåch kriechenlånd.
und i brauch niet sägeln, weil mir ies eh den gånzn tåg zum speibm, weil mi da herr menière bei die uhrwascheln dawuschn håt. und i geh eh dahien, als wia wenn ma mir an stårkn seegång håbn taatetn. |
| ruflo am 14.06.2012 18:16 (vua 4552 Tåg) |
siehgst, wieda wås glernt vom kuhle: mittlmeer ies greeßa als wia's gänsehäufl.
i wientsch eich an nettn åbnd und kuhle schaug niet z'vül in dein flåchbüldschirm.
heit kummt im orf da erste teil von da "donau" im universum. am sunntåg wår der dobratsch im tefau. a tolle sendung. åba: wer håt de grausliche musikuntermålung vabrochn? schrecklich, harmonikamusik wia von da reeperbåhn oda ausm tiafstn sibirien. nåjå, gschmäcka und watschn seind hålt vaschiedn.
nudl. |
| ruflo am 13.06.2012 07:05 (vua 4553 Tåg) |
an guatn morgen und an scheenen tåg wientsch i eich und valleicht werds jå aa endlich wieda amål a sunniger tåg. oda ies der, wo då obm fiers weetta zuaständig ies, schon so säniehl, dass er niamma waaß, dass hiatzt eigntliech summa werdn soll? vamuhten kånn man selbiges, bei aana temparatuhr von 7° (åba wenigstns blus, und des ies schon eppes).
hiatzt måch i mei tägliche runde mit dem hunde und ziahg hålt mei wientamantale ån. und den regnschierm terf i aa niet vageessn ...
sunne im herzn ies schon wås scheenes!
13.06.2012 09:50:bei uns seind die mäuslen ausm kella, nebn an åltn åbflussrohr, in die kuchl aufa kummen. håmma sie mir mit aana bio-fålle (de wås ausschaugt wia guglhupf aus dråhtgietta) eingfången und in gårtn ause getrågn. am näxtn tågh wårntze wieda då. einfången - ausetrågn, einfången - ausetrågn, einfången - ausetrågn, ...
bis i mit an åbwåsch-dråhtwaschl und ståhlwolle es loch zuagstopft håb. hiatzt ies a ruah und uns sekkirt ka maus niamma. |
|
|
|
|
