seas schobarin. naa, niex zeitung. hee - wås denkst denn du, wenn aana nåch die åndern von de posse die påtschn peitlt oda den löffl åbgebm tuat... ån wen soll man siech denn då noch riechtn? ha? ausadem haaßtz "låss die jungen zuawe!" und des bin i miet mein dreiviertljåhrhundert jå niet gråd.
schuasta bleib bei dein' leistn und iii bleib beim fiellahanett. nudl. passta so.
feißpuck und zwitscha ies aa niex fier mi, ies ma vül z' häcktisch. lei scheen långsåm mit da braut und nit hudln. waaßt eh, wås vom hudln kummen tuat. könnetn mir zwår brauchn in eestarreich, nåchwux, åba dechta niet von so an åltn taate. und in dera biziehung håb i mei pfliecht miet vagniegen gitån.
"austria expects everyman to do his duty" änd ai did it wits blähschar. zwaa kinda, zwaa schwiegakinda (de uns ginau so liab seind wia die eigenen) und siebm enkalan - wås wüll da mäntsch noch mehr?
an lottosexa falleicht, åba den kriagn maastns eh lei de, de ihn niet brauchn.
und xundheit, jå, warat suppa, åba wås niet ies, ies hålt niet. schaug da unsern kuhle ån, wia tåpfa der siech durchkämpfn tuat und der ies sugår noch zua die engerling gfåhrn. und zua de höllnfurscha. und paletttånzn tuat da kuhle aa noch. und tschickschmuggln. jå.
oda går unsa irmile. hearst de amål jammern? schickt uns trotz ållm ållaweil noch sunne und lebnsfreid von colonia åba.
"meine augen sehen sie immer, die sonne" (ingeborg bachmann)
ob fibile, ob chrischtele, ob pfeifale oda sunst irgenwer - håt a jeda sei pinkale zan trågn. und siehalih du aa.
bea, gehtzdaguat? i wientsch dir noch an scheenen letztn uhrlaupståg. jåjå, lei die wurscht håt zwaa.
meingootmeingoot, wås bin i heit wieda vielosaufisch - åba bei dem scheißlichn weetta... naa, i hear schon auf miet mein gsiadwerch und wientsch eich
an guatn morgen
und an scheenen sunntåg
volla sunnenschein.
