neicha tåg, neiche wochn.wientsch eich an guatn wochnbeginn und an guatn morgen
www.flickr.com/photos/duellerfarm9.staticflickr.com/8421/7627628838_c79d6792cd_b.jpg
23.07.2012 07:36:des, wås då von obm nåch untn kwehr durchs büldl geistert, des ies die KELAG. de surgt miet ållahånd kablzeigs und dråhtglumpat, mit holz-, bitohn- und ståhlmåstn - und wåhrscheinliech aa båld mit windmühlnfliegl (gegn de nietamål da don quichote a schånze håbm taatet) fier umweltvaschöhnerung. jå.
åba wennst an strom im haus brauchst, muaßt hålt des aa in kauf nehmen. und mit pitroleumlampalan, miet de stinkertn, und kierzlen könntest aa kaan kombutter niet bitreibm.
und da kuhle hättet kaan flåchbüldschierm niet. und sei weible miaßat auf aan åltn spårherd die rieppalan kruschpln. des warat a kruschplarei, hearst!
und im LKH taatetn die poppalan kaa ilektriesches liacht åls liacht da wölt erblickn, sundern lei a ziettrige kirznflåmmen.
drumm såg i: es lehbe die KELAG!
nudl. *)
______________________________________
*) "nudl" ies daitsch, auf italjenitsch haaßt des "basta" (oda "pasta"? eh wurscht. nudl hålt.)
