beale - mei mietgifühl håst. leg dir aa glei an zucka-vurråt ån, weil der werd um a driettl tajara. fråg ma schnöll noch den tschiessl - bivur dass er siech vatschiesselt - ob mir aa a driettl mehr gihålt oda rente kriagn können taatetn. åba werd niex nutzn, weil der håt jå von gårniex niet gwusst, der årme. ållas lei hienta sein buckl basirt. sei motto wår "hände falten - goschen halten" und des kånn jå niex schlechtz gwesn sein. odawia.
und a liabe frau münistarIn miet strenge augerln und zsåmmgiknieffane lüppalen wårtet schon drauf, dass sie eeeendlich die hai-soßaietie vur de goschertn miettelmäßign und dem lästign klaan gfickwerch a biessale in schutz nehmen können taatet. weil ies jå ållahånd, wås dee siech alaubm tuan tan.
und kuhle, såg niex gegn die teirofaita, de brauchn mir soo notig wia an gropf. jå wo waratn de greffliechen årmutschkerln und sunstign mietessa, wenn mir de niet gikaaft hättetn, de fliegerlen, de wo ålle tächnischn stieckln niet spüln können, de se ångeblich spüln können taatetn, wenn mir fier die suppamudernen eingibautn kommbutter a sofftwähr aa noch gikaaft hättetn...
eigntliech wolltet i dem liabn herrn tschüssl då hariennen im v-net jå folgn und åb safurt mei goschn håltn. åba bivur dass i drån dastieck, låss i die krot ausa, de mi druckt.
und hiatzt bin i wieda gånz praf und tua meine patschhanderln fåltn. jå. da liabe himmlfåta werd schon a äugl auf unsre gelüpten brummis schmeißn und schaugn, dass se niet vakummen. und bies die müllen der justitz zan måhln ånfången werdn, håmt unsre unschuldigkeitz-vamuhtetn unschuldign senare schåfalan schon gschert und ins truckene gibråcht. AHMEN.
