also, bivur iii a acktimehl sauf, låss i liaba aan fåhrn, hearst.
de sch...werbunk von da fierma dahnohne geht mia sowås von aufn kecks, hearst, i kånn da går niet sågn wia.
miendestns siebmedåchtzgmål am tåg, wenn niet öffta siehgst a weibsbüld wo siech den hosnbund aufknapflt und sågt "ich bien soo aufgipläht!" oda du siehgst a påår lötta, de a acktimehl saufn, stått dass se's ånständig aufn fåhrradlsåttl brummen låssn und siech wia riechtige blähbois binehmen..
und damiet man waaß, wia des degene tajare glumpp, wås eh lei a nurmales joghurrt ies, funzenirt, siehgst a so a årt rentgendårstellung. de håt niet lei den fähla, dass da darm im ziggezagge åbwärtz geht, sundern der heart aa noch im obaschenckl auf, stått dass ållszsåmm hientn beim loch auseflutscht. und då wundern siech die leit, dass se a arantschnhaut kriagn. auweh.
und noch dazua ies des 87komma35bruzehnt wierksåm. sågt dahnohne.
und wenn sie fertig sein tuamt mit da scheißarei, dånn schmiern's eahna gfälligst a krehm iens gsiecht, odasunstwohien, wo die fåltn vaschwiendn. und die arantschnhaut aa. weil sie es sich wert sind.
und da gottschalk soll gfälligst a gummibärli bleibm.
und die fierma xxxlatz sollat endlich wierklich miet dera deppertn werbunk åbhebm und hienterm mont vaschwiendn. des taatet iii suppa fiendn.
und wozua soll i den inda frågn, wenn der lei ållaweil sågt "weck miet dem speck!" dabei håb i speck so gern.
und i schleich mi hiatzt, bivur mia noch wås bleeds einfållt. i ziahg mei runde mit da sally - ohne acktimehl, weil sunstn miaßat i mia aane pämmpers aa noch umabiendn. i sauf liaba a fiellaha. brost!
åba vurher wientsch i eich noch an guatn morgen und an scheenen tåg | 
Da Winikuul...
Und wenn da Darm direkt in Schenkl geht na gibt`s ja riesn Knedl.