grias eich!
muass eich wos dazöhln.
mei mama hot mi gestan bei da theaterprobe ongruafn und hot ma xogt, dass sie grod auf da strossn vur an käfig steht, wo 2 meerschweinderln drin san.
i glei hin, den käfig aufe in de wohnung gschleppt, nuch gach zum billa am protastern, der hot aa am sunntog bis ochte offn, heu, futter gikafft und schon wor i die gonnze nocht munta und hob mi mit de zwa ormen wirschtln beschäftigt. mah, de send liab.
i hob echt long gegrüblt, wos i tuan soll, oba i konn sie nit beholtn. aa mei mama hot glei xogt, na, na, nit nuch amol so extrem on a viechal hängen...
hiatzand hot vur a poor minutn mei tante de 2 obgholt und bringt sie zu meiner cousine. de is a meerschweinchen-norr und hot imma olle ormen schweindlan zomgsommlt. i denk, durt gehts de beidn guat.
oba i hob hiatzand schon rotz und wossa greart de holbe nocht, i glaab, es wor bessa so, bevur i mi wieda so einesteiga und dann muss i wieda ständig zum tierorzt und zuaschagn, wie vlt anes von de beidn leidet, solltns kronk werdn oda sein. waaß jo nit, warum de 2 ausgsetzt wurdn send. gint jo genug leit, de ihre viecha aussetzn, weil da tierorzt xogt hot, se ghern operiert und des kostet nun amol göld....
najo, i hoff se send xund und werdn long bei meina cousine lebn.
i finds lei org, dos so zwa siasse viechal anfoch mittn auf die strossn gstöllt werdn. am obnd hots die mamam gfundn. wer waß, wie long sie schon durt stehn. worn gonz ängstlich am onfong.....
i vasteh de menschn nit!!!!! | 
