Heite hot unsa Pfeiferle Geburtstog!!!
Hoch soll er lebm und vur ollem noch vüle, vüle Johr.

Olles Guate Pfeiferle!!!! 

 Erstns wor des Essn echt a Niedaloge. Nackenhörnchen homse aa kaans ghobt und ohne konn i nit schlofn.
Da Hauptgrund wor olladings de Sehnsucht noch dir, du mei Frounz 

Frounz, i bin senen oba gach entwischt :D

 2019 wors, hot ma grod da Frounz gschickt, dos i des letzte Mol do wor.
De Zeit de rennt lei so dahin und mia mit ihr.

Ruflo, Coolati, Irmile es föhlts holt schon  schirch...
Seids liab gegriasst do obn, wos imma es aa gach mochts!!

Und in de ondaren, jo griass eich Gott!

Grias eich meine Liabn!

I waaß, long, long is schon wieda her.
Oba i hob wohl fest imma on eich gidocht.

No, wos sogts, hiatz is er endlich do, da Summa. Wia sehr honi eahm schon dawortet. I hoff er bleibt jetz aa a Weilchen do.
Nächste Wochn fliag i eham olladings davon, u vül mehr Sunn und Meer.
Bissle de Fiass ausstreckn und Olltog vagessn.
Gfrei mi schon auf de klaane Insl Kos.

I hoff, eich geht's wohl olln guat.

Dix Bussale!

 
Liabes Pfeiferle!!!!
Olles, olles liabe und guate zu dein Geburtstog!!!
I hoff du losst dich fest feiern!!
Genieß deinen Tog und loss es dir guat gehn!!!

Und aa sunst in de Runde an scheenen Sunntog und vül Sunnenschein!!!!

Dix Bussale aus Wien!! 

 🍀🍀🍀🍀🐷🐷🐷🐷🍀🍀🍀🍀
A xunds Neich mächt i eich winschn.
Vül Gsundheit, Glick und Freid,
ka Wehmut und ka Leid.
Vül Spass im neichn Johr,
und kaan Valust von Hoor!
Des Lustigsein, sollts nie vagessn,
und imma an Tölla, mit guatn Essn.

Bleibts, wia es seids, so passt des schon!
Dix Bussale,
eire Phoebe
🐷🍀🐷🍀🐷🍀🐷🍀🐷🍀🐷🍀

 Frohe Weihnocht, meine Liabn!
Jo, murgn is der Spuk vorbei. Schod olladings. Bei mir kennt des gonze Johr iba Weihnochtn sein.
Oba bis 2. Februar is es jo eigentlich eh noch. Und solong wert mei Baamale aa steh bleibn, aussa er ist schon gonz obgfolln bis dahin.

Wor des Christkindle wohl brav bei eich?

I bin noch ollweil voll in Weihnochtsstimmung!! 🎄🎄🎄🎄🎄

 Lei mehr 3x schlofn, donn kummts Christkindl.
I gfrei mi schon. Nin do noch voll des Kind gebliebn und hiatzand noch aufgeregt, wia domols ☺
Aa wenn sich olles irgendwia schiach vaändat hot.
Es is anfoch de scheenste Zeit!
Lei schod, daas so wenige noch wirklich Weihnochtn feian.
I vasuachs holt! Zumindest fir mi.

Baamale honi vurgestan gekaaft. Und heit weri eahm wohrscheinlich aufputzn. I brauch ko imma ewig. 20 Kugln auffe, 50 wied obe, bis endlich olles so hängt, wias ma taugt 😂
Normal moch i des imma am 23ten am Obnd, oba steh i meist bis 3 in da Friah und schück. Des wüll i heia vameidn.

Wia tuats den ihr??

 Grias eich meine Liabn!!
Do is jo wieda einiges in Gedichtlen einegschriebn eurdn. Gfollt ma.
I hobs jo nit so mitn dichtn. Du kummt bei nir lei Bleedsinn aussa. Oba des honi jo wohl schon amol dazöhlt.

Dafir honi de letzn Obnde on an Viechale gebastlt. An Rudolph mit da rotn Nosn. Fir Papa am Friedhof.
Tat eahm eich jo do gern einagebn, aba i bring des nit zommen mit de Büldlen und Fülmchen do im Net. Bin i anfoch zbleed dazua.

Jednfolls hot er fir vül Chaos und Dreck in meina Kuchl gesorgt. Man sollt holt eher mit an Mixa und Kochläffl in da Kuchl orbeitn, ols mit Stichsog und Bohrmaschin 😂😂

I hoff eich gehts sunst guat.
Dix Bussaleee...

 A dix Bussale und an liabn Gruass in de Runde!!!
Hoff, bei eich passt soweit olles!!

 Grias eich!!

Woooos, a Bier ohne Alkohol??
Jo gibts den dos ibahaupt?? 😉
Nananaaa, do ghert schon a bissle ana eine. Sunst kunnt ma jo glei lei Wossa trinkn fir Fläh im Bauch.
Wenn schon, denn schon!!! 

I muass olladings im Moment drauf vazichtn. I maan, da Alkohol tat sich nit guat vatrogn mit de Pulvalan, de i grod nehmen muass.
Holts eich fest, wegen Feichtblottern.
Jooo genau, i in mein Olta kriag a Kindakronkheit 🙈
Hiatzand bin i quasi in meina Wohnung in Quarantäne 😂😂😆😆

A poor Tog weri wohl do aushaaren miassn.
So kummt ma wenixt zu wos daham 😃

Winsch eich a scheenes Wochnend,

Dix Bussaleeee....

 Grias eich meine Liabn!!

Mah, donkscheen Wastele, fir des liabe Gedichtle.
I hob ma des glei obkopiert, damit is so aa hob.

I sogs eich, oltwerdn is onstrengend 😆😃😂😉
Jedn Tog hob i mit wem ondas auf mein Geburtstog ongstässn und gfeiat. Lei heite is Ruhe ongesagt und bleib amol auf da Couch vurm TV.
Sunst daleb i mein Nächstn neama 😂😂🤣🤣😀

I winsch eich olln a guates Wochnend!!!

Dix Bussaleee...

Wochnteila is.
Guat so.
Beiserle, durchgitonzt honi nit. Lei bissl umaghopst.
Zvül Bewegung is nix fir mi, wia du waaßt  😂😂

Olso i bin ondas, ols eire gfrurenen Kerschn und ondren Kugalan.
I bin eben weil i grod eingfrurn bin, grantig. Meine Finga worn oba nit in da Tiefkühltruchn....
I maan, i gfrei mi hiatzand aa auf an Schnops...damit i wieda aufdadau.
.....irgendwo muass i jo noch a Lackale hobn...

 An scheenen guatn Morgen in de Runde!

So a Wochnend is schon wos scheenes. Long schlofn und trotzdem miad aufstehn.
Den erstn Wiesntog honi schon hinta mir. Oba lei a bissl. Schaugn wos neies gibt.

Wastele du Fleissiga. Hiatzand tuast Schnops mochn aa. Nit lei so scheene Holzsochn.
Dei Prinzessin wert fest stolz auf di sein.

Pfeiferle, olls guate zum Hochzeitstog winsch i eich!!!!!

Mah z'nix. Is des aa so bleed wia do bei mir. De Hazung fongt etst on zum laafn, wenn de Herrschoftn von da Fernwärme des OK von da Hausverwoltung kriagn. Und de sogn do bei uns: erst Ende Oktoba.
Dick einpockn und de Kuschldeckn umawickln.
I dahülf ma mit an zusätzlichn Haazer. So a Klimarex-Dings, desworm aussablost.