Dånkscheen fier den Kochtipp - åba Weißwürscht seind es Letzte wås mir zu mein Glick fahlt. Weißwürscht seind jå kaane Würscht - åba des ies mir Wurscht. Muaß i niet håbm, de gfülltn Pariesa. Aane herzhåftn Krainerwürschtln (und zwår kaane eitrign) oda aane riechtign haaßn Karntna Hauswierschtln - dås ies des, wås dem meinign taugt. Und an schårfn Kren dazua, oda an riechtign scharfn Sempf (und niet des siaße Glumpp), des schmeckt mir. I muaß a Wurscht beißn können, und niet zuzzln. Måcht aa nix, wenn die Fettn beim Ånstechn lei so ausaspruadlt. Åba Gschmäcka und Watschn seind hålt vaschiedn.
Schaug dir lei amål die Künesen ån, wås de ålls zsåmmfressn. Sugår Hund und wåswaaßiwåsnoch. Und in Dailånd werd ållas in Wock eineghaut, wås mit "dem Rücken zum Himmel" zaagt. Naa bitte - wås tuan denn de mit settene Leitln, de krump gehn, mit aana Kruckn, odaso.
Und in Franzreich stopfn de die årmen Gäns so lång, bis se todkrånk seind und nåachen fressen se in de årmen Viecha senare Lebern weck. Und als Beilåg gips knobigebutterte Schnecknen.
Und wås die Amis so ån Burger und haaße Hund ållas vazähren, jå geht des auf a Kuahhaut? Und i maan, sugår de segene werd iergendwo weckghabert. Jå. Als Nåchspeis gips nåachan an Kilobecha Familieneis von Häägendasch.
An scheenen Sunntåg wientsch i eich.
*******************************************************************
Und weil der hiatzt schon båld vurbei ies, wientsch i eich an scheenen Åbnd und a guats Nachtle. Und murgn werd wohl wieda da Herr Brufesa Kuhlattnik då sein, nåachan kånn i mi wieda a biessale ausråstn.
Nudl. | 
