Es is wärmer wurdn, håt lei mehr -2°. Noch is da Hiemml bläulich - åba Wolknen schleichn sich aa schon daher. Werd a ånderes Weetta kummen. Valleicht oda a niet. Werdn mir schon sehgn.
Und zum Thema Spårn und "Schuldenbremse": die Bussi-Bussi-Schicki-Micki-Müllionährs-Gsöllschåft håt sich zu Kawiahr und Schampanja, zu Party und Jux und Tollarei am untern End von da Streif eingfundn und hupft von Iewent zu Iewent. Då spült Göld kaa Rolle und des haaßt: Schirennen in Kitz. Und wenn die Blähboys und Hawara, Bulüdüka und Eggsbulüdüka und ålle, fier de di Unschuldigkeitzvamuhtigung gültet, und Schi- und sunstign Hasalan die Sau ausalåssn: Tuabbes eich niet aufregn, weil Spurt ies jå soooo xund. Vur ållm beim Zuaschaugn. Hoffntliech stuft Ständard und Puhrs niet des Suppa-Iewent von Trippl ÄÄÄ gaxt åb zu BÄÄÄ. I maan, des taaten mir wiertschåftliech niet ieberlebm.
An guatn Morgen und an scheenen Pfingsti wientsch i Eich!
