grias eich!
haaß wors heite bei uns. oba i wor nit long draussn mittogs. grod a holbe stund.
kinda holtets meina klaanen phoebe de daam. i hob de totale ongst um sie.
heite in da fruah sitz i bei ihr auf da bonk und richt grod ihr futta her, gib ihr schon a bissale wos, damit se nit so nervös sein muass. i her se knabbern, denk ma nix dabei. hot jo wos kriagt. noch ana zeit schaug i zu ihr hin, sitzt se direkt bei mir und knabbat on mein schalgirtl uma. i hob grod noch zwa stickl fadn dawischt und ihr ausn mund gezogn. oba es föhlt voll vül von de fronsn vom schal. des is a so a gehäklter dinna schal wo a so sülbane (metalische) fädn durchzogn send, der so fronsn am ende hot. und de hotse gfressn, der klaane depp. i moch ma de totaln vurwirfe, wei i nit guat aufgepasst hob und a nit dron gedocht hob.
vülleicht is eeh nix, oba des klumpat muass hiatzt auf natirlichn weg wieda aussa. und auf des wort i schon de gonze zeit. kummts nit aussa, konns sein, daas es ihr den darm vastopft und donnis eeh klor wos passiert *heul*
i hob schon beim tierorzt ongruafn ghobt, de maant i soll ihr amol so paraffinöl gebn, damits bessa flutscht. solong se sch.... und frisst is amol guat, oba sollte es in spätestns 2 tog nit heraussn sein, miass ma hin. wenn se guat gekaut hot und kaane longn fädn send, donn gehts bessa. oba waaß i, wia se kaut???
mah, kinda i bin voll fertig. wenn wos is, gib i ma fir imma de schuld. weil i a a so an scheiß onziagn muass. | 
