auweh, hiatzt glaabm ålle, i bien a hiahnaziechta, dabei ghearn de piepalan går niet mia. unsa nåchbår, es gåsthaus staber, håt an streichlzoo. då sausn de seidnhiahna uma, niet lei die arantschenen, aa weiße und åndare und gscheckerte und a goggelore ies aa dabei. und wachtelen, haslen (killakarnickl), schof und gaaß miet an stienkapock, pohnies und rössa, kiah und a fåck, wo sein bauch aufn bodn umanåndaschleifn tuat (åba so weit ies es bei mia noch niet, kuhle!) - zua dem sågntze "hängebauchfåck", (zum schweinggerle, niet zu mia!) a hund (da tino - a freind von unsriega sally) und kåtznen und wåswaaßinochwås.
und an teich miet auknen und krotten, diecke fette tatschga, und freesche (die braunen, niet de greanen) håmtze aa. åba kaane goldfiesch niet. und an fieschreiha håmtze - åba der ies aus blastig.
in dem puhl taatet die sally gern schwiemmen wenn sie niet so wåssascheuch warat.
und weil de gåggalan går so liab sein tuamt, håb i a büldle von senern gmåcht.
und friesehr brauch i kaan, weil i ma mei glåtzn schon seit jåhrzehntn miet an minni-råsnmäha sölba herriechtnen tuan tua.
so, i hoff, i håb hiatzt ålle klårheitnen resstlohs biseitigt und wientsch eich
an guatn morgen und an scheenen freitåg
(wochnend in siecht!!!!)
und bajen ziechtn tua i aa niet. i håb derzeit lei aaa viech, die sally.
und mei mietzale. de wo åba ieberhaupt niet in de kattegurie hinein eine gheart.
und leida gwinn imma da folsche. nämlich nit i. owa i gib nit auf 
@