jo siha hätt ma des a geton, wenn ma des göld ghopt hättn,
oba mir hom des nit ghopt lei a poor schüllinge und des wor z`wenich, fir a bier hots grod greicht.
i was noch wia i glernt hob, do hob i grod 120.- schülling im monat ols lehrlinks- entschädigung ghopt. mit dem konn ma kane grossn hupfa mochn.

genau, dees ies es: aanige von uns hättn's wåhrscheinlich aa gitån, wenns uns so guat gången war und mia es göld dazua ghåbt hättn. und ålle von "die jungen" tuans jå aa niet, seind jå lei a påår, de "die jugend von heite" schlecht måchn.
pars pro toto oda so iergendwia håmt die åltn költn schon xågt. oda wårn's de kriechn? eh wurscht.
und vül ånders wår's zu dera zeit, wo ma mia noch tinätscha wårn, jå aa niet. siehg i noch die åltn weiblan umahuckn und jaammern "jåjå, die jugend von heite, wås soll aus de noch werdn..."

seawas Poebe!
jo de jungen , hom ka ohnung wia geht und saufn sich volle modl on.
na na na! mir hom uns des nit getraut, aussadem homa mir ka göld nit ghopt.
seawas da
kuh........................................lee

morgän!

nix "wettn dass", i wor am inslfest und hob ma unta ondarem den reinhard fendrich ongschaugt. hota a konzert firn georg danzer gspült.
und sooo vül leit dribn auf da insl. und so vül bsoffane. kreiz und quer send se gekuglt, de jungen. a bissale trinkn is jo o.k., oba wos de betreibn, is nit normal. send jo noch kinda heast. oba se kriagns jo a, ohne weitares.

winsch eich an scheenen sunntog!!!!!!!

guatn morgn olle zomman!
de sunne scheint, is des nit suppi?
eich an schenen sunntog!

24.06.2007 11:03:
na ruflo des hob i nit gwusst, du sogst an jo niex.
oba gestan de wetta das wor wohl wiezik wia da persch sich im tirstock umgezogn hot, i kennat des nit, du ruflo? oda iba die bierfloschn mitm radl fohrn
mir hots getaugt.

hahaha, irmi, lei miet da ruhe.... denk drån: "ein pischen schpaaaßmusssein..."
åba der kånn jå a zweites liad aa noch, ies iergendwås von an kaschpaletiata. aa na, von an puppmschpüler maan i.

24.06.2007 09:26:
a jå, håb i zum temma christabel vageessn sågn: dersebm wår die kreizn fier a wochn oda so niet in kärntn, sondern im schwårzwåld, durt hin ies nämmlich da christabel ihr månn ausm kazett gfliechtet und håt sich im wåld vasteckt.
hihi, wås die bibisie ållas kånn...
und da påhnhof in sanktstefangail wår die eisnpåhnstatzijohn von kreizn im schwårzwåld.
dass se in budapest die berlina szenen gidraht håbm, ies eh klår, weil so vül untaschied ies (fier de engerling) zwieschn de zwaa städt eeh niet.

morgääähn ållezåmm, i winsch eich an scheenen sunntag. des wetta was nit wås es mochn soll. die sunn iebalegt sich noch, ob se ausakumman soll oda niet.
@cooli, du håst jå wettn dass gschaugt. wie se den roberto blanco ångsågt håbn, de schmierige rumkugl, håb i sofurt ausgschåltn......da wirds ma iebl, i brauch an kiebl.
bis gaxt amål

@ruflo, sixtas, in wås fier ana bevurzugtn gegend du wohnan tuast

guatn morgen, seas, gehtzeichguat?
so, "wettendass" håmma aa ieberståndn. wår åba eh niet so schlecht.

håbtz des gwusst, dass aane von de gestriegn stargäst, die liz hurley, in da kreizn an fülm gidraht håt? des wår a dreiteilige BBC- Serie iebers missglückte hitler-attentat vom juni 1944.
då håt sie die hauptrolln als "Christabel" (so håt aa die serie ghaaßn) gspült, a engländarin, de aan am attentat biteiligtn deitschn offizier gheiratet håt.
då ies es rund gången bei uns. ies ålles fier den fülm "umgibaut" wurdn, die asphaltstråßn håmtze miet schotta zuagedeckt, de leitschienen mit holz vaplånkt und im gråbm, beim ehemålign gåsthaus bräu (koschier) håmtze als kulissn a gåntzes haus aufgibaut (dås ma mia von da kreizna fajawehr nåacha niedaglåssn håbm, haha).
lauta ålte armeefåhrzeig seind bei uns uma gfåhrn, sogår a pånza und a ohriginal-spitfire håmtze a påårmål durchn koflachgråbm ausagjågt.
und die "echte" christabel und ihr månn wårnt bei de drehårbeitn aa dabei, damiet de niet z'vül bleedsinn dazähln tuamt.
i håb a bandl von da BBC mit de drei ohriginalfülme kriagt, åba im orf oda im deitschn fernsehen ies de serie, sov ül i waaß, leida noch nia glooffn.