auweh, wirren seind niex guat, de vawirren de petze tutal. i waaß niet, ob da mäck affi wohl so suppa ies. i håb den AVG drauf und der schreit ållaweil, wenn wås niet stiemmen tuat. oftamål maan i, schreit der lei per gaude.åba a gaude muaß sein.
i håb frieher amål an åndern wirren wächter drauf ghåbt, (norton) då håt siech a so a hundling hientn umma vurbei gschliechn, den wächta iebalistet und ausgschåltet und dånn wår sense. schluss miet lustieg. åba seit i den avg drauf håb, ies eigntliech a ruah.
i, wenn i a wirrus warat, i taatet lei a gaude måchn und die leit a biessale pflanzn, åba kaan schådn niet ånriechtn. åba so bien i jå ka wirrus niet. i warat a vül z' fätt, i kaamat miet mein wampale durch kaa leitung niet durch.
so pflanz i hålt mie sölba. waaßt wås fier a hetz!
25.07.2008 16:25:
heite um sexe auf d' nåcht håmma bei uns a gaude. auf da åltn schual werntze a gidenktåfl fiern peter salcher enthülln, der wo då in da kreizn gibohrt wurdn ies. åba du waaßt eh niet wer des ies. odawohl?
der håt mietm ernst mach (ieberschållgischwiendigkeit) zsåmmg'årbeitet und die erstn fottos von da druckwelle beim ieberschållflug (ieberschållgnåll) gmåcht.
wenn a so a teirofeita mit an zottn daherkummt, könnet man a sågn, der fliagt miet aanskommafümpf salcher. sågt man åba niet, haaßt lei, der fliagt miet aanskommafümpf mach.
und da våta vom salcher wår a vurgänga von da inge ihrn schwiegavåta als dorfschualmasterle in da kreizn. und vom ruflo aa.
und da salcher wår brufessa in da åltestarreichischn marineackademie in fiume. derwegn kummt aa a åburdnung aus rijeka, wås jå frieher fiume ghaaßn håt.
i, wenn i miet dem matursegla auf dem intanäschonäl polenta-ährpurt nötsch åbhebm tua, i fliag då nia miet ieberschållgischwiendigkeit. tuamt siech lei die leit daschreckn, wenns kråcht. und die hund aa.
und nåachan werdn mia unta da liendn huckn, wo se tiesch und banklen aufgstöllt håbm, und a fiellaha åbelaatn und aufn salcher denkn. und i denk, a kuhtelett gips aa vom grüll. und wierschtln. mmmmhm | 
