sowås, naa, schröcklich.... håt wohl ein grad - åba da eisblåse geht, dass man maant, man geht in grönlånd mietm hundsviech sputzirn. dabei wår i lei untn in da schottgagruabm.
da sally ihre uhrwatscheln seind gflåttert wie dem dumbo seine in dem disney-trickfülm. håb i gidenkt, glei werd mei huntale åbhebm und mi mietnehmen in die liefte. des gråd niet, åba de költn ies durch die wiendjackn (und sowås haaßt wiendjackn!) durch eine gfåhrn bies zua de rüppalan. lei guat, dass de niet klappern können.
niex scheenares gips als wia a wårme stubm, hearst.
jå - und bifund gips heit kaan, weil jå vurgestan und gestan ostan wårnt. und de wolln ma wåhrscheinlich ka ei niet legn, ka faules. odawia.
falleicht ies er murgn då.
mia wurscht, hiatzt wårt i hålt noch an tåg und wenn murgn aa niex ies, nåachan hau i den huat drauf und riehr mi niamma. wennse mi gern untn hättetn im lkh, werntze mi schon vaständign. und sunstn könnentze mi gern håbm.
nudl. (pasta)
25.03.2008 15:42:
he, kuhle, waaßt eh, dass de leit miet an riesnkropf bisunders guat jodln kennen. sågntze; zwengs da resunantz odawiadeshaaßt. (wooo i geeeeeh und steeeeeh, tuat mia da kropf so weeeeh.... hollareidulijöööö... odasoännliech geht da ärtzhertzogjohannjodlara.)
des warat a gaude, wenn du zwieschn die haxn auf amål jodln taatest. hihi. oda a biessale prostatiern. maanst, miaßast då eppa a haxle dabei aufhebm, beim jodln, so wia da bello beim ludln? hoppla - umfållt! | 
