sewas olle zommen!
wia gehts eich?
passt olles, sitz olles, olles gsund?
ma kinda i sog eich, hot wor a tog.
zerst hon i zeitig am nochmittog zu meine behondlungen miassn und von da orbeit weghudln. derf oba erst um ans von da oabeit weg und um holb zwa wor schon therapie.
mit an gasfuass is sichs oba guat ausgongen und bin rechtzeitig bei da garage zum behondlungscenta kummen, i wül obbiagn zur garagneinfohrt, vadraht sich des blede lenkradl pletzlich und i fohr mit dem radl on den rondstan on, der a noch mit metol eingfosst wor. und donn her i und vur ollem spir i schon warum, da rafn wor hin, plotzt. gott sei donk nit auf da autobohn.
i schnöll mei behondlung obagespült und donn wortn auf den öamtc. der wor gott sei donk schnöll do, wal i wem durt kenn und de mi vurgnummen hobn :-)
neicha rafn aufe und schon bin i weita ham gedüst. durt hot mei freind schon auf mi gwortet, wal ma mit da klaanen phoebe zum tierorzt hobn missn. se hot schon wieda so komisch mit ihrn maul so umageton, das i sufurt on de zähnd gedocht hob. jo, und leida wors a wieda so.
is wieda unta narkose kummen und der zohn, der schon wieda zu long gwoxn is, is obgezwickt wurdn. ma hon i mi wieda gfurchtn, während der wortezeit. i wor wieda voll fertig. oba gott sei donk is guat gongen. se is zwor noch voll ongfressn, oba sunst gehts ihr wieda guat, mein mausale mein liabn. frisst, sch... und frisst :-)
mehr so tog wia heite und i kriag de erstn graun hoor :-) | 
