|
|
|
| ruflo am 27.12.2009 22:38 (vua 5448 Tåg) |
seas weiwaleit. wohlwohl, seibbes eh hariennen im fiellahanett. scheen dass ihr då sein tuabbes. hiatzt hättet i mi schon fåst untern gulter einegfliechtet, åba naa, hånimiagidenkt, schaugst nochamål eine ins nett. und wås siehg i? neiche freind seind då! maa, ies des scheen!
måch dir niex draus, bärbl, wenns niet klåppet. waaßt eh wås in da bibbl steht: "die wege des fiellahanett seind unergriendlich!"
hallo inge, jå, mia håmma noch a biessale schnee då bei uns in da kreizn. es essn auf da windischn höh wår - wia iemma - guat und vül und biellig. håt die sally aa noch kriagt aus da allufolije. schåd, dass heit a biessale dunstig wår, håt man die julischn niet so guat gsehgn.
åba hiatzt schleich i mi. ålte taggln ghearnt in die kiestn. pfiateich bies murgn.
kuhle, friess niet z'vül! |
| Bärbl am 27.12.2009 22:28 (vua 5448 Tåg) |
inge is echt ka schmäh, i hob eine gschaut do wor mei schreibarei drin, a stund späta woars niama do und wia i hüüüülfe gschrian hob wor de schreibarei wieda do. nix fia unguat. de wundersame technik! hiatz is olles wieda tuti paletti! weat e automatisch ibasetzt....is mir dos peinlich, gonz nei dabei und schon so a trara um nix und wieda nix. donkschen fia eia vastnändniss |
| inge am 27.12.2009 21:23 (vua 5448 Tåg) |
@bärbl, seawas olls doda von "vaflixt" bis "baba"!!! vasteh nit, warum du dos sölba nit siegst! wonn du gästebuach und niet weatabuch und a niet witz und schmeh onklickst nocha waas i aa nit  |
| inge am 27.12.2009 20:43 (vua 5448 Tåg) |
griass eich olle ... zwischn de joahr, so wia de deitschn sogn.
Und griass enk de gonz nei ins Fiellachanet "hamgfundn" homb! Liab is de gschicht von regnwuam mit de zwa kepf!
weihnochtn wor trotz regn schen, lei homma vüll zvüll gessn ... wia is denn enk gongan?
@ruflo dei büldl von da windischn hea is schen, sovüll schnee - mia homma kan mea!
seawas in olle himmlsrichtungan!
|
| Bärbl am 27.12.2009 20:07 (vua 5448 Tåg) |
vaflixt noch amol, d. geht jo schon guat on. a gonze litanei gschriebn und hiaz bin i ausegflogn. also noch amol von fuan de gonze litanei. ers amol griaß eich ole mitanonda. ach du großa gott, jetz sig i a noch do obn ollahond zeichn stehn, brauch i de oba nit a noch zum schreibn? wal i hob mi erst heite nochmittog gergat mit so ana einstellarei von mein compjuta. ist des herlich zum schreibn wia an da schnobl gwochsn is. do brauchst ka wörtabuach, ka schul und a kan magista....heite nochmitog hob i eia seitn von meina freindin bea zuagschickt kriagt.....i hob mi fost zawuzlt....hobs glei weita transpoatiert
an mei freindin sissi und hiats seima ole drei mit von den haufn bei eich. mir sein drei asylkärntnarinnen und in olle himmlsrichtungen vastrat. i bin schon seit iba 30 johr fuat von daham, oba mein dialekt wea i nie im lebn valernan.
ibrigens hamweh hob i heit noch so wia am erstn tog! mea brauch i eich nit
sogn. wea des nit kennt was nit wia schiach dos is  jo a karntn is lei ans. seits froh dos in den schean landlan lebts.
i mecht eich ole donkschen sogn fia eicha schreibarei, mochts weita so.
seits liab gegriaßt und baba eia, bärbl |
| sissi am 27.12.2009 19:53 (vua 5448 Tåg) |
na eha zan frogn i wüll mi jo nit mit gedonkn- stott schlofn -plogn.....
wos tuat ma wenn an eppes gfollt, komma sich donn a ontwort gebn? oder muass ma damit lebn, das kana konn mitn ondern redn? sissi.......... |
| schoba am 27.12.2009 19:26 (vua 5448 Tåg) |
wor i sehr faul heite, hot oba guat geton - wea hetzan nochrichtn schaugn und mi nachand fias heiti zommrichtn, muas jo murgn orbeitn gean. winsch eich a sanftes taummandal, so wia domols: wist des no....um fünf miuten vor sieme...das traummännlein kummt - samma muxmeislstü vurn radio gsessn und homma mit aufgrissane augn zuagloust.........guate nocht olle mitanonda  27.12.2009 19:34:jojo, da wildpanner woa a onkl um zwaa eckn - wohl, der is schon gsturbm - geat uns eppa olln so amol seas - sissi - host no so a longs gedichtl - woa echt klaas zem lesn |
| Waldschneck am 27.12.2009 19:15 (vua 5448 Tåg) |
Auweh, um de alljährliche Sissi in da Flimmakistn bin i rumkommen und ez ham`ma do herin ane.  Griaßdi Sissi, es klappt. Du brauchsch Di ez nimma mit Deim andan End untahaltn.  |
| sissi am 27.12.2009 18:32 (vua 5448 Tåg) |
wia herrlich .... kane zwiegespäche mehr zwischen mir sölba.....
schaugt ausn ocka außar a regenwurm...in der näh
reckt zgleich a ondra regenwurm sei köpfle in die höh.
"Ah guatn tog , kollege!" sogt der voll freid zum an:
"wia scheen, daß sie a do sein,
ih bin eh nit gern allan!"
drauf tuat der ondre tschentschn: wia tumm oft monche send!
ih bin nit dei kollege - i bin dei ondars end!"
so gehts ana kärtnarin in bremen... red mittn eignan gfriss, damit sie so konn redn, wia ihr der schnobl gwoxn is.....
27.12.2009 18:38:
a bin ih schon drinan......? konn mi jetzt nit besinnan das i schon hätt wos ongeklickt.... a bin i eppa schon weitergschickt?????... tuats mi des wissn lossn?
sunst ärger i mi dermossn, das i glei nix mehr eineschreib, mei goschall still und schweigsom bleibt......... sissi |
| coolati am 27.12.2009 17:44 (vua 5448 Tåg) |
hoffntlich sen de Gäns bluaman gebrotn weil roh friss i se nit. da widpanner wor a schulkolleg von mir, is oba glb i, schon gsturbn. 27.12.2009 17:52:ruflo geh lei, denk on dein pauch!  |
| schoba am 27.12.2009 16:17 (vua 5448 Tåg) |
ma, hobts deis schon des longe, scheene gedicht glesn wos de elisabeth mueller af da seitn "die KÄRNTNER auf Facebook" eichn getippt hot? des haast "nit amol denkn`- särfts amol umme, des is nit ummasunstan gwesn - mocht a a freid. des wollt i lei nouch sogn - pfiat enk |
|
|
|
|
