awos is denn hiza los, hot eich da zunami dawischt?

hi ruflo!
du bist jo lei neidg dos du nit dabei worst bei dem gschmatzrach

du, evale, a merkest wohl, de lötta, de gfrasta - kaum sehgntse a kittele wachtln, schon wern se heeflich und bålznt umanånda åls wia de aawahåhnen. augn zua, fliegl ausgebratet, schwånz in d' heah und durch.
i bin nix heeflich, i såg da die wåhrheit mitn ins gsicht: i schätz di nit auf zwanzg, sondarn auf anezwanzgahålb.göll, håb i recht, ha?

a so a simmpolisches gschmatzrach und gschmusrach då harinnen. wånnst a runzlate wångan brauchst, nimm meinige. åba nit z'laut schmatzn, sunst heart's mei mitzale und i muaß wieda untern tisch eine.

i hättet a a ritzept fier an reahrdlsålåt fiern kuhlatti: gehst ins wirtzhaus, såmmlst durtn ana reahrlen wo die gäst limo gsoffn håbm, schittest daham a schmieröl drieba und haust des zeig durt hin, wo dei fluffi (=kåtz) ållweil würschtlen fabriziert. passt guat dazua.
und du tuast da zum gwierfltn schpeck an bauernpimps åbaschneidn.
mmmmhm - dås schmeckt, werst sehgn!

i såg da, evale, a so a rentnamanndl håt an schtress - nitamål "seas" hån i noch gsågt zu dir. also: seas, griaßdi und a simmpolisches!

i tot sogn: so uma zwanzk
( des is nia vakehrt)

Tuabts lei amol schätzn!

Bin gsponnt, ob des darrotets!

A simbolisches Bussale
aufs Wangale
vom Evale

ma du traust di!
i bin wohl olt oba runzlat noch nit
pass lei auf auf di es geht gach schnella wia man denkt!

Liaba Coolati!

Is jo gern gschegn :-)
Guats Gelingen
und Gottes Segn!

A simbolisches Bussale
aufs runzlate Wangale
vom Evale

ma, donk da Evale!
des mit dem speck is a supa idee, und des mit da jauchn a.
i hoba platzl wo imma meine 2 kotan umemochn oba des schmeckt jo gornit.
so a realsalot is des beste im frühlig d fühlt man sch glei um 40 johr jinga.
wenns du amol a wos zum kochn brauchst frog lei mi. i bin hobby orzt und hobby koch, meine rezepte sen bis Südafrika bekonnt.
na i wor noch nit in Südafrika , lei mei Pysiotherapeutin is von durt daham. mi ziags mehr in die karibik, noch Jamaica.
dir a festes real da
Andaleeeeeeeeeeeeeeeeeeeee

Wal des Rezept so guat is, komm des nit nua da Coolati allan hobn!

Also, zeast tuast den Readl amol stechn. oba nit auf ana Wiesn, wo da Baua grod mit da Jauchn umatumgfoan is. Was eh, wia da Readl ausschaut, oda? Nimmst nua die klanen zoatn Readln und stichst se als a gonza aussa.
Daham tuast de Readln donn putzn, untn den rest vom Strunk wegschneidn, de braunan Blattl aussn wegzupfn, und de anzlnan Balttln schean sorgfältig Woschn.
So nun kummt a supa Trick:
Tuast de gwoschanan Blattln fia a zehn, fufzen Minutn in a woames Wossa legn, des ziagt des Bittare aus de Blattln aussa.
Danebn tuast schon a poor Tschompe kochn.
De Marinad mochst mit an Kremser Senf (ca. 1 Esslöffel voll oda mehr), an guatn Opflessig (ca. 1 Esslöffl), a bissl Zucka (ca. 1/4 Teelöffel) tuast a eine. A bissl an zadrucktn oda klan gschnittanan Knofl konnst wennst mogst a eine tuan, des is Geschmockssoch. Natürle a bissal Salz und dann a guates Öl, i nimm imma a Kernöl (ca. 2 Esslöffel). De Marinad mochst schen ob, und donn tuast de Readlblattl eine und mischt des gonze duach. De Blattl konnst a bissl schneidn vuaha wenn wüllst, i loss es gonz. Danebn tuast a bissl an klan gschnittanan Speck onbrotn. In den obgmochtn Salot mischt donn de noch woamen gschnittanan gschöltn Tschompe eine, den woamen Speck drunta - a knuspriges Buttabrot dazua und fertig is de Gschicht.

Schmeckn tuats supa und xund is!

A simbolisches Bussale
aufs Wangale
vom Evale

Seas Kuhlatti!
Rezept firn Readlsalot schick i da!
A schen Gruass vom Evale

hi ihr käantna!
kennts ihr mir hölfn? i suchat a rezept fir an gschmackign "realsalot"
coolati@gmx.at
donk eichn schen, da wöltmasta

hi Evale!
no endlich is ostan vurbei. i hob schon kan schinkn mehr segn kennan.
oba an reindilng der gangat noch grod wenn da kaffe so guat vom herd her riacht.
i hob die gonze nocht getramt dos i aufs feia aupassn muass
wegn dem osta schiassn. jo, holt jo dos wor amol hiaza moch des die jungen. dir trotzdem noch an schenen tog
andaleeeeeeeeeeeeeeeeeeeeeee

Kriass Eich ålle mitanånd´! So, seima ålle wieda då in gewohnta Kråft und Freschness!
De Ostan håb i guat übastånd´n, gess´n håb i a nit gorasovül, ålso ålls im krianen Bereich, passend zua Jåhreszeit! Tuatz nit so vül umafurz´n des Månnsbülda!

Schen Wochnbeginn
und a simbolisches
Bussale aufs Wangale
vom Evale

siehgst, kuhlatti, schon wieda a untaschied: des steckts die hosn ins ofnrohr, damit se dreckig wer'n, mir tuamma se in die wåschmaschin, damit se sauba wer'n. und wer kane håt, nimmt a rumpl.
åba hiatzt håb i echt genua von die ostan. wer'n eh båld die niggelo und grampus in de auslågn stehn, wearst sehgn.