inge, aanige von meine büldln seind falleicht recht scheen, nåjå, åba: 

29.09.2009 22:26:
so leitln, fier mi ies bed-taim. und von da inge ihre kunstwerke wer' i heite traamen.
guate nåcht und stölltz niex ån!

30.09.2009 07:32:

Halloz Freinde,
hob grod wieda zruckglesn, lauta interessante Gsatzlan! Bisundas en kuhln sei Beagtur und so weita ....
I wollt eigntlich lei schreibn, doss i am Somstig wohl kimm, oba ohne Manfred. Der mog nit, wal ihn ollweil schwindlig is. Von wosfian Ebner mit Fleischnudl isn do die Red? Von den in da Kreizn? I kaf de ollawal von Ortoff, de kriag man ban Schpar. Guuuuuuat! Nocha hob i en ruflo seine Solzburgbüldlan ongschaug, woa so schen! I wor a vurige Wochn 2 Tog in Solzkommaguat, do seind Büldlan von mia:
http://picasaweb.google.at/ingestri
Nochan bis bold, bin schon gschponnt!

i bin jo a festa julia geha gwesn, zfuass aufn canin(nit gonz aufe) lei auf die gilbertihittn dewos do is woma eigntlich aufn canin geht. oba auf da preblaua schortn wor i schon hob sogor a gonze menge schrott mit ham gebrocht, a kranatn de wos neama geht und a menge schrapnelkugalan.in ana höhln liegt noch a ungetim von ana kranatn do hots sogor a foto gebn wia i drauf reit. oba sie hot neama getickt
holt a sponnende soche do gibts höhlnen de iba 1000 meta tiaf sen, a freind von mir is in ane eiunegekrakslt 1000 meta des is gonz schen tiaf, do musstg aufa a wieda.
so mei kasbrot hob i vanichtet bis noacha
Kuh............lee
29.09.2009 21:20:
so leit, i sog eich guate nocht, bis murgn wieda

jåjå, geht klår.

@luschari: naa, den weg z'fuaß von haruntn aufn luschari taatetn mia zwaa niamma dapåckn.
åba: kuhle, es geht a kabinenseilbåhn von camporosso aufe. und von da bergstatziohn ies es lei a wienziges stieckle.
und aa wenns d' von durtn niet weita kummst (als wia zum erstn gåsthäusle, hihi) - bei scheenem weetta lohnt sich sugår von då aus die pfantaschtische aussiecht nåch sieden zua die julier (cacciatore, ...) und zua die karnischn. und wennst glick håst, - bei klåra siecht - siehgst haam eina bies zum großglockna.

Tanke fir de auskumpft werst ma wohl sogn wenn se amol mochnt?
i tat se gern amol prabiern und mit dir a holbe ziagn.
do harin homma eh imma gondakt.

håt er iemma auf da speiskårtn. am bestn seind se, wenn se noch gånz friesch seind. då werdn nämlich a gånze masse auf amål gmåcht und - wås niet glei gibraucht werd, tuamtze einfriern. am abestn telepfohnisch akundign.

wenn ma lei an jungdiandlfriehling hättn tatn, brauchat ma uns nit vurm winta firchtn.

a froge: hot da ebna imma fleischnudln oda lei wenn er gschlachtigt hot?

>>> "hobs ihr a so an schenen oltn weibasumma?" <<<
kuhle, waaßt eh wia des ies, zua die diandlen muaß man heeflich sein, derwegn gips kaan åltweibasumma, sundern lein an jungdiandlfriehling. oda aa niet, jenåchdem.
so, die sålzburga büldln (a påår davon) seind drien im flickr. hiatzt könntz schaugn. wenn des wölltz. wenn niet - måcht aa niex.
www.flickr.com/photos/dueller/

seawas maatin!
i hob schon gedenkt du bist am oktobafest vascholln, dabei oba nit.
hobs ihr a so an schenen oltn weibasumma?
dode is es wundaschen.
krod dos ma neama bodn gehn kennen. kennnen wohl, oba es is z`kolt brrrrrrrrrrrrrrrrr.

gutn morgn widda amol aus voradlberg!!!

long nix mehr do gwesen oba wissts es eh die pensionistn homt ka zeit nit.hetza kimmt oba die zeit wo i widda mehr do vurn blechtrottl sitz.
ruflo dei leit wos da in solzburg vor da linsn umadum glofen sind wornd sich kane japana eher koreana oda so wos. weil mei schwigatochta is a japanarin und die wortn imma wen ana fotograbüldlt befur sei vorbeigehn

eich olln an wundacheanen herbsttog martin und barbara aus koblach

i sog eich a guatn morgn und a an schönen dienstog de sunn scheint eh. mir gehts dos i zfriedn bin. hoffntlich eich olle a

seas sepp.

leida bin i jå erst gestern (montåg) in sålzburg gwesn. åba die "spurn" vom rupertikirchtåg håt man rund umman dom noch gsehgn. a riesnradl, a hålb åbgebautes ringlgspül, bierzölte und an haufn miest, der noch zum weckraamen wår. (und massnhåft japana und åndare gäst, de mir ållaweil ginau dånn vur die liensn gloffn seind, wenn i åbgidruckt håb).
åba traurig bien i derwegn niet gwesn, weil i so aan kierchtågsrummel am liabstn nåachan håb, wenn er vurbei ies.
wennst lust håst schaugst da amål die sålzburga büldln auf www.flickr.com/photos/dueller/ ån, de i heit im laufe des tåges einetuan wer'.
so guat kenn i mi in sålzburg aa wieda niet aus, falleicht kånnst ma sågn, ob i då eppes fålsch bischriftet håb.
scheen wårs auf ålle fälle, weetta håt aa gipasst und i bin froh dass mi mei bua mietgnummen håt. sei furtbüldungskurs wår von da firma kahlhofer aus, de du eh siehalih noch guat kennst, in itzling draußn.
_________________________________________________________________

auf gehtz, låssn mia de spåtzn in die wadln aanfåch tschwietschern und gemmas ån.

29.09.2009 09:10:


farm3.static.flickr.com/2236/3962415711_398940ab30_b.jpg

so, hiatzt passt's wieda. dås ies des foto, wås eigntlich untn sein sollat, åba niet durtn ies, weil mans niet siehgt. åba hiatzt ies es då harobm und hiatzt siehgt ma's wieda. okeh?