wieda a scheena tåg, derzeit wolknlos und ångenehm kuahl... åba obs so bleibt?
fier auf d'nåcht seind schon wieda giwietta ångikündigt, dabei håb i zur weettatante gestern bei da zeitimbüld noch xågg "christa, måch uns kaan kummer!" åba maanst, die christa kummer taatet mia folgn? nietamål denkn.
und da gånze URF, niet lei die metolololognen tuamt mia niex als wia es widagspül treibm. hund, he - i maan i wer' beim gibiehrnzåhln gaxt streikn. odawia.
i wer' hålt jednfålls die friesche morgenlufft ausnutzn, es hiendle dawieschn und mei morgenrunde drahn. ies jå derårtig scheen in da fruah.
wenn lei die gilenke und die pumpm.... aa wås, schluss miet da siadarei und miet dem gitschentsche. es glasle ies hålb voll.
bien i falleicht a meckagaaß oda sowås?
solång da HERR OBA-SUPPA-DOPPL-WÖLTMAASTA in sein tütü beim wårmbåda pahlett umanåndahupfm kånn, kånn i aa mei morgenrunde miet da sally drahn. warat jå glåcht odawia. dabei könnet i jå den kuhlatti-buam noch ziehgarettn-kaafn-schieckn. åba erstns tuat der se lei vom wurzn åbaschmuckln und zweitns rauch i schon jåhrelång niex mehr.
a pröstle zum fiellaha kirchtåg,
an guatn morgen und
an wundascheenen tåg eich ålln!
30.07.2009 07:44:hahaha --- büldungsreise --- rofl lol
30.07.2009 12:11:>>> ...tuat der se lei vom wurzn åbaschmuckln" <<< naaa - ies jå lei a schmäh. maanst eppa, da andale wüll schuld sein am trafickantnsterbn odawia?
30.07.2009 18:40:åba då wår heit a bitrieb... schauderliech... und i geh hiatzt a. i wientsch eich wås und såg pfiateich - falleicht bies murgn odawia.
