Maaahhh.....
Hob i so a longes Gedicht ( da Ziaglaufzug)
Von Wilhelm Rudnigger in eier Witzeseitn einegschriebn.
Donn hob i's obgschickt, oba onkumman is es onscheinend nit.
Uch nore is oba wohl schod.

07.02.2018 05:51:
 Dö Fibi is am Wochenend
bei ana Freindin gwesn,
dås Pfeiferle aus Kanada,
håt selbstgmåcht's Gulasch gessn.

Da Martin aus Voradlberg,
dås is jå wohl a Graus,
muaß wieda in dås LKH
I hoff', er kimmt båld z'Haus.

Wås i da Fibi sågn möcht,
In dera kåltn Zeit:
Trink haßn Tee in dei'm Büro,
da Frühling is nit weit.
Tram von dem scheanen Faakersee
im Juli und August,
dås nåch da Kält'n wärma werd,
dås sei dir stet's bewußt.

Nåch ana kålt'n finstar'n Nåcht,
werd imma wieda Tåg,
dås giltet jå für ålle Leit,
Nit lei weil i dås såg.

Liabe Grüße 
s' Wastale

 Pfeiferle?
Mir kimm'b für du bist ana von dö Zachn.
Dås send dö, dö nit so schnell aufgebn
A konn dås sein?

03.02.2018 22:07:
 Und noch wos

Mir gfållt dås anfåch dås då a påår Leit send, dö so redn wia i gern tatat.

Wal won i so redn tatat wiea i do schreib, noacha tatn meine Enkalan sågn:
Da Opa is tamisch worn!

 Guatn Åbnd

@Pfeiferle

Na, na i kånn baleibe nix dichtn.

Lei oftamål då fållt's ma ein,
Es kinntat doch a Reimle sein.
Im facebook bin i hiatz grod gwesn.
A host du schon mei Nåchricht glesn?
Womöglich host sie går nit gfundn,
wal sie is irgendwo varschwundn.

Dås mit der App dås is a Graus,
då kenn i mi jå går nit aus.
Då tua i lei so umasuachn......
zan Schluß dås gånze Glump vafluachn.

I wünsch eich noch an scheanen Tåg
Wal i hiatz neamma schreibn måg



03.02.2018 19:19:
 Guatn Åbnd

@Pfeiferle

Na, na i kånn baleibe nix dichtn.

Lei oftamål då fållt's ma ein,
Es kinntat doch a Reimle sein.
Im facebook bin i hiatz grod gwesn.
A host du schon mei Nåchricht glesn?
Womöglich host sie går nit gfundn,
wal sie is irgendwo varschwundn.

Dås mit der App dås is a Graus,
då kenn i mi jå går nit aus.
Då tua i lei so umasuachn......
zan Schluß dås gånze Glump vafluachn.

I wünsch eich noch an scheanen Tåg
Wal i hiatz neamma schreibn måg

 Guatn Morgn ålle mitanånd

Ät Pfeiferle
Hob probiert dir wås zan schreibn,
Hoffentlich is gongan.🤔
Facebook is nit so gonz dos meine.

Fråg i heit mei Weible:
Wås gibt's den  zan Essn?
Sågt sie: nix
Såg i:
Dås håma eh gestarn ghåbt.
Sågt sie:
Jo frale, wal i håb jo fir zwa Tåg gekocht.

A scheanes Wochnend für Ålle

 Guatn Morgn ån Ålle

Ät Pfeiferle

Meine Enkalan send mei Hobby.
Und sunst tua i Schwammlan brockn, Schwårzbar klaubn,
Schlehdornschnåps mochn, immaramol a bisale schnitzn, (ausm Zirbnholz)
oftamol wåndarn auf da Hochrindl, zeitnweis im Intanet sörfn, und zwischdurch a Bildle måchn.
Gaxtamål geh i tånzn mit meina Prinzessin.
Face book wer i amål einischaugn.

Bei uns tuat heite  fest schneibn.
Ångeblich kummt a Kältewelle?
Schau ma amol....

Pfüat' di darwal.

Zan End noch liabe Griaß aus Kärntn ån Ålle

 A jo Pfeiferle host du gmant " lonsome"  oda  longsome?
I man die Longsoman oda die Einsamen?

 Guatn Morgn olle miteinond !
Danke Pfeiferle fir dei Ontwort.
A tuast du die Fisch sölba fongan a ?
Dem Martin aus Voradlberg wünsch i viel Gesundheit und guate Besserung !!!

Freindschoft is, wonn ma Stundnlong umatumsitzt
Und iba Sochn redat üba dö ma eh schon 1000 mol gre'd hot

 Griaß Goht

Jo uhhh nore, schaug amol on!
Is jo nit zan glabn, so ane longan Briaf und olls zwögn's meina.
Donkschön, doß ihr mi so liab aufnehmts.

Pfeiferle: warum haßt du so und warum waßt du so genau wia's in St. Veit hiatz ausschaut?
I geh oftamol zum Taupe an Kaffee schleapparn.
Dos näxte mol wer i bestimmt on di denkn.
Wieso bist den überhaupt ausgwondart und wie olt worst den do?

Liabe " Fibi "
Dos tuat mir oba richtewohr lad, doß i die mit an Mannlan verwexlt hob.
Oba i hob erst noch mei'm Schreibn a bisl weita hintn in eiarn Gästebuch glesn.
Do bin i donn wohl draufkömman oba do wor schon z'spot.
Schod um dei Hasle.
A bist du in Wean aufgwoxn?
Und wieso konnst du so guat karntnarisch schreibn?
Nix fir unguat, doß i so neigierig bin.

Liabe Griaß

A bloasfuaßats Biable potscht her durch'n Dreck,
Je irga je liaba, es spritztlei so wöck
ban Fensta die Muatta, dö fong on zan schrein
Jo Biable hiatz sog nar wosfollt dir den ein
mitn niglnoglneian Höslan so a Saupartl sein.

Griaß eich olle miteinond !

I hob mir gedocht,
hiatz schaust amol eine,
Ob irgendwer glesn hot,
Dos Gschriebne, dos meine?
Und richte wohr bei meiner Seel
da Phöbe? hot's gsehgn,
Und dos feintla schnell.
Er möchat ger wissn, wer i bin wos i tua?
A bisl darzöhl i, i hoff es is gnua.

I haß Sebastian und bin aus St. VEIT
I wor amol Tischla, in da früahrigen Zeit.
Hob a Weible, 3 Kinda, bin schon in da Rentn
und meine 7 Enkalan trog i auf Händn.
Bin umatum z'friedn, trink oftamol Bier,
Dabei schmeckt am böstn dos "Villacher" mir.

Es griaßt olle Leitlan, von noh und von weit,
der "Neuzugang" Wastale
der aus St. Veit

Gonz besonders liabe Griaß noch Kanada!!!
(I bin a noch mitn Gurktola Zieglan gfohrn)

 Hob eich zufällig gsehgn
Dos redn gfollt guat!!!
Möcht hiatz amol wissn
ob ana zruckschreibn tuat?
Wos dos f'rane Leit sein,
dö so öpas schreibn,
Was nit ob i gehn soll,
oda a bisale bleibn.
Es tatat ma gfolln,
tat i irgendwos hearn,
wal dö Leit dö so redn

dö mog i gonz gern!!!

Liebe Grüsse
Wastale