Guatn Morgn fir Ålle
Heint is Mittwoch und i waß nit, ob i dås wås i sågn will, a sågn sollt?
Wal i bin jå lei da Neie.
Såg i åba trotzdem.

"Tradition ist nicht die Anbetung der Asche, sondern die Weitergabe des Feuers"

Und deshålb möcht i a bisale eineblåsn in die Gluat.

Ihr wård's amol so a lustiga Haufn.
46873 Einträge is ka Dreck!!!
Und fåst 2000 Witz send a ka Klanigkeit.
Åba wo send den dö Leit ålle hinvarschwundn?

Vielleicht kennt jå wer an, der wås wön kennt?
Fibi?  Wås manst?
Pfeiferle? Bist jå a schon so lång dabei.

s'Wastale

 Guatn Morgn

Do nutzt ka jammern und ka schelten
Hiatz is sie då, die groaße Kältn.
Werd åba båld vorübagehn,
dås Fruahjåhr werd dånn doppelt scheen !!!

Liebe Grüße ån:
die "Leuchtende" ;-)
den tapfer kämpfenden Martin, samt Frau
den fleissigen Pfeiferle
the mystic z'nix
und ån Ålle dö früher då wårn
und hiatz leida nix mehr schreibnt.

 Jo uhh nåare heint is richte wåhr kålt.
I war heint in da fruah ban Zeitungholn fost mit meine groaßn Ohrwaschl ba da Dåchrinn zuabegfrorn.
Deswögn tobts draussn jå nirgends zuaweleckn sunst bleibt's gach pickn.
A schöne Wochn in Ålle

s'Wastale

 Rund um die Sunna umatum, då fliagn't 8 Planet'n
zan redn håm se nit viel Zeit, send schnell wia die Raketn

Wonn åba - gesetzt den Fåll - zwa zåmmankömman tätn,
so muaß i eich hiatz gschwind darzöhln, wås dö zan redn hättn.

Jå griaß di Erdn, sågat da Mars, mein Goht schaugst du schlecht aus,
a bist du öpa går fest krånk, dås warat wohl a Graus.

Worauf dö Erdn jammarn tat: åch jå i muaß schon klågn,
mir geht es richte wåhr nit guat, mi tuat dö Menschheit plågn.

Drauf mant da Mars: Dås is nit schlimm, wal ans is gånz gewiss,
dås Leid'n mit dö Mensch'n jo, lei nur vorübergehend is.

s' Wastale

I wünsch in ålle dö wås do einaschaugnt gånz a schönes und lustiges Wochenend'
Besonders der fibi, weil dö imma sooooo a långe Wochn håt,
und dem pfeiferle weil er so hårt aufn Pfingsti wårtet,
und dem Martin darmit er waß, dåß i auf ihn denk
und last but not least dem znix. hallo

24.02.2018 11:09:
 Und fåll's an långwalig is:

1+1-2+6+8-2  =3
4+4-5+9+6      =2
9+8+8+1-2      =5
4+7-2+6           =1
5+2+3-7          = ?

 4 Meta Schnee
Heruntn fliagn't dö Neblkrah.
Winter- blues.
Åba nit vargessn:!
Üba die Wolkn is imma wolkenlos!!!

Für Ålle.

Wie gesågt:
Nit vargessn!!!

s' Wastale

 Hallo Martin!
Und nit vagessn:
Kurz bevor dö Sunn aufgeht is dö Nåcht am finstarstn.
Alles Gute
s' Wastale

 Guatn morgn aufn Irte
Bei uns schneibt und schneibt.
Und i tua schon so hort auf dö Grülln wortn.

So seid gegrüßt in ost und west
Auch wenn der Frühling warten lässt.

s'Wastale

 Jå z'nix schaug amål ån,
wia man an außakitzln kånn.
Dås mit dö Jungan tat mi gfrein,
wånn kinnt'n a påår mehr då sein.
Wenn du dås kånnst dånn bitte sehr,
bevor i kane Grülln mehr hear.

S'Wastale

18.02.2018 19:30:
 Und fibi nit vagessn:
Wonn die erstn 5 Tåg noch'n Sunnte vorbei send,
nåcha geht schon wieda :)

18.02.2018 19:30:
 Und fibi nit vagessn:
Wonn die erstn 5 Tåg noch'n Sunnte vorbei send,
nåcha geht schon wieda :)

 Guatn Morgn såg i a

Bei uns do fliagn lei dö Krah.
Is a viel Nebel und es schneibt
Und a nit går viel liegn bleibt.

Ans hätt i åba schon gern gwißt,
Wer döge z'nix wohl öppa ist?
Sei schreiben find i wirklich toll,
weil es is so geheimnisvoll !

I griaß heit Ålle umatum,

dås pfeiferl aus canadium,
die fibi dö wås is aus Wean
dö tua i griaßn, a recht schean,
dem Martin zåmb da Frau im Westn
schick i a Griaß, die ållabestn.

Und ålle Åndarn dö dos lesn 
Möcht mit die Griaß i nit vagessn.

Schean Sunntåg

s'Wastale

 grülln - de hear i niamma. bin terriesch.
frieher amål als kinda håmma se miet an gråshalmle ausm loch ausa gikietzlt und håmma xungen "grülle, grülle, graale, kumm ausa kriagst a aale..."

Hiatz schom i mi a bisale.
 
Wer dos wohl gschrieben håt?
und wia lång dås schon her is ?

fibi bist wohl a treue Seele.
Is jå unglaublich wie lång du då schon schreibst!!!

pfeiferle: und du bist a schon üba 10 Jåhr dabei?
Håb i wohl a Freid, dåß du mir imma zruckschreibst.

Und i håb mi då ba eich anfåch so eingschlichn.

Is åba wohl schåd, dåß i eich erst so spåt gfundn håb.
Mir håma als Kinda imma gsåg:
Grill, Grill komm heraus sunst kråtz i dir die Augn aus.....

in memoriam ?

Fir Ålle a schönes Wochnend

 Guten Morgn miteinånd

Heite muaß i außa Haus
Gedichtle aus.   : )
s' Wastale

15.02.2018 11:27:
 Griaß eich ålle z'somm

Schon wieda is da Pfingste då.
flux, wår se furt dö Wochn
Und hiatza in da Fåstnzeit
terf ma lei måga kochn.

Soll guat für die Gesundheit sein
und geg'n an dickn Rånzn,
viel liaba is mir wohl a Bier
und gaxtamol dos Tånzn.

Weil schon die åltn Mönch håmb gwisst
wia gsund Bier für die Menschen ist.
Deswögn håmb sö selbst gebraut
und dånn die Bierlan åbeghaut.

Genau deshålb ihr liab'n Leit:
Trinkt's " VILLACHER " zur Fåstnzeit

s'Wastale

 Da Åschamittwoch

Da Pfårra und da Mesna
send in da Sakristei
Am Fåschingdienståg Nåchmittåg
er wår schon fåst vorbei.

Da Pfårra frågt den Mesna hiatz
wia werd dås morgn sein?
Es tomb sich schon an Haufn Leit
Auf's Åschnkreizle gfrein.

Lei i allan bin schon zu schwåch,
dåß i so viele Kreize måch.
Deswegn Mesna warat fein,
wonn du kintast mei Helfer sein.

Aus Staub bist du geworden
zu Staub kehrst du zu zurück
Dos Sprüchle is jo eh nit long
zu deinem großen Glück.

Genau die Wörta muaßt do sågn
und terfst dabei nit låchn
wonn du mir morgn helfn werst
die Åschnkreiza måchn.

Dem Mesna wird gånz ånders hiatz
er wird a schon gånz blach
wås er då morgn måchn muaß
dö Knia wernd eahm schon wach.

Da Mesna is die gånze Nåcht
ban Sprüchlan lernen gwesn,
håt in da Fruah in seina Noat
den gånzn Såtz vargessn.

Deswegen tuat er vor da Mess
den Pfårra wieda frågn:
Du Pfårra wås muaß i den heint
zu unsre Sünda sågn?

Da Pfårra tuat dås nit varstehn,
wia man so tumm sein kånn:
DU BIST A TEPP UND BLEIBST A TEPP
fåhrt er den Mesna ån.

Dem Mesna kimmt dås Spanisch für
und a nit går so fein,
jå åba wenn's da Pfårra såg,
dånn werd es wohl so sein.

 Dö Tür geht auf dö Orgl spielt
dö Mess dö beb hiatz on,
jo und alls Ersta von dö Leit
då is da Bürgamasta drånn.

Da Mesna håt eahm mit bedåcht
a Åschnkreiz auf's Hirn gemåcht
und dabei såg da Mesna Sepp:
DU BIST A TEPP UND BLEIBST A TEPP

Da G'meindechef is gånz vardutzt
und håt den Mesna gfrågt:
A håt da Pfårra früheramål
nit gånz wås åndres gsågt?

Jå fralle sågt da Mesna drauf,
dås werd gånz gwiss so sein
weil frühra håt ma ånders g'redt
då wår jå Ålls LATEIN.

s' Wastale

du 

 Guatn morgn Ålle miteinånd

Jå Fibi såg wo bist den du?
Mir höhr ma nix von dir,
bist öpa wieda schlangln gång?
Dås kimmt ma fåst so vür.

Dås Pfeiferle aus Kanada
håt gräuchart seine Fisch
schaun't  åba richte wåhr guat aus,
hätt's a gern auf mein Tisch.

Dem Martin aus Voradlberg
wünsch i von gånzem Herzen,
dåß er stärka wia sei Krånkheit is
und nit håt går viel Schmerzn.

Und weil heint Fåschingsunntåg is,
håb i an bsundarn Gruaß,
den jeda der bei uns då is,
zu die Fåsching sågn muaß

 NAMLA - WOLL WOLL

s'Wastale

 Und üba Nåcht is Freite wårn
da Opernball is går,
Am Wochenend is Fåschingzeit
dås gfreit an jedn Nårr.

Då kåma tånzn, lustig sein
und singan frohe Lieda,
am Irte is da Fåsching aus
åba näxt's Jåhr kimmb er wieda.

Bei uns in Kärntn gibt's an Sruch
den muaß eich gschwind sågn
wal immaramol kimmt richte wåhr
der döge Spruch zan trågn.

Wer za dö Fåsching is ka Nårr
der is es sunst dos gånze Jåhr.

Und so wünsch i eich ålle
a lustiges Wochenend

Pfeiferle ? A wårst im Casino?
Fibi ? Gehst a gachamål tånzn?

 Da Pfingste

Da Pfingste is da Donnerståg,
wia jeda Kärntna waß,
da Pfingste is im Winta kålt
Und is im Summa haß.

Am Pfingste send im Summa donn
die meistn Feiatåg,
deswegn is da Pfingste der,
den i am liabstn mog.

Da Pfingste is im Wochenlauf
jo in da mittn drinn,
deswegn hot da Pfingste a
a weane an tiafarn Sinn.

Als a Junga denkst die gånze Zeit,
wonn lei schon Sunnte war
am Sunnte do werd lustig sein
die Wochn is so schwar.

Am Sunntåg åba kimmst dånn drauf:
Hiatz is die Wochn går.
Bist ålt, jo dånn varstehst du erscht,
wia kurz die Wochn wår.

Deswögn Leitlan glabt's mir dås,
I låss es då so stehn......
Da Pfingste is da scheanste Tåg
Er soll nit schnell vargehn.

Liabe Griaß
von Wastale




08.02.2018 06:56:
 Da Pfingste

Da Pfingste is da Donnerståg,
wia jeda Kärntna waß,
da Pfingste is im Winta kålt
Und is im Summa haß.

Am Pfingste send im Summa donn
die meistn Feiatåg,
deswegn is da Pfingste der,
den i am liabstn mog.

Da Pfingste is im Wochenlauf
jo in da mittn drinn,
deswegn hot da Pfingste a
a weane an tiafarn Sinn.

Als a Junga denkst die gånze Zeit,
wonn lei schon Sunnte war
am Sunnte do werd lustig sein
die Wochn is so schwar.

Am Sunntåg åba kimmst dånn drauf:
Hiatz is die Wochn går.
Bist ålt, jo dånn varstehst du erscht,
wia kurz die Wochn wår.

Deswögn Leitlan glabt's mir dås,
I låss es då so stehn......
Da Pfingste is da scheanste Tåg
Er soll nit schnell vargehn.

Liabe Griaß
von Wastale