weetta: wia schon gestern ghåbt (nebl, a biessale regn, a biessale schnee - gatschig, åba niex weiß - lei ån gschützte stelln liegt a patzle schnee) man könnt triabsiennig werdn, wenn man niet so a sonniges gmüat håbm taatet ... haha.

egal: an wunderscheenen wochnbiginn und an erfreulichen tåg wientsch i eich.

in wernberg regntz, bei uns schneibtz. is schon ållas weiß. kaan hund jågt ma bei so an weetta ausm haus, lei mi stampert die sally ause. seimma gråd von unserm rundgång z'ruck und i bin froh, dass i wieda dahaam bin in da wårmen stubm.

jå, wettndass wår nit so schlecht. lei aan fehla håt die sendung: da wettndassgummibär geht ma scheen långsåm aufn geist, der gspreizte gockl. den wer' i gaxt niamma vakråftn. då nutzt den erosramazotti sei ex aa niamma vül, wenn sie sich so von dem birufsjugendlichn geblondetn tommi åbschleckn låsst... åba die wettn wårn in urdnung. zum untaschied vom letztn mål, då ies es a biessale unappitittlih zuagången.

es schneibt noch ållaweil. und nieslt dazwieschn a biessale. wenn des so weita geht, håmma murgn noch ållaweil kaan schnee. åba i håb an hunga und geh derwegn wås jausnen. i såg pfiateich fier heit'. håmt eh lei ålle gschlåfn, außa da irmi und dem kuh.

hauptsåch: sunntåg is. a wenn es weetta noch so grauslich is. mia låssn uns die guate laune nit vaderbm und håbm "sunne im herzn"
scheene griaß und die bestn wientsche fier an scheenen tåg gehn nåch colonia und canadium, nåch vindobona und schpittltschittie, nåch wernberg und ins allgäu, nåch fahrradelberg und krumpendorf, nåch atschalas und tschinowitsch, nåch klafu und villach - und iberåll hien, wo die leitln hålt niex bessares z'tuan håbm, als wia då ins fiellahanett eine z'schaugn.
jå, sunntåg is. is hålt wieda amål a tåg zum ausråstn und umalanzln. is jå aa niet so schlecht.

wennst da aan ånsaufn wüllst, brauchst niet nåch tschameika fåhrn oda  nåch brasilium, geht dahaam aa. und heit' saufn dahaam sugår schon die kienda. wennst mit offene äuglen durch die gegend gehst, siehgst schon in da fruah oftamål die gschråppm miet aana bierflåschn in da hånd in die schual gehn. und an tschick håmtze aa im goscherl. niet iemma, åba iemma öfta. wo des eppa noch hienfiehrn werd?
wunda ies kaans. die eltern håmt hålt kaa zeit mehr fier die "erziehung" - de wolln siechs mit senern nåchwux aa niet vaderbm und låssn senen ållas zua. und wenns går niamma geht - es gips jå püscholognen, de wo die "krånkn seeln" wieda xund måchn (solln). wia krånk månche von de sölba sein tuamt, wüll i niet wiessn.
ausadem - de årmen kiendalen: wer håt denn de eigntlich gfrågt, ob se ieberhauptz auf die wölt kummen håbm wolln? :-)))
åba gottzeidånk seind de vakorkstn tüppen noch einzelfälle, und die
große mehrheit ies liab und nett und vanünftig und man kånn ån senen a freid håbm.

und bivur mi da kuhle hiatzt untern gulter schickt, geh i sölba und såg "pfiateich, bleibz xund und munta und praf" schlåftz guat, wenn heit da wettndassgummibär im tefau auftaucht.