@Irmi: laaf, wia a neie Kaffeemaschin und brodlt es haase Woosa oba wia nix.
@Ruflo: Fagiss de loonge Untagate niet zum onziagn. Schneeibm tuats!!!
I wer hetz wos zum jausnen richtn, weil mei Olta Oma-gischädigt ham kemen wert. bis späta vielleicht.

Mah, Org! An Stopsl einedrahn! IRMI und wer rammt den Deck danoch auf??? Hoffentlich hot a nix, wos ausa muaß (opariern man I). Und da Ruflo is bei dem "scheenen" wetta auf an begräbnis. Brrrr. Hoffentlich hot a a loonge Untagate ongezogn, niet dos a a noch kronk wert! Und I geh hetz mei neie kaffemaschin einweihen. De olte hotz heit varissn. Heizung-Woosa-puff-rauch-hien. Bis bold norcha.

Griaß Eich! Jo, kolt is es und EISSIG wor des heit in da Fria. Hon I zum Hund gsogt, host ongezogn deine Schpeiks!! Oba hot se jo eh audomitsch! Sunstan gibts nix neichigs. Da Cooly is ollaweil noch nix do. Hoffentlich gehts eam guat, oda zumindest BESSA! Mei Olta is a daham und ibalegt wos a olls mitnimmt noch Thailond am MONTOG gehts los bis zum 23.11. De hom scheen worm do untn. 34 Grad in da Nocht. Des wert hoffentlich de letzte greesare rreise werdn fia eam. Norcha is a noch a bissale in deitschlond umanonda und donn lei mehr bei mia!! Irgendwie a wieda bleed, oba, no jo.....! Bis späta, mol schaugn.

Au weh, schaugt jo niet guat aus mit unsan Wöltmasta, ha!!!! Wos hot den der geesn, dos a glei ins Kronknhaus muaß??? Orma teifl herst. Hoffentlich kiemt a bold wieda haam. Is jo nix do herinnen ohne eam !!! Uns sunsta?? is ols gsund oda wia?!! I bin heit a Söhlntresta. Mei Olta hot gekindigt noch 10 Johr in seina Firma. Irgendwia tuats eam und sein noch Chef laad. Oba hülft jo nix, wenns nix mehr scheen is!! De neie Orbeit wert a scheen werdn, bestimmt. Und hetz geh I mein Feiatopf umrian. Mmmmmh, des duftet soo vühl guat. Is a gscheits Gulasch mit oln meglichn drinnen. Bis späta, mol schaugn.

Griaß Enk zmittog! Bei uns is a wieda olls daham. Wäsch gwoschn und gebieglt, damit mei Olta wieda "obhaun" konn. Am 6.Nov. gehts ob zua de "Schlitzign", wenn niet schon frira!!!???!!! Bei dem waas ma des jo nia so ginau. Suun hom ma a kane. Des regnet schon de gonze Nocht und da Blasius pfeift um de Hittn. I wer hetz in de Küche gehn wos zum Essn kochn. Irgendwie hon I a Hunga! Wenn ma bedenkt dos es gestan um de Zeit schon an Stund späta wor! :)
Bis bold

Ebmso an guatn Morgn ausn Allgäu, wo da Himml Fleckn hot. mei Olta is schon in Eiropa wieda. Hot oba noch a bissale, bis a daham is. Wor um 8.30 Uhr in Amstadam und bringt ma ane Holzschuah mit. Mol schaugn, ob i späta noch amol kiem. Mei Olta wert Hungrig sein und hot bestimmt vüll zum dazöhln...!
Onsunstn Eich olln an scheen Tog!!

Siegst es, des hopts es mit da Sch...arei und I hon grod a Tirkisches mail gschriebm in de Tirkei. Lei guat dos I Leit kenn, de a Tirkisch kennen, weil I häts niet so gschriebm wia de!!
I geh hetz a zum Te vau. Und es dritte Poor Sockn onfongen zum strickn. Pfiat Eich bis murgn.

Heee, Coolatinga, wos tuast denn in Memmingen???? I bin in WOLTNHOFN daham und da Schneck in KEMPTN !!! in memmingen gibs jo nix gscheits. Niet amol es Biea von denen konnst saufn, ohne dost Schädlweh kriagst !!!!! Und do reich schon a klans Glasl !!!!!!!!!
Bei uns wert sich de Suun bold faobschiedn. De Wolkn send stärka. Und I moch na hetz an Capputschino. Bis späta.

Morgen! Memmingen is schon fühl zweit, he!! Reicht Kemptn a schon bis zum Woldschneck. Is eh klor. Des lei laafn loosn konn ma jo fia vieles nehmen. So und I wer hetz norcha ause gehn und mitn Hund spaziern. Es is nix kolt heit hot hetz schon 10 Grad drausn. Mei Autole is blitzeblank, oba lei innen. De Schwiegaleit worn so "Nett" und hom en Schlauch weckgramt und es Woosa schon obgedraht. Jo, wichtig wor holt, dos se söllba ols scheen sauba hom. Wos mit uns gschicht is wurscht. So is es holt. Bis späta norcha.

Hei IRMI, niet sterbm!!! Olle wolln se lei sterbm heit und umbringen. Oba guat, heit war I a bold expludiert. So ane bleedn egoistischn Leit hon I do im haus. Da hauts da glott den Vogl ause ausn Schädl. Oba konnst eh nix mochn. Wia hasts: lei lei laaafn loosn...! Und I geh hetz a. Meine Sockn fertig mochn. Am Somstog miassnt se fertig sein, do kiemt mei Olta wieda haam.
Pfiat Eich, bis murgn.

De Suun de scheint vom Himml oba, ause geh ma mitn Kibl. Es Auto wert hetz glei giputzt, damit es wieda glänzn tut.
Späta schaug I wieda eina do und olle san ma wieda froh.

Morgähn! Des wert heit wieda a Wettale werdn. Des sieg I schon, wenn I de scheenen rotn Wolkn sieg am Horizont. I geh hetz mitn Hund und norcha kiem I wieda. Mei Olta kiemt a ham am Somstog hot a gschriebm. olso, bis späta.

Ach nah! Mei Olta mog doch kan Schinkn niet. Und schon gor niet an gsölchtn. Und I beiß niet in Coolatinga sein Ollawertestn, kriag I ement de Maul und Klaun Seich. Und ausdem beiß I niet. Wia hasts: Hunde de bölln, beißnt niet. Und warum soll I a beißn?? Hon zwor noch olle Zehnt oba beißn tua I lei in an gscheitn Reindling oda in a guats Krainale eine oda in a Hauswirschtl in a hortes. So, Letta holtets de Stellung. I geh. Bin schon wieda Oma gischädigt. Die Guate fajat schon die gonze Wochn Giburtstog...!!! Bis murgn.

@Coolati: de Sally is doch ka Kompfhund, de is a liabs Hintl und kämpft, wia da Ruflo schon schreibt, mit dem Stoffmantschgalen!!
Bei mit duftets in da gonzn Bude, weil I a Gimüsesuppm kochn tua. Witamiene hom se gsogt, braucht da mensch, wenns költe wert. Do is hetz olls dirn. Kelarabi, Söllarie, porree, Kafiol, Karottn, Kirbis, Erbsalen, dicke rote Bohnen(Käfabohnen zum hintn ause schiaßn), Knochn mit Mark drin und natierlich a gscheits Fleisch fia Erdäpflsooos mit Rindfleisch wos de Deitschn niet kennen tuan! Und noch da kocharei fohr I wieda amol zua Oma. Olso bis heit Obnds norcha.

Ha, ha,ha, do muaß I jo glei loochn. De sally und mie beißn???!!! De zupft liaba auf meina Hosn umanonda ols dos se mie in mein Hintan beißt. Der Wuffti der liabe, wos wert denn der beißn. Es Stoffmantschgale hextns vaziagn, des wo auf mein Autoschliesl hängen tuat, oba mehr tuat de sally niet. Klor konns schneibm, oba lei bei uns im Gortn. Sunstan niergends!!!!
Bis murgn norcha. Gääähn bis sooo vühl miad von der grobarei heit.

25.10.2006 07:11:
Aufstehn des Longschläfa !!! Noch is finsta oba da Himml weert hella und de Wolkn am Horizont erleuchten im roten Suunenaufgong!!