supa, hiatzand hot sich mei klaane grod ihr pfoterl onghaut, vastaucht, vadraht oda sunst wos.
de varruckte wüldsau hupft vurhin eine in ihrn käfig, grobt de gonze sägespäne um, so dos in da mittn vom käfig nix mehr wor, ausssa des plastik vom einstöllbodn. sie büldet sich ein, jetz hupf i auf mei holzhaus im käfig, rutscht natirlich mit de hintahaxerl am plastik aus und hot kaan schwung zum aufehupfn zommengibrocht. do dirfts mit dem vurdahaxerl am doch vom holzhaus onklescht sein und hiatzand humplts und ziagt des pfoterl ein beim gehn und steigt nit gscheit drauf.
brochn dirft nix sein, sie losst sich draufgreifn. hoff i holt. hob eh glei den tierorzt ongruafn am nottelefon. er maant, i soll bis murgn in da frih wortn, obs bessa wird.
na, i sog eich, imma wos ondares mit dem killakanikl. oda soll i schon sogn kamikaze-kanikl. kaum is a ruah mit de zähnt oda ihrn darm, fongt se sich schon wieda des näxte ein. de is jo schlimma ols a klaakind. und vur ollem imma mittn in da nocht. | 
