Oktoberhimmel voller Sterne hat warme Öfen gerne. Die Heizung läuft wieder bis auf weiteres, fein, Gott sei Dank. Alsdann, der Rauhreif kann kommen. hallo

 HALLO
scheen dos fost olle wieda do sein,und wieda a poor neie werter daherkuman ,
EISENPEISSER mit dir kum i net mit,i bin jo schon zlong furt von karntn,es villacher holtat mein karntnerisch noch aufrecht.
WASTALE,dir ibalossn ma di dichterei lei so weiter,es gfreit mi imma,umso mehr bledsinn um so bessa,a gaude muas sein
FIBI murgen is di wochen vorbei, i winsch eich olle a scheens wochenend
es pfeiferle

 Griaß eich !

Jo uhhh wia kånn den dås sein ?
So a scheans Wetta und die Wiena und die Graza gfriernt fåst ein ?

Jå und z nix wia gibt's den dås ?
270.000 !!! -  in Worten zwahundartsiebzigtausend Einwohner håt Graz !
Und då waratat nit Ana(e) dabei der 
(dö) mit dirTennis spieln tatat ?  Ha ???
Is jå nit zan glabn !

@ Martin und Barbara
I glab die kurze Hosn kennt's einpåckn, wal die Nächt wern'd imma länga.

@ fibi
A guata Schnåps zur rechtn Zeit, hatzt ein und sorgt für Heiterkeit !

@ pfeiferle
I hoff' du bist wohl xund!
Bist a weane seltsåm momentan !?
Gestarn wår i Wiesnmårkt !
Håb går nit gwißt, dåß so viel Leit gibt auf da Welt !

@ eisnbeisa
Håb i lång gibraucht zan übasetzn !
A "pfatsch" haßt niesen ?
( dås geht eh noch)
åba, dåß "tutschn" schlåfn haßt, hån i nit gwißt.
Dås åba oftamål wer zwögn's dö blåbn Kigalan, oda so wås Ähnlichem siaß werd, 
kånni mir vurstelln.
Und dås in oft Ana da  Gauna lieaba is wia der Polizist a !
Wås åba die Kern ånbilångt..... mit dem kånn i går nix ånfångan.
Manst du, die Kern, oda den Kern ?
Bei  " die Kern" fålln mir die Kernbuamn ein!
Åba für dö bist du noch z'jung.
Und bei dem "Kern" fållt mir Kettenreaktion und Krümml ein !
I was nit du bringst mi gånz durcheinånda !

I hoff' es nimmt dås kana Ernst,
weil du im Lauf ds Lebens lernst,
wås auf da Welt so umhergeht,
jå sowieso ka Mensch versteht !

s wastale

Wochnteila is.
Guat so.
Beiserle, durchgitonzt honi nit. Lei bissl umaghopst.
Zvül Bewegung is nix fir mi, wia du waaßt  😂😂

Olso i bin ondas, ols eire gfrurenen Kerschn und ondren Kugalan.
I bin eben weil i grod eingfrurn bin, grantig. Meine Finga worn oba nit in da Tiefkühltruchn....
I maan, i gfrei mi hiatzand aa auf an Schnops...damit i wieda aufdadau.
.....irgendwo muass i jo noch a Lackale hobn...

Das mit dem Tennisspielen wird wohl nichts werden, weil das Schicksal sagt einfach "nein". Ausser es geschieht ein Wunder.hallo

Guatn Morgen aussn Ländle.
Herbst is es worn bei uns. Gestan bin i noch in krza Hosen in da Sunne glegen oba heit is Regen und mit 12 Grad lei schon kolt.
I glab heija homma oba Sunne gnug ghobt.
Bei uns is sunnst olles OK. In Bua in Japan gehts a guat.Eich ollen an scheanen Wochenanfong und liabe Griaß.
Martin und Barbara 

vien dank fur eure glueckwinsche ,
eisenbeisser,wie schon fruher bist du guata schreiber,do kumm i nit mit,oba dos wastaleis in da liga. i bin wohl froh dos i eich hob zum tischgarieren und so beholte i noch a bissl karntnerisch.wos zum dichten onbelongt ibaloss i mi zum wastale und den eissenbeiser,wal beim aufsotz schreibn in da schule hob i imma an finfa kriagt da fir in geografie an ansa
znix wast du noch wenn da omnibus noch stassgong gfohrn is? hallo
pfiat eich heenan monyog
wisch eich an montog
es pfeifere

sunntig is - kolta wind und de sun tuan kroft messn .....
so wia seil ziagn - oda um de wett laafn - oda härndlan zuommstossn - oda haggile ziagn .....
guten morgen

wastale - kerschn mit schlehe vagleichn is so wia gurken und salami in de gleiche schissl schneiden
oda so wia draußen kälta als nocht ist .....
zerscht hantig nachand siaß - ob des eppa es stockholm-syndrom is?
des bloobe kigile kimmt dem klauba nit aus - is hantig - weard in a truchn gsperrt - gibt auf - weard siaß
oda is des hetztan am stengl dahergezogn?
mochst aus de kerndlan ketten, kissen, kernenergie, krümmel.......?

z`nix - am woldrond, in da sunn ...... scheen!
durt wo da fux da maus "hetzt is aus" sogt?
host schon tennis gspielt oda fedaboll mit wem?

pfeifale - tuast ollewahl noch feiern? - de gonze vawondtschoft dabei gwesn? -
hots greichate laxn und kärntna kasnudln ah gebm?
deine  spezialitätn .........

fibile - host getonzt de gonze nocht - maheee - wia i no so a jungs gitschile wor wia du .... maheeee
do hots a ka end gem! tua lei, wahl de zeit is a hundling, a windiga

martin - i hoff de beste fia di - lg - ins ländle

wo isn da waldschratt??? oda wia hot a ghaßn? ah nix mehr dodado - hmmmmmm

des wor mei erste schularbeit (erlebnisaufsatz) - in da zweiten volksschual - hon i an viera kreagt -
"sem, ols i ze gach um dege reidn gschossn und derwegn iwan ran owegwolgn bin, hon i feschte herzpetschutn khobt"
da lehra hot xogt "a guats erlebnis owa ka deitsch"
wos isn deitsch? ha? hon i meine tati grogt ......................
frog i hant no äftamol ....

pfatsch... pfatschn .... hon i mi eppa vakiahlt .... geh muata im kaschtl .... wo sand de socktiachlan ..... ok, haislpapier geht ah ...... pfatsch

 Guatn Morgn

@ eisnbeisa
Hiatz håst mi åba in Varlegnheit gebråcht !
Üba dås kollektive oda individuelle Denk'n von dö Schlehdornkigalan hob i noch går nia nåchgidenkt.
Dö årman Hund dö. I reiß se anfåch zomb'n Stängl von da Staudn åba.
A manst send se deswögn so hantig?
Oba warum send den nåcha die Kirschn nit hantig?
Vielleicht gfriert sönan åba ban 1. Frost dås Hirn ein und sö vargessn zum Hantigsein?
I kenn mi går nemma aus!
Tåtsåche  is, wonn se aus da Trugn kömmant send se ginau so unhantig wia nåch'n 1. Frost.
I glab sö gfreint sich nåch da Kält'n anfåch aufn Schnåps.

An schean Sunnti

Phöbe hast recht mit der Heizung, Fernwärme und Hausverwaltung werden sich das vermutlich ausschnapsen mit der Heizung. Jetzt werden neue Griffe/Ventile montiert, heisst es. Deshalb dauert's länger. Am 26.Sept. war's Autodach angezuckert, muss ein Alzerl Reif gewesen sein.
Es soll ja Infrarotheizung geben am Markt, tja, hab keine Ahnung. hallo

29.09.2018 13:34:
Nachtrag, wo ich wohne: in der Nähe vom Stukitzbad, an der Strasse, mit Abendsonne, nicht weit vom Wald entfernt.

 An scheenen guatn Morgen in de Runde!

So a Wochnend is schon wos scheenes. Long schlofn und trotzdem miad aufstehn.
Den erstn Wiesntog honi schon hinta mir. Oba lei a bissl. Schaugn wos neies gibt.

Wastele du Fleissiga. Hiatzand tuast Schnops mochn aa. Nit lei so scheene Holzsochn.
Dei Prinzessin wert fest stolz auf di sein.

Pfeiferle, olls guate zum Hochzeitstog winsch i eich!!!!!

Mah z'nix. Is des aa so bleed wia do bei mir. De Hazung fongt etst on zum laafn, wenn de Herrschoftn von da Fernwärme des OK von da Hausverwoltung kriagn. Und de sogn do bei uns: erst Ende Oktoba.
Dick einpockn und de Kuschldeckn umawickln.
I dahülf ma mit an zusätzlichn Haazer. So a Klimarex-Dings, desworm aussablost.

guatn morgn -
aufireckn - de flaxn a bissl dehnen - es maul a bissl aufreissn und de zungen hinawieda schwenken wia de kiah tuan wennse beim leckstan sand - ;) -
man sogt hant lei neamma so wiach - man sogt kinesiologie oda yoga mochn ! wahl in meim olta is ma gonz scheen zawuzzelt nochn tutschn

wastale - is - nochn klaum in de trugn tuan gleich wia am stengl am baam ogfriern? waaß deges blobe kigile ohne staudach a wos es tuan muaß? hot jedes kigile sei eigenes hirn? hmmmmm?
und jo, i wor/bin gailtolarin ;) - du kennascht zum assinger in de sendung gian - tatascht glott ohne frogn olls gwinnen ;) -
is da z`nix eppa dafrurn hant nocht? der tuat mir so lad ohne heizkörper in de gäng!!! echt hetztan!!!

so, i geh jetzt des letzte tscheprach unta de leit bringen - sunschtarn weards eppa schimplat - nachand tatat i mi agrad wieda ärgern und ummamotschgarn und des is unxund

pfiad enk gott gitschilan und berschn

 Guatn Morgn

Hiatz muaß i, (bivor i auf'n  Wiesnmorkt geh) noch gschwind wås sågn.

@ eisnbeisa:
So glåcht håb i schon lång neamma !
Dås gfållt mir wia du schreibst !!!
Du bist richte wåhr a wåschechte Kärntnarin. A bist du aus'm Gailtål oda Mölltål?

Zu deina Fråg:
Jå bei uns då håt's vurgestarn minus 1Grad g'håbt, is oba nit so wichtig, weil i tua die Schlehdorn 
üba die Nåcht in die Tiefkühltrugn.
Und wonn ihr zwa Wiena - "Kärntnadirndlan" schean brav seibs schick i eich zan Nigalå a Flaschle zan kostn.

Dås mit die Bildlan einfügn funzt leida neamma do herinn.
I glab da Chef då kümmert sich neamma går so viel um die Seitn.

@ fibi: Krone auf dei Haupt, wal du die eisnbeisa mitgebråcht håst !!!

So und hiatz geh i mit meina Prinzessin Wiesnmårktumzug schaugn, a Bråtwurscht schnabln und an "Pfiff" Bier trinkn.

Pfüat eich dawal

grias enk de madln sevas de buam

hon i vorcha gonz long gschrim - wollt i no a foto dazuahängen - ummaprobiert olls beim teifl! -
hobts mi motschkern khert???

fong i holt no amol on .....
hant wor in wean ah a scheena tog - braucht ma no ka zentralheizung oda holz oda gas onzindn
wo wohntn da z`nix ? schottseitig? zintarscht in an grom drinnen?
wiaso derfschtn nit einscholtn wenn dir kolt is? hoscht wohl eh wullane sockn und a dicke untagattn, damit di nit vakilscht?
es wastale tuat schnops mochn ;) loß di lei nit dawischn von de greifa ......
hot bei enk schon gfrorn iwa de nocht? sull ma schlehe nit obgfrien lossn vurn klaubm?
noch da schual furtgongen heitawonn??? naaaaaaaaa!! i wor im intanat ! do homma noch da schual kuchldienst oda putzdient oda stolldienst oda gortndienst khobt! -
hantzetog gangat des rechtlich neamma!!! - oba vurbei - obkhertet - iwalebt !!!!!
a anzigsmol homma auf an londjugendball derfn ..... boooah, scheen wor des ....... waaaaß i no gonz ginau
jojo - domols - dreimol im kreis drahn und hant is!!!

du z`nix - oda hot wer de zentralheizung omontiert aus de gäng?

pfeifaleeee - enk an scheen hochzeitstog! 55joahr - boooah, so olt bin i no nit amol wia du schon vaheiratet bischt !! reschpekt !!! is de smaragdhochzeit ??

guate nocht

 Jå uhhh nåre, schaug amål on !!!
Is jå fåst so wia Weinachtn un Oastarn gleichzeitig.
Es gfreit mi åba richte wår, dåß wieda "Ålle" då send !

In pfeiferle und seina Erika an schean Hochzeitståg ohne Rossschwånz und ohne Orkan !  (åba a leichtes Frühlingslüfterl auf'd Nåcht  kånn nit schådn)
In da fibi an wårman Janga, oba an lången damit nix obgfriert !!!  (Jagatee hülft a)
In da eisnbeisa, dås ihr die Zeit nit davonlaft ...(I bin aus St. Veit oba Wölfnitz kenn i a gånz guat. A bist nåch da Schul immaramål furtgångan a ?)
In Martin und seina Barbara viel Xundheit und Kråft !
Und last but not least in z nix, den Boris Becker oder Ähnliches 

Bei uns då is sooo a scheans Wetta und so wår i heint Schlehdornkigalan klaubn. Mit dö måch i an Likör an guat'n.
Bis zum Krampustog is er nåcha firte.

Und zan End

Sei wia sei
stirbt's Ross, bleibt's Hei

A scheans Wochnend in Ålle !

s wastale