|
|
|
| Phoebe am 23.10.2013 15:49 (vua 4051 Tåg) |
grias eich, meine liabn! donkscheen, fir s druckn und xund-werd-winschn, oba irgendwia wülls nit so recht. i bin wohl in da orbeit und olles, oba i bring und bring den schmorrn nit on. firs in kronknstond bleibn gehts ma zguat zum orbeitn gehen und umatuan bin i z'schlapp. irgendwie a bleedsinn. oba sölba schuld. i hob beim erstn grippe-schub holt nit gscheit auskuriert und lei vül pulvalan gschluckt, damit des fiaba untn bleibt onstoff, daas i mi daham fir a wochn oda länga ins bett gschmissn hätt bis olles weg is. so worn holt de drei tog allan nit des wohre. und wos hob i davon, 2 wochn späta olles auf onfong. und hiatzand ziagt sichs wie a strudltaaaaaag. am montog wori a bissle bei dem scheene wett dribn auf da insl mit unsam beisserle und schon is am näxtn tog wieda mehr gwesn. i konn jo nit nur mehr daham sitzn und schaun. obwohl miad gnua warat i jo ;-) na egal, wert schon wieda. irgendwonn muass sich da kärpa jo wieda regeneriert hobn. spätestens näxts johr im summa, wenns wieda scheen haaß is und i auf meina lufti im wossa umatreibn konn  onsunstn honi daham im moment internetverbot. i hobs ollen ernstes zommengebrocht meine 6 gb im monat zu übaschreitn. frogts mi nit wie, weil des bissl im fb umaklopfn konn jo nit sovül fressn. und wor aa noch nie da foll. oba seit gestan hob i ibagebühr und des wüll i senen nit bezohln, damit is hiatzand abstinenz onxogt. außer i brings zommen ibas handy auf mein pc ins internet zum kummen. denn durt hätt i noch a poor gb frei - hihihi vlr honi anfoch zvül musik ghurcht iba deezer. des kennt a menge mb fressen, ansunstn bin i echt ibafrogt. na guat, i winsch eich an scheenen nochmittog. bei uns is zmittag des nebelige graue vaschwundn und da himml blau und sonnig. vielleicht weri a runde auf da luft mochn und obwehrkräfte sommln gehn ;-) |
| Phoebe am 18.10.2013 11:32 (vua 4056 Tåg) |
fir guatn morgn is wohl schon zspät, oba mohlzeit, des passt! :) irgendwie honi mi glaab i zfruh gfreit, i hob glaabt, mei vakühlung is erledigt. oba heite is schon wieda so komisch. kribblt so de nosn oba und de luftrährn. na schau ma mol, wie sich des entwicklt. wollt eigentlich heite furtgehn am obnd....hmmmm... i hob nämlich hiatzand wieda des furtgehn entdecktt. a bissle umahupfn im discostadl. 2 x wori schon ;-) najo, im olta weri wieda quirrrrrlig  winsch eich an guatn appetit - oba da moch i ma bei unsan kuhle eh kaane surgn ;-) |
| Phoebe am 17.10.2013 22:46 (vua 4057 Tåg) |
olles guat bei meina freindin in da neien wohnung ongekummen. murgen werden lei mehr de 2 katzalan von ihr "ibasiedlt" und schon konn sie wieda vasuchn glicklich zum werdn :) gfrei mi fir sie. sodale, hiatzand haasts ob ins bett. de miadn knochn miassn rostn.... gn8!  |
| Phoebe am 17.10.2013 13:29 (vua 4057 Tåg) |
i hobs vaschrian. nix mehr blaua himml, sonnenschein. lei mehr grau und es nieslt. oba aa egal, do in mein biro laaft eh de haazung auf hochtourn ;-)
oba i wermi bold zommenpockn, weil i zu ana freindin fohrn muass und mit ihr klumpat vom haus in ihr neie wohnung fihrn hülf. is ka scheena onloss, oba se hot sich so entschiedn und beginnt jetz a neies lebn allan fir a zeit. schau ma mol, wie sich des noch entwicklt.... |
| Phoebe am 17.10.2013 10:14 (vua 4057 Tåg) |
winsch eich an scheenen guatn morgen!
da himml is blau und de sunn scheint. aa wenns daweil lei a poor grad hot. trotzdem scheen.
heite werts a gmiatlicha tog, i hob schon fost olles aufgorbeitet, wos de letztn wochn ibagibliebn is. haaßt, es kummen wieda a poor leise tog. des gfollt ma....
bussaleee..... |
| Phoebe am 16.10.2013 22:45 (vua 4058 Tåg) |
hähähähäää, es lebe goggle chrome, hie und do funktionierts jo donn wenigstns, daas i aa von daham do eina kumm.
grias eich zu so späta stunde.
i hoff eich gehts guat!?!
i winsch eich a guate nocht, traamts von scheenen dingen und wochts ma murgn wieda xund und munta auf.
a dickes gn8-bussaleeeeeee
|
| Phoebe am 02.10.2013 14:50 (vua 4072 Tåg) |
grias eich und an scheenen tog!
heite konn i ma mei autili obholn. se hobn mi vurhin schon ongruafn :)
mei 4-radlada freind derf wieda zu mami ;-)
ziemlich kolt is heite do bei uns...brrrr....
|
| Phoebe am 01.10.2013 13:56 (vua 4073 Tåg) |
grias eich, meine liabn! vaschnupft und huastat schick i eich leicht fiebrige liabe grias do aus mein biro. murgn is soweit, mei kollege kummt wieda zruck. i konn endlich aufotmen :) und de werkstott honi gestan aa ongruafn, mei auto is aa wohrscheinlich murgn schon obholbereit. des wert jo direkt a scheena mittwoch murgn. brauch i lei mehr xund wern und olles passt wieda...so holbwegs ;-) bei uns scheint heite voll scheen de sunn. und wie i gach wos mittogessn wor, hot sichs richtig guat worm ongfühlt in mein gsicht durch de sunnenstrohln. nun guat, moch i wieda weita do, damit i murgn kane am deckl kriag, daas zvül orbeit iba is. pfiat eich daweil, bussaleeeeeeeeeeeeee.......... 01.10.2013 14:03:ajo, do honi noch wos liabes zum onschaugn fir eich. i hob echt grod glaabt, i brich ob vur lochn.... http://www.youtube.com/embed/G0PekTUmBdY?feature=player_embedded
genial di leit!
|
| Phoebe am 23.09.2013 15:37 (vua 4081 Tåg) |
grias eich meine liabn!
gonz klaan und mit vollem schlechtn gewissn trau i mi do noch zu eich eina, noch so long.
im biro vül zvül tuan und nix funktioniert, daas i nit amol gach a poor zeiln schreibn wüll. und von daham honi imma noch nit gschofft, dass i mitn neien pc aa ins v-net schreibn konn. kurz is gongen mit dem ondren internetexplorer, oba hiatzand gehts wieda nit. muass i mi wieda amol genaua damit beschäftign. so bin i lei im facebook aufd nocht. durt gehts.
mei auto homs ma aa zommenghaut vur 2 wochn. mei ormes tiggerli is lei so dogstondn, eingeparkt und nichts ahnend, auf amol kummt a lkw aus ana einfohrt ausse, kriagt nit gscheit de kurvn und zdruckt ma mein klaan scheißa komplett auf da rechtn hintaseitn.
eh kaa zeit unta togs fir irgendwos ondares, konnst di donn noch mit de vasicharungen umastreitn, obwohlst gor nix dafir konnst.
da lkw-fohra hot ma olladings zumindest an zettl einegeton mit telefonnummer und kennzeichen. wos eh a wunda is, weil wer tuat des schon heit zu tog.
oba de schererein host jo trotzdem du ols geschädigta. mit polizei, werkstott, vasicharung und und und.
donn wors noch gor nit siha, ob des ibahaupt von da vasicharung gizohlt wert, weil wenn der schodn häha gwesn warat, ols da zeitwert von mein scheissa (obwohl erst 5 johr olt), donn warat i drauf sitzn gebliebn. hättns ma des auto ausgezohlt und i hätt a neies kaafn miassn.
oba guat is gongen, es steht in da werkstott und i muass holt hiatzand lei wortn, bis ses wieda zommengebastelt hobn. wert ollading aa noch a guate wochn dauan.
einkaafn is natirlich hiatzand a bissle mühsom, weil i jo nit des gonze schware zeigs zfuss umazahn wüll. jetz geh i holt imma lei fir an zwa stickln schnöll kurz vurm zuasperrn nach mein biro zum merkur und hol a bissle wos mit mein scooter (roller) den ma da klaane jakob (11) geburgt hot, damit i a bissle radln unter de fiass hob, hota gmannt ;-) liab der klaane!
im heim beim papa is aa de volle action udn mei mama dementsprechend im onruaffiaba. mei handy leitet ununterbrochn. wos natirlich des konzentrierte orbeitn, wenn eh nix funktioniert, a bissle schwierig mocht. kaum host di in an föhler einegedocht, kling kling - ja mama, was gibts......!?!?
ufff....
oba lei mehr aa wochn, donn kummt mei kollege von sein 3-wöchign urlaub aus santorin zruck und i brauch mi lei mehr um mei eigenes onzeignkrafl kimman.
sodale, i hoff bei eich is soweit olles in urdnung.
winsch eich noch an scheenen tog und bleibts ma xund!!
bussaleeeeeeeeeeeeee...... |
| Phoebe am 27.08.2013 07:13 (vua 4108 Tåg) |
morgeeen!
sodale, ausflug in de zohnklinik obxogt. da papa hot seit gestan 39,8 fiaba, schloft lei, kriagt nix mit und hot a hautforb, wie de maua hinta sich :/
wos er hot?
jo kaa ohnung, de ärztin "vamutet" a mogn-darm-entündung, weil er aa gspiebm hot. i sog er huastet seit 2 tog wie wüld und is vaschleimt und drum hota aa gspiebm. er is anfoch wieda volle wäsch vakühlt sog i, oba i bin jo lei a klaanes deppats biromänsch. fensta homse wieda aufgrissn in da nocht bei eahm im zimma de letztn tog. des vatrogt er anfoch nit. er mocht jo kaa bewegung und de nächte send kolt. lei glaabn tuat uns kaana do drin...
jednfolls homse echt ibalegt, eahm heite trotzdem zum zohnorzt zum schickn!?!?! mah,.....
nun gut, i moch mi on de orbeit. baba daweil.... |
|
|
|
|
