he. hallo. 'sn los då, ha? gornix... dånn geh i holt wieda!
schenen gruaß afednfåll aus hradec nad moravici, wo se außa kuadung a noch bremspedale fir die forml ans måchn tuam. lustige kombi!

pfiateich!
da wuhte

griaßeich!
wosnlosdå? nix?
i sitz gråd in zürich und schau bled beim fensta ausse aufs schene wetta. ånzipfig!
winsch eich noch an schenen tåg!
da wuhte

teaf i a amål, bittschen?

@coolati und sunst a olle: i håb ma de zeit gnumman und wås eingebaut:ma kånn jetzt sein eigenen, letztn eintråg beoabeitn, so wie du des wolltest, coolatling! anfoch auf den bleistift klickn... weats schon findn ;-))

griaßeich!
da wuhte

pfa, coolatling, des is oba schen kompliziat, des waßt eh... oba schau ma amol...

waßt eh: wås nix kost des is nix wert ;-))

griaßdi phoebe!
des durchanond, wos jetzt kans mehr is, wor deswegn, weil des gästebuach bis jetzt nåch dem datum und uhrzeit sortiert woa... des is natirlich deppat, wenn ma de uhr umstöllt, dånn kummt a kuddlmuddl aussa. jetzt sortier i's nåch da reihenfolge der eingåbe... eh gscheita, is ma lei bis hetzt wurscht gwesn.
olls klor?
bussle,
da wuhte

griaßeich, do is da glöckner vom villacher.net!
des geht ma a am keks, des mit da zeit... is kompliziat zum aklärn, warum des so is (håt wås mit vmware zum tuan, wenn des wem wås sågt), oba i kånn wie imma nix dafia ;-)
i håb jetzt a bissale ummagschraubt, sollt jetzt bessa sein... und wenn minus is, weats niama ångezagt... damit's di nit so stört, chrischtele, ga ;-))

schenen åbnd!
da wuhte

hallotz!
maaaa, i kumm anfoch nit dazua, den bledn termin fir des festl auszumochn, weil i irgendwånn im summa 2 wochn am oa*** da wölt muass und noch imma nit genau waß wånn! kompliziate leit gibts auf dera wölt, des mecht ma nit glabn... des gånze zeit jååå-naaa-waaasnit - hadifix.
so. jetz isses draußn, jetz is ma leichta!
winsch eich an schenen åbnd, muagn kummt schlechts wetta, also ausseeeee ins griane dawals noch geht!

pfiatenk!
dawuhte

hopsaliesl...
tschudign, oba do håt die uhr vom villacher.net sörwa gånz schen vabogene zaga ghåbt... hån se wieda gråd gebogn, jetzt geht a wieda, da uhr!
i wor gestern bei unsere freind in tschichien, deswegn bin i erst so spåt zu meine meil! oba dånkschen aufjednfåll fir eire hinweise!!
i suach eh gråd a neiches platzl fir mein websörwa. is goa net so anfåch, wemma nix zåhln wüll ;-) wer schnorrt der spoat, såg i imma!

coolatling, wås måcht a denn bei dir wenn du sågst "wenn i wos ins gäsrebuach schreib, kennts mi nit und des is lästig"?? kriagst an fehla zruck oda wås oda wia?

pfiateich!
da wuhte

10.05.2007 13:08:
SO. hetz håb i des gånze gspeibach amål nei gstartet. schau ma amål, wås des jetzt weat...

Griaßeich Leitln!!
ma, i håb jå schon echt a schlechts gwissn, wal i mi schon so long niama griat håb, oba i håb wiedaamål zum schepfn bis zum ånschlåg. oba sunst passt soweit olles bei mir und i hoff, bei eich olln a!
jetz muaß i ma zwoa gråd die tränan aus die augalan wischn, weil be so vül schaß, den die estarreicha bei da eishackla wm zåmmanspüln kånn i mi niama dahålntn valauta traurig :-( echt a jåmma! åba dafia regnats endlich! woa schon hechste eisnbåhn!

i håb ibrigns wås eingebaut: wenn ihr ma dringend wås zum sågn håbts, dånn schreibts es in gästebuach eine und schreibts irgendwo in text "@wuhte" dazua... dånn kriag i des per e-mailie zuagstöllt. schau ma amål, wås des weat ;-)

und håbts eich schon wås fir des villacher bier festl ibalegt? ihr olle seits die hauptattraktion bei dem fest, deswegn richt i mi då gånz nåch eich! vielleicht kennt ma jå an termin findn, wo a olle in kärnten sein... måchts amål ane vuaschläge! a platzl find ma schon, und wenn ma's notfålls im brauhof måchn.

so, jetz geh i amål mit'm hund... de weat schen ongfressn sein, weil regn håsst se wie die fläh.

pfiateich, an kamotn sunntåg eich olln!!
da wuhte

Griaßeichleitln!
I sitz gråd am Fluhåfn vol Dälläs und woat auf mein Flug. Supa, 10 Stund in so an Vogl san oas***, oba wemma's amål hinta sich håt, red ma niama davon!
I möld mi dånn wieda, wenn i ausgschlåfn bin.
Wissts, wo i gestan woa:



A Kindheitstrauma is wirklichkeit wuan!!
Pfiateich, i winsch ma an guatn Flug!
:-)
enka Wuhte

murgäääähn!
ma, teifl. es is holba sexe in da frua und i schon wåch. zegugge! des mit'm steak woa leida nit so de sensation. rund um des hotöl is lei wüste, då hett i ma sölba a kua aufreissn miassn. und im hotöl nehmans 38$ fir an lächalichn 8 unza... seawas. kummt davon, dass mi de firma in so an teiren schuppn steckt. tat eh liaba in a klane friihstickspension gehn - geht oba nit, na, hiltn muass sein. leck. oba dafia is beim fliagn nix mit först-class. in da proletn-class muass i huckn wie a hendl in da legebattarie. då håst echt ständig den öllebogn vom nochba in da seitn. oba vasteh i a. bei 8000 leit in da firma tat des ständig bisnessclass flaign den finanziölln urin bedeitn - weil då kost da flug glei amål des 4-fåche! oba wuascht, so oft tua i des eh nit.
sodawassa, i geh jetzt amål schaugn, ob's schon a friihstick fir mein jätläg gibt. bis båld!
da wuhte

ps: wisst eigentlich, wås die umwöltfreindlichste vapåckung fia mülch is? na? es is weda die recycling-flåschn noch da tetra-påck. die KUA! warum? weil ma die vapåckung mitessn kånn!

HOWDY!!
ma, i sog eich... "kaum kem' - scho' då", wie da kerntna sågt.
i bin schon wieda in ameriga. diesmål oba nix im wormen, sunnign kalifornium, sondern durtn, wo da tschei-ar seine lecha in bodn gebuhrt und des båre göld aussagepumpt håt. richtig. dälläs, texas. bin gråd vur 2 stund onkumman, tua mi jetzt amål aglimatifiziern und dånn werd wohl a 20 unza von rinfleisch in mein råchn obeschlupfn, weil den gschmåchn vom flugzeigfråß muaß i dringend los wern! diesmål bin i oba lei a wochn då und werd leida nit ollzu vül zeit fir mi allan håm. måcht oba nix, a bissale weat schon gehn.

i winsch eich jednfålls wieda amål olles guate iba die große låckn drieba!
enka
wuhte

helo fo'ks!
i bin imma noch då. also, durt, von eich aus gsegn :)
mei kurs is oba aus und murgn um 10e am obnd (ortszeit in CA) fliag i wieda zaus. heite håb i ma an kindheitstraum erfüllt und woa mei erste NHL eishockeypartie zuaschaugn! san jose sharks gegn de chicago bläckhawks. ka tschanze fir die indiana, die heifisch hom 4:2 gwunnan! supa woa des! 17.491 zuschaua in da halle und a båtzn stimmung! g-e-i-l!!! natirlich fette hot dog und popcorn gfressn - wie sichs gheat!
murgn geh in donn zmittog mei glumpat am flughåfn eintscheckn und danåch gib i ma die supa-bool auf ana murdsdrumm supa-bool party in san jose. (hoffntlich kånn i mi mit'm bier beherrschn... sunst sieg i fir'n hamflug schwoaz :-)

mir gehts also olleweil supa, i hoff, eich a!
gfrierts ma nit z'vül, an schenen sunntog!
da wuhte

griaßeich!
wolltmi lei wieda amol möldn, olles rotscha bei mir do herübn! i woa heite untn in carmel bei de sii, a wohnsinn, sooo scheen! lei schod, dass mei schotzale nit dabei sein konn :(
a supa auto hon i a, mit an gonz neichn eingebautn system. nix elektronisches, sondan vüüüül gscheita! schauts eich des amol on:
Mei Supa "Trunk-Monkey"
des gibts holt lei in ameriga!
supaschene griiiße on olle (vur ollm on den woldschneck - vül glick! vaschwind aus ana hockn, wenn se da am zaga geht! i hob 3 joa ummagschissn und jetzt bin i a ondara mensch und wea fia an californien trip gezohlt a noch!)
mochts es guat!
da wuhte