es gips keinen åltweibasumma mehr, weil die åltn weiba ålle lei mehr jung sein wolln tuamt. a jeede låst siech die fålltn ausbiegln oda miet an taaßkniettl die håår eindrahn, damiet dass die haut gspånnt werd, an hecktahr zaache haut ausazwieckn, die lüppelen und die tuttelen auspolstern mit süllikohn, miet botox die letztn musklzuckungen wecksprietzn undsoweita und wåswaaßinochwåsålls, lei damiet dass sie jung bleibm.
und weils kaane åltn weiba mehr gips, gips aa kaan åltweibasumma. glaabtz ma des, weil i bien a ålta mettololologe und i waaß des. ålte manndlen gips noch ginua, de wo ohne wieahgra umanåndawerkln, åba wölches weetta riechtet sich schon nåch ålte manndlen? oda håppes des schon amål wås von an åltmanndlsumma gheart? nå eben, då liegt da hundling bigråbm.
hihi. seas und guate nåcht, i hupf in die harpfm. | 
