de sally is oba sehr muschikalis wenn se de gonzn stickln drauf hot. obe de serenade vom totn hund kennt sie niet, oda?

@schneck: >>> "jault de Sally eigntlich mit..." <<< na, de ies mehr auf da klaschissn seitn. de jault den einzugsmarsch wenn die eida kummt, oda den buhlero oda den wålza vom schostakowitsch (wo de schmålzlocke aus nederland so herzzerreißend fidelt) oda eppes aus da latrafikata von werdie odaso. då taatet siech mei wurm scheen bidånkn, wenn de sally dem hanse sei bestes stieck so vahundsen taatet...
und den schreifrietz kånn se aa. den jägerkohr, sowås ies bei uns im gibierge wiechtig.
und den flieg am arsch (fliegamarsch).
und wenns iergendawo beißt, siengt se den liegenden flohhändla.

Phoebe!
der frühe vogel fängt den wurm!
des kummt davon wennst sooooooooooooooo long ibalegst.
hiaza hasts lei: neues spiel, neues glück.
wert schon wern. i holt da die daumen.

Des hot doch nix mit Glück zum tuan. Wenn Intaresse hosch und no mol drüba schlofn willsch, na muasch des Auto halt reserviern. Aba de Probefahrt war ja au scho vor 3 Tag.
Und no geht des mit´m Saufn. No fahrsch ja it Auto. *g*

*ggg* na hot mi nit dawischt. gestan wor im orf beim sommakabarett da viktor gernot. des honi gmaant ;-))))

mah i sogs eich. mei autokauf steh unta kaan guatn stern. hobi ma gidocht, guat, pfeifst auf de kopf-und schultaairbags und nimmst da den fusion vom händla wie er durt steht. kriag i eahm wenixt glei und konn nächtse wochn schon damit fohrn. und de forb de i ma winschat hätt er aa. 2 tog honi hiatzand ibalegt. heite fohr i hin - weg is er! irgend ana hot eahm gikaaft und i steh wieda do. i bin echt schon so wääääh, wegn dem kibl dem bleedn.

nit amol dos kloppt. egal, wos i wüll oda tua, es is folsch oda zspät oda sunst wos. und hiatzand sogor beim autokaafn. a anziges mol, wüll i amol wo a glick hobn kennen. owa na, dos spülts in mein lebn echt nit.

do muasst jo ins saufn onfongen!! ;-)

kennst du die beage, die beage tirols.....................................
wer wüll konn weitasingen

@Ruflo, was schaugst au imma de Blondine on? Do tät mir au de Luft wegbleibn. Tztztz...

05.09.2008 12:03:
>>>kinda scholtets um. da scheene vickerl is grod im flimmerle......<<<
Auweh, ez hot`ses komplett dawischt. Schlimm so was. Ob des wida wird? *g*

05.09.2008 12:05:
@Ruflo, jault de Sally eigntlich mit bei dem Ohrwurm?

da gherhad is nit plond und sikn tuat er a nit. der tuat mehr autofohrn.
hiaza hot ma die hauskronknhülfe ibabochene nudln gmocht mhhhhhhhhhhhhhhh!da bauch is voll i bin z´friedn

aa ies da gerhat berga aa blond und tuat siengen? odawia?

jåjå kuhle, es ies hålt so: wenn da mäntsch eppas håt, kånn er mehra aa håbm tuan. wennst in da fruah aufstehst, und es tuat niex wehweh, kånnst siecha sein, dass d' a engale biest. auf wolke sieben. nåachan kånnst harpfn-schlågn, psalta-blåsn oda zither ziettern und lullihaja schrajen

guatn morgn, ollezommen!
des goldlöckchen geht maam oa.............. vurbei. der konn sinken wos er wüll.
i steh aufn gerhad berga!

05.09.2008 09:27:
seas ruflo. seit wonn host dus mit da schnaufartei, i hob gedenkt dir tuan die bana weh und die gilenke. rauchst e nix mehr.
und bei eich drobn is jo eh die luft so guat, dos ma schon in Kirzesta zeit 100 wern konnn.
denk on den "BRUNO" der schnauft nix mehr.

griaßeich, an guatn morgen und an scheenen tåg!

schaugt aus, die berglufft ies eppes diecker wurdn und i kriag wieda a biessale mehr davon beim schnaufn.

åba: i håb den ohrwurm dawuschn!
vurgestern auf d' nåcht, då håb i es goldlöckchen siengen gheart, då håt er mi gipåckt und infecktzirt.da ohrwurm.
und hiatzt låssts mi niamma los. wenn i in da nåcht munta wer' und mi auf amål umdrah: "trioler berge..." singtz in meine waschln. "die hat der herrgott nur für uns gemacht" und des gånze von vurn bies hintn dreimål hientaranånda. schpeckchchckneedl inglusife.
endlich gehtz miet dem schlåfn weita.
wenn i aufs häusl miaßn muaß: "trioler berge..." kliengtz ausm untagrund von da muschl. und wenn i zu mia sölba såg "hiatzt hear schon auf miet dem bleedsinn!" dånn kummt die zweite stropfm. "die hat der herrgott nur für uns gimacht".
auweh.schnöll es wååssa åbelåssn und in die kiestn flüchtn... "trioler berge..."
und wenn i die äuglen gååånz fest zuadruck - då schaugt mi aana ån, grienst, mit 46 zähnt - blond - åba ohne zottlmunnputtz - "die hat der herrgott..." a ålpentraum,
då wer' i wüld und setz mi auf... "trioler berge..." nutzt niex. leg mi nieda - deck mi zua ... "die hat der herrgott..."

und hiatzt sietz i vurm pc. wås spültz in meine uhrwaschln? "trioler berge..."
i waaß ginau, wenn i hiatztn miet da sally mei runde durch die såndgruabm drahn wer', werd mi aana bigleitn. blond. grienst. mit 46 -----
naa, es reicht. schluss aus.

"komm her zu mir, auf meinen schooooß, damiet ich dir den hiemmel zeigen kann...." hiemmel? wenn i mia vurstell, i sietz auf seinem schoooß....
hiemmel, åasch und zwiern, es reicht.

falleicht wüll ma aane von de dahmen mein ohrwurm åbkaafn?
niet? wer' i's hålt bei iebäi brupiern.
amål schårf ieberlegen, ob i vom URF schmärtzensgöld valångan kånn.

<<a stehst du afn hanseeeeeeeeeeeeeeee?>> um gotts wülln, kuh, naaaaaaaaaaaa!!!!
obwohl i sogn muass, dos er kaa unsimpatischa mensch is. hob eahm amol im fliaga sitzn ghobt und donn beim wortn auf de koffa isa gstondn udn tausende weiba hobn eahm ibafolln. er hot lei glächlt udn hot geduldig seine untaschriftn vateilt. olso i warat ausgflippt, wenn i privat untawex bin und i wer umzinglt von greischenden schon etwas ibawuzltn weiban, de mi olle knutschn wolln. hob i ma gidocht, hanseee, bist a liaba guatmitage depp ;-)

04.09.2008 22:54:
kinda scholtets um. da scheene vickerl is grod im flimmerle......

des warat schen wenn er entlich aufherat zum singen. do singt jo des chrischtele noch schena!
PS. wo isn sie hiaza ibahaups?

04.09.2008 21:05:
i hau mi hiaza vurs flimmale. eich a guate nocht
bis murgn wieda

also des miet dem scheenerwerdn des stiemmt. schaug mi ån, wia du scheen bist....
åba des miet dem gscheiterwerdn - - - då håb i so meine zweifl.
schaug da zum beischpül amål den hanseee ån. der werd ållaweil scheena. gips jå kaum a weiblieches wäsen, wo niet vur entzickung taamisch werd, wenn se ihn siehgt. åba: werd der gscheita und heart endlich auf zum siengen? siehgst, des wår da biweis.

richtig ruflo! mir wern neama jinga oba schena und gscheida!
i wenigstens.
hiaza hot ma da technika des outlook eingrichtet oba des is a so a schass
wenns mit da maus wos onklickn mechst geht nix. bold wern se mi holn zur hupfarei ( folls sie nit vagessan hom)

04.09.2008 09:10:
und der technika von da hazung kummt erscht am freitog( hot er gsogt) oba am wochnend werts wieda urdentlich hass, steht in da klanen Z. drinnen.

04.09.2008 09:33:
sewas Phoebe!
a stehst du afn hanseeeeeeeeeeeeeeee?
der hot jo nitamol gscheid schifohrn kennen und singen konn er a nit.
so fesch wie der bin i noch imma

04.09.2008 10:37:
i sog amol seawas
weil hiaza wern se bold kummen,
und essn mechat i a noch wos
bis amn nochmittog noacha

04.09.2008 15:40:
i hobs ibalebt, oba es wor sehr onstrengend.
am montog is wieda die "olte" domina,
de hot ualaub ghobt