grias eich!

wosn los? kaana do???

09.06.2008 22:12:
geh bitte, jetzt valiern meine spaghettis aa nuch.

hob i ma gidocht, schaust da des erste spül on. tuast amol so, ols tat die des gonze intressiern. olso drah i um am ansa vom orf und schon in de ersten 3 min. raafn se sich schon am spülföld und da erste 11meta follt. natirlich fir de kroaten. und de gölbe fir de östarreicha. und i find, der hot gor nix gmocht. frechheit sowos, hm!!!!

08.06.2008 18:58:
i glaab es is guat, dos i kaa fuassboll-fan bin. i warat herzinfarktgefährdet ;-) wos i mi aufregn muass..... tztztztz... :-D
i glaab jo fost,da schiedrichta is a kroatienurlauber, ondas gibts des jo nit :-D

an scheenen guatn morgn und den papas in da runde an scheenen votatog und gmitlichn sunntog!!

so, i wermi jetz a longsom untan gulta schmeissn. hot mi irgendwie gschofft des gonze. meine nervn send doch nit so gonz de bestn.
i bin heite anfoch nur mehr hin.....

guate nocht und bussaleeee...............

meine zwa findlkinda hobn an guatn pflegeplotz
i bin sooooooooo glicklich. von ana kaninchenhilfe, kennts aa schaugn www.kaninchen-helpline.at hob de durt ongruafn und se hot sofurt xogt, jo i soll de zwa bringen.
ollading hob i nuch zuvur an ziehmlich heftign tog hinta mich gibrocht. vurmittog tierorzt, de hot gmaant, i soll de ormen ins tierschutzhaus bringen. i wollt owa liaba wos bessares findn.
uma finfe am obnd donn, hot sich wer gmöldet ibas intanet und gmaant, se kennt do wem. und schon wor olles ausgmocht. i hob de zwa racka in de transportbox gsteckt und bin a stund durt hin gfohrn. a poor tränen (najo, sog ma mol es wor a mittlera wossafoll *g*) send gflossn und donn konnt i beruhigt wieda hamfohrn zu mein killakanikl.

de surgt durt siha guat fir de zwa. sölba hot se im moment 30 ninis in pflege, betreuung. werdn aufpäpplt, kastriert (so wie meine zwa z.b.) und wenn olles wieda gsund und groß is, wert a guata plotz gsuacht und vamittlt. de ormen wirschtln de kaana wüll, bleibn anfoch durt bei ihr und werden anfoch weita behosnmuttat ;-) in an gehege in an scheenen großn gortn.

i bin soooooo froh, des konn i gor neamd sogn.

@ruflo: sewas und guatn morgn. wie maanst du des, du tatst ma hölfn? wen i in kärntn warat und nit in wean, tatst du de zwa leicht nehmen?

olln ondren aa an guatn morgn.

i geh jetzt donn am vurmittog zum tierorzt mit de zwa ormen wirschtln.

i sitz auf an riesn problem. des haaßt sogor 2 problemen.
send kuschlig und hobn jeda 2 longe uhrwaschln.

i hob heite am obnd auf da donauinsel 2 ausgsetzte hosn gfundn. jetzt sitzn se in an vül zu klaan käfig in da kuchl von meina mama und i waaß nit wohin damit. i konns ma nit nehmen, wegn da phoebe. aussadem miassn se a zeit long in quarantäne bleibn, folls se kronkheitn hobn und in meina wohnung hätt i ka mäglichkeit, de zwa daweil untazbringen. aussadem kloppt des nit mit drei hosn. de mama is schon nervös, weils nit waaß, ob se de hosn je wieda los kriegt ;-) bei ihr kennen se aa nit bleibn, wegn dem papa. jo, jetz steh i ziehmlich on mit de zwa. tierschutzhaus, hot gmaant, mir hobn kaan plotz, lossns de zwa, wo se san, einfongen werdn de sich eh nit loss. denkste. i hobs jo. ohne probleme. a bissle futta in de hond und schon schon wornse do. send total zutraulich und sooo liab. olladings dirft der ane kronk sein. hot a gonz vapicktes dickes augal und is saumässig dinn. der zweite is wohlgenährt und mocht an fidelen eindruck. so wies ausschaugt, dirft den besitzern des kronke viech zvül wurdn sein (i tipp fost auf myxomatose = hasenpest) und des is, jo, sog ma donn wors des. und olle hosn de zommenkummen, werdn ongsteckt. drum bin i jo a so haglich wegn da phoebe. hob glei mit desinfektionsmittel meine händ und orm obgriebn und wor duschen wie i hamkummen bin.

i muass zuagebn, i bin ziehmlcih vazweiflt mit de zwa. wos tua i denn jetzt????

murgn geh i amol mit senen zum tierorzt und donn hoff i, dos de zwa irgendwer nimmt. bis sunntog kennen se noch bei da mama bleibn. donn sollt sich wer gmöldet hobn.

moch i doch glott...

06.06.2008 18:07:
hob schon glesn.
und i muass sogn, des stimmt sogor. eh wiss ma olles bessa ;-))))

06.06.2008 18:10:
i wermi jetz ham schleichn. obwohls grod supastork rägnt. owa egal. vülleicht wox i jo nuch. owa hoffentlich nit in de bradn..

bis späta von dahm.....

na, in ö3 homse heite dafir werbung gmocht. sunst tat i do dribalesn. waaßt eh, fuassboll is nit meins. frau holt ;-)

tuats eich zommenruafn, is siha gscheita. sunst vaföhlts eich murgn, ha?!

@ruflo: <<åba waaßt du, warum de toggern ållaweil um aan aanzign båll graft håbm?>> jo des frog i mi aa imma wieda. sovül weniga miassatns umarennen, wenn jeda sei balli zum spüln hätt ;-)
hihi- jo des "nackabazi" wor a gaude. und so beweglich.... :-D

06.06.2008 17:43:
heite im tv zagns jo uma holba ölfe a doku. so zukunftsvisionen - unrealistische natirlich. österreich - em-sieger 2008. des glaab i, muass i ma direkt onschaugn ;-) soll zumindest guat gmocht sein.

morgääähn!

fuasbollfiaba, jo, des is do aa schon ausgibrochn. schon seit togn fohrn a poor varruckte mit so fahndaln am auto uma. peinlioch....
owa gestan hob sogor i fuassboll gschaugt ;-) des promimatch hob i ma gebn miassn. hobn gor nit so schlecht gspült. und am sunntog weri mi vülleicht aa a bissle vurs flimmerle setzn und zuaschaugn. donn wernse eh neama spüln miassn de unsrign ;-)

grias eich!

mmmmh, lasanje, des tat ma jetz glaab i aa schmeckn. schmatz. i werma donn holt stottdessn a eis ausn tiefkühla holn. reicht a ;-)

heite hon i göld ausgebn. hob ma vurhin an mp3-player gikaaft. in lila. owa irgendwia hob i gor kaa so richtige freit damit. waaß aa nit warum. hob eahm nit amol nuch ausgepockt.
najo, wird schon kummen....

wohl kuh, geht schon. markier de komplette adress von onfong bis end mit da maus und klick auf de rechte maustastn und donn auf kopieren. donn gehst aufe zur adresszeile und sogst (wieda mit da rechtn maustastn) einfügen. werst segn, geht auf.

@kuh: donkscheen - bussale. hihihi, sie wollt holt glaab i aa amol bei sowos mitmochn. najo, soll se holt. i hätt jo aa mitmochn solln wenns noch ihr gongen warat, owa i hob ihr xogt, des is nix fir mi. so scheen bin i nit, daas i do wos reissat. und aa sunst föhln ma de modelmasse ;-)

04.06.2008 20:29:
@ruflo: hihi, mah is der miad gwesn......

na leida. konn i nit. es geht von jedn computer nur amol.
worst eh durt wo i da des aufgschriebn hob. in da kategorie 26-44 und von da höhe der punkteonzohl bei de weiwa mit 90 punkte?

owa is egal, trotzdem danke, daasd es probiert host.