morgähn kindaaaaaa!

heite scheint se sogor bei uns de sunn. a poor klaane wolkn ziagn schon herum, owa i hoff, des bleibt die ausnohm.
shopping und frischluft is onxogt firn nochmittog. do brauch i kaan regn nit.

an scheenen somstog eich olln......

wor jo nit vül los heite, ha!?
vülleicht is jo murgn mehr action.

guate nocht.................

jetz hob i des ausbessan miassn. so an bleedsinn, wos i vurher gschriebn hob, "kurz noch ölfa do" hätt kurz noch sexe werdn solln. und zwor ölf minutn noch 6....

sixt, des kummt vom hudln... ;-)

23.05.2008 12:12:
und jetzt geh i a bißl ausse und schau ob sich wos essbores auftreibn losst. de weintraubn am vurmittog worn nit so gonz ausgiebig...

mohlzeit!

morgäääään!

kevin allein zu haus, spülts grod bei mir lei das i nit kevin haaß und nit daham bin sondan im biro. owa des gooooonz allaaaaan - mah, scheeen. olle ondren hobn urlaub gnummen. i nit, na, na. bleed wari bei dem wetta und wenn i des biro fir mi hobn konn ;-)
wenns heite worm gwesn warat, donn hätt i mi vülleicht ibaredn lossn, owa so gibts a poor plusstundn fir mei vanochlässigte gleitzeitkortn. wor schon ölf noch 6e do.
sogts brav zu mir ;-)

i winsch eich an scheenen fenstatog!!

morgeeen!

jo, feiatog is und des wetta nit bsondas.

@ruflo: vül spass beim grülln.

scheinbor is er doch noch do, da aprül. oda bessa gsogt, da novemba. kolt, grau und feicht is, ols warat herbst. eeeeekeeeeliiiig!!
nit a anziga sonnenstrohl wor gestan und heite zum segn. nit a anziga!!!!!!

wohl, da neie wo i letzte wochn schon wor is zusätzlich aa nuch chinesiologe, mocht osteophatie und nuch a poor ondare dinge, de de kronknkassa natirlich nit zohlt. des heite hot schon 180 euro gikostet. daweil spir i jo nuch kaan untaschied, owa vüleicht kummt jo noch wos.... aussa murgn aa musklkota :-D

i vaobschied mi hiatzand. bin irgendwie k.o. hot mi heite gschofft der schmorrn...

bussale und schlofts guat

na, na, host schon richtig glesn kuh, i wor schon büldln mochn. in da frih. jetz uma finfe muass i nur zum orthopädn hin. irgend a osteophatische behondlung kriag i. mol schaugn.....

ibrigns, es regnet imma nuch....

bis am obnd :-*

mooorgääähn!

oda sollt i schon mohlzeit sogn?

mah, do is kolt heite und regnen tuats seit i aufgstondn bin. heite wor i schon in da frih beim röntgen. und am nochmittog uma finfe derf i wieda zum näxtn orzt. i sog eich, olt sollt ma nit werdn ;-)

so, donn winsch i eich amol a guates mittogessn.

i geh ma meins aa holn. irgendwo do drausn im nossn....

hätt ma aa von dir nix ondares erwortet....
bist holt a goooooonz a brava ;-)

18.05.2008 16:30:
grummln tuats schon do hintn. wert wohl a gewitta kummen. gonz schworz is schon.....

sewas coolati-bua!

jo nix hob i ongstöllt. hob sogor brav aufgessn, wos auf mein tölla glegn is. mit mein bunny schimpf i sowiaso vül zwenig - owa vülleichts liegts jo an dem ;-)

morgen kinda!

gehts eich guat?

sogts, wos worn den do fir drei typn herin vurgestan??? bleibt uns aa nix dasport ha? varruckte. echt wor.

wochnend und des wetta is schlechta - wie könnte es anders sein ;-))

dickes bussale in de runde!!!

18.05.2008 10:03:
ajo, hob i eich jo gor nit dazöhlt. i wor am mittwoch bei dem neien orthopädn. der hot glaab i a viertl stund on mir umagedruckt, gequetscht und gedraht. und ongsogt, wo wos nit in urdung is. scheinbor gibts bei mir kaa stickl am kärpa, des grod steht ;-) an haufn ibaweisungen hob i mitkriagt. bluatuntasuchung, hno, röntgen - mol wieda, osteophatn muss i gehn und komisches "gepuffertes vitamin c" saufn.
er maant, er wüll sich erst a büld mochn, donn konn er sogn, wos los is.
wor bis jetzt olladings da erste orzt, der wirklich untersuacht hot. i wor zwor noch dera untasuchung wie blau ghaut, ols hätt mi ana mit an holzpfostn gepriglt (von dem umadrahn), owa bis jetzt send de ärzte imma lei hintan schreibtisch ghuckt und hobn lei gschaut. mol schaugn, ob der jetz mehr zommenbringt.
wofir i olladings de gonzn ondaren untasuchungen mochn muass (hno z.b.) is mir schleiahoft. owa wert schon sein grund hobn.
jednfolls, konn i hiatzand an möldezettl bei de ärzte ausfülln ;-)

grias eich!

hobts an scheenen tog ghobt?

@ruflo + schnecki: wos sogn de befunde und de ärzte? olles o.k. soweit?

murgn bin i mit orzt dron. a neia orthopäde wegn mein gnack. i glaab zwor nit, dos der mehr mochn konn ols de ondaren zuvor, owa man (frau *gg*) soll de hoffnung nit aufgebn, gä?!

bei uns wors heite wieda voooooooll scheen. mah, hob i mi wohlgfühlt. a bißle in da sunn gsessn und schon bin i zfriedn und olle surgn vagessn....

an scheenen pfingsmontog!

on dem taumhoft scheenen, sunnign, wormen tog.....
so konns bleibn bis septemba und nuch a bissle wärma.

heite is pfingstreffn bei uns in da pforr. waß oba nuch nit ob i aufe geh. jetz leg i mi a bißle hin, vülleicht is jo donn mei gnack wieda bessa und donn kennt i jo gehn. mol schaugn....

pfiat eich und lossts es eich guat gehn in da sunn....

guatn morgn!

und an scheenen sunntog und ollen müttern an scheenen muttatog, miasstsas senen holt ausrichtn.....

i bin schon gsponnt, wos meine zu dem, wos ihr gmocht hob sogt. i hob mein hosn, ols a büldl von ihr so vagrässat, dos hiatzand fost an meta groß is. des gonze auf a dinne holzplottn gipickt und de konturn mit da stichsog ausgschnittn. lackiert und hiatzand gibts a killakanikl in ibagräß zum aufhängen ;-)
mit dem hots eeh de meiste freid. olles ondare wülls sowieso nit. eigentlich wollt i heite kochn. owa de gonze wochn sekkierts mi schon, dos se sölba kochn wüll. wos soll i tuan.

so und jetz geh i des gonze zeigs einpockn.....