Höööö, heint noch kana do???
An Schleim hot a Schneck a. Olso bei 250 kaemha, do brauch I don schon a Bremsn (ka Viech) !! Und wenn i den Woldschneck mitgnommen hät, don war eam des karirte Heils weckgflogn. Der orme Schuftet grod wia a bleda, dos de Trakta bis zum Winta noch a gschweistes dachl kriagn...! Er hot gsogt, dos a mit wüll in de Tirkei, oba im Koffa hot a leida kan Plotz mehr, sunst tat I eam schon mitnehmen! Olso, bis späta norcha. Scheriffe-Prost, lütfen-bitte und Gülle-Gülle-pfiat Eich. Kon a tirkisch !!!!!!!!!!!

Woa, KORPORAL glei !!
Mia hobms a ibastontn de Hochzeitarei. Scheen wors. Oba des schnölle Auto is a schaas, wennst ka gscheite Bremsn host. De is nemlixt am orsch. lei guat, dos es niet unsa Auto is. De Onlog is teia zum repariern. De scheene Zeit is hetz a wieda vorbei. Heit in da fria send de Schwiegaleit wieda haam kumen. De worn in Rimini. Tjo, oba es sent jo lei mehr a poor Tog und donn heb ma mia ob in de Tirkei.
An scheen Suntog, Eich olln.

Hi, Ruflo!
heit in ana Wochn is es soweit. Do heb ma ob in Solzburg mitn Fliga! Muata fliagt jo mit. Und wia jedes Johr is Treffpunkt ebm in Solzburg. Geht iba mei Freindin, de orbeitet in an Reisebiro in Spittl-tschitti.
Regnts bei Eich a? Bei uns hots a Gewitta kopt. Und mia hom im Regn es Auto gwoschn. des brauch ma morgn, do is Hochzeit von unsan Nochba. Hom uns an AUDI RS4 Turbo Quattro ausglichn, der wor volla Kuhasch...! Siegst, so ane bekonnte hobm mia, de glei a Rennauto hom!
Und heit geh ma noch auf an Geburtstog. Bis morgn norcha!!

Griaß Eich !
Mei Olta is wieda do. Heit Fria um 2.30 Uhr haam kumen aus Berlin!
Murgn sen ma auf a Hochzeit einglodn, olso wer I niet vül Zeit hobm zum schreibm. Hetz wer ma Gortnispekzion mochn gehn und norche an Stodtbumml.
Olso, bis heit obnds! Und de Suuune scheint, jippiiiii. Cabrio olle.

Host es hetz bold?? Kuhflatterich !!
I bin FERTIG mitn Gortn. Pfuuuuu! Aus Ende. Morgn wert scheen Wetta genossn. Dir an scheen Tog murgn bei de Spaghetti-fressa. Und los mia a moch an Wein ibrig, herst!
Mol schaun, wias späta is. Bis norchan

Hi, Coolatlinga!
Do valernst norcha es Rauchn automatisch. So kon ma leich aufhern!

08.09.2005 09:28:53:
Heeeeeee, WUHTE.
Bin eh auf, schrei niet asoooooo!!
Weckst jo de ondan!!!!!

Alles aufsteeeeeht, Wolknschiabm !!
Es bewölkt nemlich bei uns do. I sollat noch Gromahn, oba OHNE noos zum werdn! Des is zum Glick mei letzte Stazion im Gortn. Donn wül I amol 14tog long nix mehr hern und segn. Nochn Urlaub hon I schon wieda a Großakzion vua. Beim Nochba en Jagazaun streichn. Hon I eam zum Geburtstog gschenkt. An Gutschein ibas Zaunstreichn. Der hot jo "lei" 50 meta !!! Oba, moch I gern. Umanondapfoggan und dreckig sein. Bis späta norcha.

Grias Eich !
Nah, nix Antalia, oba dazwischn drin, zwischn Antalia und Alanya. Des Nest hast Incekum (Avsallar). Is scheen, do wor ma schon 3 Mol. Oba Australien tat ma a amol taugn. Kängubus hupfn....!
Pha, hon I vorher gstunkn, ols wia a Jauchnkiebl. Hon en Gortnteich ausglosn und geputzt. Hienige Regnwirm, Woosakäfa, faulige Blaatlen, tonnenweiße. Wäh! Hetz riach I wieda wia a Mensch.
So, klemm mie hetz zum TeVau und norcha in mei Bettele. Bis morgn norcha.

Leck Fettn herst ! Hetz is da 6 meta hohe Goldregn lei mehr an Meta fuzg hoch. Und KANA hot ma kolfn, von denen de mas vasprochn hom !!!! Nix Woldschneck, nix es Kletzle, der eigentlich hät kumen solln. Nix, SÖLBST is de Frau !!!! Hetz bin I oba fix und alle. Und volla Dreck. Und murgn is mei Autole wieda Transporta. So orm, wieda ols voll mit de sch... Äst. Oba donn hon I lei mehr es gros zum mahn und de Kellaschächt von de Blattlen seiban. Und norcha den wohlvadientn URLAUB in da Türkei, juhei. Olso, bis morgn norcha. I spring eine in de Bodewonne.

07.09.2005 08:23:15:
Auf,Auf zum "fröhlichen" Ästschneidn. Wah, wär nur olls schon varamt und weck. Schwitz, keuch. Oba wert a werdn, hon jo Zeit bis Nommitogs um 16.00 Uhr.
Suune scheint, past!
Bis heint Obnds.

Mah, is mia schon wieda HAAAAS!!!
Nah, Hexla hon I kan. Mei Autole is nix dreckig! Ha, hon a Plane eineglegt kopt. Bin jo nix deppat! heit is erst Nomittog da Gortn ongsogt. Vurmittog muas I zua Maniküre, damit I wieda Unkraut zupfn kon, meine Kralln schärfn losn! Und meine Hoor schneidn, weil de schon vülz long sent.
Heit wert mitn Fichtnmopet gschnittn, dos lei so raucht....! Taugt ma hetz schon. Olso donn, bis heit Obnds.

Ha,ha, da "Fliplatterich"! I bin heit a kupft.Mit da groasn Baamscher im Gortn umadumme.Mei Autole wor bis zum Blafon zuagebaut mit de Äst und Krasn, de I heit obgschnittn hon. I glab, I hon heit den guatn Mittanochtsbrotn von da hittn wieda ausegschwitzt....! Fein, und donn eine in de Wonne und a Hirtale dazua. Späta geh I noch Kneipm im Gortn, weil heit is a Sternenklore Nocht. Lei Schood, dos I wieda amol gonz allanig bin. Oba a amol scheen. Die RUHE geniesn.

Hetz, wo I wieda do bin, haun se olle ob, nah,nah,nah!
Scheen wors. Beim wondan hobm se mie in an Sumpf einegjeikt. I bin bis zua de Knechl drin steckn gebliebm. Meine Schua worn lei mehr Tampfl. Und STAANPÜLZ hon I gsegn, oba olle vaschneckt....., leida. trotzdem hom ma a so fül Schwammalen dafuntn, dos es a guats Sosal gebm hot zum Mittanochts-Schlegl-brotn mit Schwortn !!!! Mmmmmmh!
Hallimasch, Stanpülz, Eiaschwammelen, Reizkalen, des gonze hot ausgschaugt wia a Gemüsesuppm. Hon Bültln gmocht !!! schick I obe. Bis murgn norcha, muas mie unbedingt AKLIMATISIERN !!!

Morgään !
I geh hetz mitm Woldschneck und meim Oltn (Dipl-Intsch) Wolknschiabm auf de ALPE !!!!
Bis Montog norcha und seits liab zua de Moturradlfohra !!
Pfiat eich daweil
Hollladareituliöööh...........

Aha, dem Wuhteling is Longweilig wordn!
Desholb a neies Autfit. Is gwenungsbedirftig.....!
Wos da Woldschneck tuat: I glab noch imma feste Dachelen fia de Trakta schweißn, oda wia??? I wer ihm frogn, triff eam eh zum Wochnend. Do kon a wieda de Flugantn fotograbültln, wia se sich iban reißendn Gebirgsboch dribablogn tuat !!!
Olso donn, I geh hetz Ausschau holtn, weil mei Olta is in Onfohrt aus Minchn. Bis späta norcha. Und i frog wegn der Kopiererei !!!!!
Vasprochn.

02.09.2005 14:51:49:
Da Himmlvota hot ausgschumpfn.
De Suun scheint wieda oba blaua Himml is kana.
Ols a so dompfig....

UIIIIIIIIII, hetz schimpft da Himmlpapa oba.............