jåjå, am bestn ies, wenn man går niet waaß von wo dass es herkummen tuat. hauptsåch es schmäckt. und heitigntågs waaß man jå niet amål von de såchn, von de man waaß wo se herkummen tuamt, ginau von wo dass se wierklich herkummen tuamt. oda håst des gwusst, dass se die semmln, de bisunders knuschprig seind, mit so ana årt keratin knuschprig måchn, wås se aus indische frauenhåår giwiennen tuamt. wenns stiemmt - glesn håb i des hålt amål.
und des gånze kämische krafl.... jå pfui teixl hearst, des muaßt du als ålta kämika jå beessa wiesn....
also bleibt lei mehr püologisch. hihi, algn aus dem tutal vaseichtn japanischn paziefick in die suschie, tofu von gehntächnisch vaändatem soja und sowås. ållas, wås hålt xund ies.
mia schmeckt zum beischpül aa a wiena schnitzl aus wåxtummshurmohnbihåndltm kålpfleisch miet an haufn stresshurmohne drien. des ies wenigstns ausgiebig und briengt dei endokrienik ånständig auf trapp. und dazua a påår ertäpfalan, de se gentechnisch so vaändert håbm tuamt, dass kaa maikäfalårfn de knolln ånknappert und die ertäpflkäfalan schpeibm miaßn, wenn se de blaatlen kostn brupiern. und dazua a guatz fiellaha.
und des geh i hiatzt trienkn als friehschopfen. des ies wenigstns nattuhrpuhr. prost andalee! | 
