wohlwohl, i bin schon då. håb schon mein lucksuskerpa im wanndl gwaakt. hietzt bien i wohl a biessale ausgizuzzlt, åba rellatif wia neich. geht aa recht guat, kånn sugår scheen långsåm meine gilenke biwegn. und wenn i mi hiatzt glei auf mei hunderunde begebm werd, werd de maschin schon scheen långsåm ånfången laafn. ohne hüallurohnsäuresprietznen. geht jå wohl, wenn ma wüll.
amål muaß i eich noch wås vom ORFerl dazähln, nåachan såg i niex mehr und gib a ruah. tschentschn nutzt eh niex - lei scheen gibührn zåhln und goschn håltn. gestern wår siehalieh so a durchschniettlicha ORF-tåg und nix bsunderes aufm prugramm. drum håb i mi gestern hingsetzt und a stricherllistn ånglegt. ångfången håb i um 19:28 Uhr: då wår werbung - nåchrichtn - werbung - weetta - werbung - spurt - werbung - seitnblicke (bussi-bussi miet die ieblichen vadächtigen) - werbung und um 20:15 bin i åbghaut zu an åndern sender.
jå und? frågt då aana? wås soll denn des? ies jå eh nurmal. jå schon. åba - dass in der dreiviertlstund 61 (aanesechzg!!!) werbefülme wårn, ies des normal? und dabei 8 (åcht) mål fier a fierma mit an riesign rotn sessl vur da tier werbung gmåcht werd, ies des nurmal? 61 werbefülme in aana dreiviertlstund - mir reichts. i suach mir meine nåchrichtn wo ånders aus. und des weetta von kummer und wadlsåck ies eh zum vagessn, vur lauta plåpparei waaßt am schluss niamma, wås de hiatzt dazählt håbm.
so, und hiatzt derweil amål kaa wurt mehr zum ORF. lei so vül: mir reichts.
siehgst, wås i fier a tschriasche bin, vur lauter saggern und saggern hättet i beinåh vagessn:
wientsch eich an guatn morgen und an scheenen tåg.
22.07.2011 07:48:haha, irmile, håst sie zu uns åba gscheucht, die sunne, då scheint sie!
