hui. jetz bin i draufkumman, wås då so stinkt. i bin des! dateifleine, deswegn huckn meine kåtzn nit bei mir sondan auf da ondan seitn von da wohnung.
i geh mi amål duschn und noch wås essn... wieso håb i heit eigntlich so an kohldåmpf?
chrischtele, rollmäps san guat oba aus. oba ane leckanen linsn mit speck stehn im kühle und kean lei aufgwamt!
DeeDee, olta fülmvuafiamasta! dir natialich a a schens neichs! wie gehts da in da schul?
so, jetz reicht. da gstånk is niama zum dazahn.

pfiateich, schenen åbnd!

SCHENSNEICHS!!
ma mia tuat die birn weh. i brauch a gulasch und a raparaturseitl.
bis noacha, i kånn noch nit so...

morgäähn!
brasülati, wås warat mit långlafn? des geht mit 100 a noch. weil wennst umfållst fliagst wach und wennst miad bist, bleibst anfåch stehn. und auf da frischn luft is ma a meistns... aussa, ma foat im kölla... oba des måchn de wenigstn de hal auf da wischpl san.
vül spaß eich beim schaufln!
da wuhte

jåjå. håb lei a bissale wås ausgeputzt und du woast anfåch zua fålschn zeit am fålschn urt :)
passt wieda. vül spaß heit (geh heit liaba nit in die nähe vom chrischtele... dei oasch weats da dånkn!)

maaaa, es sats gewålttätig hund he.
bin i froh, dass i heit nit in eichara nähe bin, sunst kummat ma's krampale wie a ongenehme thai-massasch vua. nanaaa. i bleib so a frisch und xund.
pfiateich!

griaßeich leitln!!
i bin endlich zaus von da xmäs-rälli. woa eh hålb so schlimm... wissts eh, wenn ma sich die erstn wirschtln in wånst stopft und da gåbntisch a passt, dånn is wieda olls in butta.
zum essn kånn i nix mehr segn, des reicht jetz. i man... des ane ritschat, wås noch im kühle is, des ghert weg... oba dånn: nix mehr. post-christmatische-diät. i muass jå fit sein fia neizelånd. wås sågatn de maori, wenn afamål so a vollgstopfts bleichgsicht daherrollt, dem diwerse weihnåchtsbäckareian noch bei di uhrwaschl aussestehn? nana. då muaß i schon a guate figua måchn!
wås håbtsn ålls gschenkt? bei mir håt passt, olle håmse gfreit iba des, wås se kriagt håm - i mi a, und des is jå die hauptsåch ;-)

so. i geh's ritschat aufwärman.

pfiateich, an schenen åbnd noh und in nåchhinein:
Schene Weihnåchtn!

bei mir warat umgekehrt gscheita: wås von de lippn in oasch spritzn.
jåjå. so is hålt kana zfriedn mit dem wias is.

leitln, fia mi is weihnåchtn wieda amål da greßte horror. mi feiglts ummanånd dass da's hirn stehn bleibt, punsch håb i genau noch kan anzign gsoffn, i de nächstn 3 besinnlich tåg teaf i 1200 km im auto obaspuln (damit olle besinnlichn vawåndtn an liiiabn hausbesuch kriagn), kaum zaus teaf i 3 tåg nåch tirol oabeitn foan (hasst 3x18 stund ohne gscheit pause) jå und dånn wea ma schaun wås die ondan wolln wie i mein sülwesta vabring und wen i von A nåch B kutschiern teaf.
i sch**** schon wieda amål auf den gånzn apfent. tschuldign, håt aussa miassn.

braucht wer a ticket von Auckland nåch Wien? i vakaf meins und bleib untn. den maori wer i des dep*** weihnåchtn schon austreibn. nix mehr mit "Meri Kirihimete"... zruck zu de oltn naturgetta (so ane wie mi :))

so. frust is draussn. pfiateich, i geh mi dafångan.
da wuhte

ma, mir san ane kipfalan ;)
dånkschen, den bayuvarischen kenigs- und englsmåchan! a so an schenan halignschein håb i in natura jå goa nit... und de fliegl wåxn ma a erst nåch da fuchzehntn hålbn. feschfesch!
so, kindalan, i muass wieda huschn! bis späta!
da wuhte

genau, guate idee. und mei frau nimm i a mit "und eine lange dürre folgt ihm".

apfent apfent, da christbam brennt.

pfiateich!

aufstehn es schnåpsnåsn, heit is a schena tåg!
und i spuck in die oabeit und geh auf die händ, oda so. låssts es eich guat gehn, da wuhte

'seich!
capirinia und mochito san meine zweitn vuanåman!
i håb heit an fauln tåg ghåbt. lei mit meina neichn kamara gspült. de kåtzn san schon gånz tamisch, weil i senan die gånze zeit hintnnåch bin :) jetz låss i's liaba in rua, sunst kriag i noch schläg... i geh a bissl n hund tratzn.

pfiateich! schenan åbnd.
wås gibtzn eigntlich zan essn?

servas coolatiño!!
schen dasst wieda då bist! bist uns echt obgongen in dera költn då. bei mir dauat noch, bis i endlich bei +30° und mehr schwitzn muaß :)
jå, des portuguese is a katastrofe! in lissabon woa i gånz schen aufgschmissn, weil englisch håt kana kennan und wennst probiast den nåman von ana ubåhn-station auszumsprechn, vasteht di ga sau. weil des gschriebane und gsprochane håm mitanånda weniga ztuan wie i mit an sumoringa. oba den weg ham håst jå gottsedånk wieda gfundn ;)
schickst mir a a büldl, ha bittschen?
pfiateich!
da wuhte

jå, chrischtele, stöll ihn hålt ins auto eine. is jå a schen a bissale bunt beim ummafoan, oda? oda in kühlschrånk. oda in die håndtåschn. wås was i.
i geh jetz schepfn, wås ma goa nit recht is. oba bittschen.
schenan tåg enk ollezåm!!
da wuhte

HALLOJULIA! oda wia des obn im himml haßt.
na, pfiagott, des bsuachn von leit im krånknhaus muaß i nit håm. siha tua i's trotzdem, oba bei mir is lei söltn jemånd krånk. in di letztn 3 joa san olle imma glei gstuabn, ohne vurher krånk zum wean :-( klingt wie a bleda witz, is oba leida kana.

wenn da die kåtzn die weihnåchtsstern fressn tuan, dånn singan de a båld von ana wolkn oba, weil des zeig is zwoa schen, oba a schen giftig! ram's liaba wek, sunst is aus mit da mieze.
unsa hund frisst dafia mit voaliebe müll. wenn (des luada des leze :) es schåfft, des kastl unta da åbwåsch aufzmåchn, wo da mistkibl drin is, dånn liegt da inhålt a stund späta in da gånzn bude vatalt. und sie steht in da mittn und wåcklt mit'm schwaf. kennts ibahaupt meine viecha? bei die postkoatn unta "hund und kåtz" die obaren 3e.

pfiateich!

bastln? jå siha. i kaf an kilo grås und båck fia weihnåchtn an leckaren kuchn fia di vawåndschåft. so a gaude woa sicha noch nie untam christbam! alan de vuastöllung... ;))
wåldschneck - supa, dånkschen! i was jetz wås i måch :-()