hob mi doch fir de herkömmliche ort entschiedn und aufgwoschn - warat zfaul gwesn on de vasicharung an brief zum schreibn :-))

mhhhh a eis, des hätt i hiatzant a gern. i lutsch stottdesn a neoangin.

29.04.2007 19:03:
mia homa vurhin mit da tante in luxemburg im spitol telefoniert. geht ihr so lala. 8 tog muass se hiatz nur liegn und derf nix aufstehn. mah, des war nix fir mi. oba se klingt gonz o.k. laad tuats ihr holt, daaß ma nit kummen kennen. se hätt si schon so gfreit ghobt.

sunntog is bold aus. oba gott sei donk is am dienstog wieda a feiatog. do mocht da montag nix aus.
heite nochmittog wor i faul. bin i wieda glegn. oba hiatz wert weita geputzt. käfig mochn, bodn woschn, oda konn i den a zommenhaun und da vasicharung möldn? :-)))

>>hau de scheibn anfoch ein und möld des da vasicharung. do brauchst nit putzn<<
*ggg* warat a meglichkeit. merk i ma firs näxte mol, wenns wieda dreckig send :-)

@coolati: i hon doch nit des wossa aus da donau getrunkn :---) lei meine fiass drin waackn lossn. und des wor zkolt :-)

hiatz wor i brav. honi de fensta im wohnzimma geputzt. mit an hosn unta ba de fiass umahupfend. a vagnign :-)

morgäääähn!

hobts guat gschlof?

scheen is wieda bei uns. oba obs so worm wert wie gestan waaß i noch nit.
bei uns laafn se heite marathon. najo, sölba schuld. solln se nur. a bekonnta is a so bled und tuat do mit. a sölba schuld :-)

hob heite a bissale holsweh. scheinbor hätt i gesatn nit de fiass ins kolte wossa dribn auf da donauinsl steckn solln. wor oba soooo ongenehm. najo, wert schon nit mehr draus werdn....

so, hiatz honi ma an guatn fülm am ansa ongschaugt. mitn ben afflec *schmacht* :-) oba a wenn da vülm nis ghaaßn hätt, warat i vurm kistl sitzn bliebn....bei dem hauptdorstölla :-)))

28.04.2007 22:04:
na de wert nix bes sein, se wert ibn fir de näxte runde im ring :-)

@irmi: und hota wos kriagt dei kota vom magnun? wia haaßt a den eigentlich?
i derf vur meina klaan phoebe a nix noschn. do sitzt se auf mein kopf wenns sein muass, um wos zum kriagn :-)

28.04.2007 20:48:
@coolati: ah, honi da heite wirklich den appetit vadurbn, mit mein spinot :-) des wollt i nit. oba um dein appetitt moch i ma echt kaane surgn, der is schon do, wurscht wos is...

so bin wieda zruck. hiatzt hob i a solche schütza fir meine knochn.
i sog eich, i schau aus wia so a marsmensch. ibaroll de schworzn beuln drauf :-)) mei freind wollt ma jo an hölm a ondrahn, oba do hob i naaaaa gschrien. i hob eahm zwor probiert, oba des geht gor nit....
i bin jo eeh kaa flitza des bißl umarutschn wos i tua, do wer i schon kaan hölm brauchn.

28.04.2007 12:21:
mohlzeit eich olln!!!!!!!

28.04.2007 14:11:
heite honi dem kuh sei lieblingsspeiß mittogs ghobt :-)) - SPINOT *ggg*

so und hiatz geh i ausse in de sunn.
eich an scheenen nochmittog........

sewas und guatn morgn olle sichtborn und unsichtborn :-)

no, seitz schon olle munta und de unsichtborn scheen bei da oabeit?

winsch eich an scheenen somstog. oba so wia de sunn grod beim fensta eina luegezt, konns jo nur a scheena somstog wern.
heite am nochmittog fihr i wieda meine schuach auf radln gassi :-)

@ruflo: adress schick i da donn.
@chrischtele: rechts host ghobt. a so an magnetn konn ma jo nit oabeitslos mochn. soll lei ziagn :-)

bis noachan, i geh hiatzt mei mülch trinkn.....

28.04.2007 09:27:
@ruflo: i hon da a poor adressn gschickt

soda und hiatz geh i gach irgendwo schaugn, wegn solchane schitza. mei freind liegt ma jo schon de gonz wochn in de uhrn seit i de rollschuach hob, i soll endlich kaafn gehn. moch is holt :-)

mah bitte. honi eich jo noch gor nit dazöhlt. so gfreit hob i mi schon auf luxemburg. hiatz fohr ma nit. de tante is vurgestan am obnd in da kuchl gstirzt und hot sich den hüftgelenksknochn gebrochn. se is glei in da nocht noch opariert wurdn. hiatz rechnet se mit 10-14 tog aufentholt in da klinik und donn mit mind. 6 wochn reha. so dirfts ihr oba guat gehn, soweit ma des holt in dem zuastond sogn konn. ihre freinde hom uns a mail gschickt. se witzlt schon umanond und maant 3 mol isa gebrochn und nur amol homses opariert. najo, wenixtns valiert se ihrn humor nit.
letztes johr im summa hot se de ondare seitn von da hiftn gmocht kriagt. do hots nit so guat ausgschaugt fir se.
jedenfolls hot se schon gfrogt ob ma im septemba kummen kennen.

a guates hot des soch jo, i brauch ma hiatz kaane gedonkn mehr moch, wie i mein freind beibring, daaß i nit in urlaub irgendwo hinfliagn muass. wal hiatz fohrma jo in der zeit noch luxemburg, wo ma normalerweiße wegfliagn tatn. und des fliagn liegt ma jo so ibahaupt nit. und mein hosn brauch i a nur amol ibasiedln zu meine öltan ume. do follt ma jo irgendwia schon a staan vom herzn. des is ma eeh schon im mogn glegn.

so, oba hiatz geh i, mei freind is glei do mit obholn....

@coolati: wenn i bei dir in da nähe wohnen tat, warat ma mia zwa heite auf a bierli gongen

@iiii: i bin zwor noch long nit in da rentn, oba trotzdem hob i noch zeit do eina zum schaugn. is jo nix schlechtes dron oda? oba wenn ma nit am pc sitzt, waaß ma a nit doss es de seitn do gibt, hob i recht :-)

na nit scholt schon des liacht aus, frounz. bin jo noch munta sig i jo sunst nix do herin :-)

grias eich!

bin grod zruckkummen vom rollschuachfohrn. hiatz bnin i richtig sichtig noch dem zeigs :-)
@coolati: jo i muass murgn eeh schaugn gehn, daaß i solchane schitza kriag fir de knia und a fir de händ und de ellenbogen. wenn i am nochmittog fohrn geh wenns haß is, wül i nit mit da jackn und da longen jean fohrn. und mit da kurzn hosn und kurze ärml is holt ohne schütza nit so gscheit.
@chrischtele: jo i hon schon de richtige nudl zum wossaturnen vawendet. hot jo long gnua sein miassn zum draufstehn unta wossa. olles ondare warat vülleicht a bissale schwierig gwurdn :-))

haaaallooooo!

heite honi wieda wossa-turnen ghobt :-) wor de volle gaude. sema fost olla dasoffn in dem beckn, bei dem schmorrn den ma heite gmocht hobn mit so ana komischn wossanudl. oba es wor wenixtns witzig :-))))

hiatz grod wor i wieda mit meine rollschuach untawegs. taugt ma voll. scheen longsom konn is a schon a bissale. bremsn konn i olladings noch nit. oba dawei is eeh imma mei freind mit, bei dem holt i mi holt imma on, wenn a higl kummt zum obafohrn. wia i des olladings moch, wenn i amol allan geh, waaß i nit :-)) wohrscheinlich an laternenmost onvisian. honi jo schon amol so gmocht vur a poor johr. do homa uns wölche ausburgt a freindin und i, wie ma am faaker see worn. do is donn a a so a laternenmost vur mir gstonden, den i kurz umrundet und donn vom oberen weg zum unteren weg iba so an kurzn wiesnhigl gflogn bin. wia des funktioniert hot waaß i bis heite nit. pletzlich wor i do untn :-)
a poor piefke - tschuldige schnecki - a poor deitsche de untn gongen send, denen i von obn entgegngflogn bin, hom mi nur geschockt gfrogt, ob i noch leb :-))) mah hob i ausgschaugt. natirlich in kurze hosn und kaane schitza auf de knia untawegs....
najo, jeda braucht so seine erfohrungen :-))))

sewas olle zommen!

mah, heite wors wieda scheen. so gfollts ma glei vül bessa. nit so wia gestan. oba 27 grad wia beim chrischtele hots nit ghobt. sondan nur 21. wor oba trotzdem scheen worm in da sunn.

i hon heite am obnd wos neies ausprobiert. hendlbristln in kokosmülchsoss mit ananasscheibn und reis dazua. wor schon guat oba mia fost a bissale ziass. oba wor holt amol wos ondares. schnöll gongen is aa :-)))

@coolati: host brav gfeiat mit dein lenale?

@olle: hobts des spül von gestan gschofft? i hon noch weita probiert. hobs oba nit zommenbrocht. a kollege hots donn gschofft und ma de lösung aufgschriebn. hiatz kummts ma voll logisch vur. wollts as a hobn?

*ggg* jo, wenn moliere noch leben tat und des stickl noch nit gschriebn hätt, tat i sogn, er soll zu uns ham und kennt sich tipps dafir holn und den hauptdorstölle kriagt a glei mit :-)))

grias eich!

gehz eich guat. hobts an scheenen tog ghobt?

frisch wors heite bei uns und wolkn worn a, oba hiatz is olles blau. hoffantlich werts murgn wieda wärma.
hupfarei hob i heite a wieda ghobt in da fruah. hiatz tuat ma wieda des gnack weh. oba hauptsoch is, i geh hin, damits eigentlih weg is :-)

kronknschwesta honi a schon spüln miassn bei mein votan. der stirbt schon wieda on olle kronkheitn, de er nit hot. vurher hota gmaant er hot an vül zu hochn blutdruck, drum muass a siha pulvalan dafir nehmen. i hon eahm gmessn. is 126:78, 60. olso wos is do hoch bitte???momentan laaft a von an orzt zum ondaren, in da hoffnung es sogt eahm ana, daas a des a hot, wos a glaabt. oba es mocht eahm kaana de freid. desholb send a olle seina meinung noch trottln, de si nit auskennen :-)
na i sog eich, i wer bold wucki :-))