na supa.
a hiobsbotschoft jogd schon wieda de ondare..... :/
da vota vom freind is gestan ins spitol kummen und hot heite 2 stents eingsetzt kriagt. a onkl von uns is heite ins spitol kummen, irgendwos mit gehirnblutungen, und vur 3 stund ruaft de freindin von uns on, sie fohrn mit meina klaan anna ins spitol, weil de hot ka gfühl in da gonzn rechtn oda wors de linke seitn?? mah, i waaß neama, jedenfolls ka gfühl in da gonzn seitn, a taubes gsicht und ihr is schlecht und sie speibt de gonze zeit.
mittlaweile krotzn sich de ärzte am kopf und wissn nit, wos es is. a untasuchung noch da ondaren. jetzt hobns des madl grod vom st.anna kindaspitol umme ins akh gschickt, weils durt a mrt kriagt. se wissn nit, is wos neurologisches oda nit.
vur ans holba zwa werdn se kaane ergebnise hobn, maant der orzt.
jetzt haaßst wortn. die michi hot zwor vurher am telefon xogt, i soll ruhig schlofn gehn, und handy obdrahn, sie sogt ma schon murgn in da frih bescheid, oba wer konn do bittscheen schlofn....
hoffentlich is nix schlimmes :/
i hob grod leida den fehla gmocht und im google nochgschaut. durt steht hoffentlich lei bleedsinn drin und nix wohres.... odaaa????
ajo, um de kronkenhausgschichtln zu vavollständign: mei mutta hot ma aa heite erzöhlt, sie muass im herbst operiert werdn.
und mei quack sowieso........
is offenbor echt nix onders wurdn zu de letzn 2, 3 johr....
