@chrischtele: na, hon eeh a massöse, oba bei da gimnastik-tante, bei da besprechung bin i ma so vurkummen. i bin dogstondn in da untawäsch und se hot mi ongschaugt von obn bis untn, wia i steh, wia i laaf und und und. des mog i nit. des is ma unongenehm. siha is notwendig, wal se jo mei holtung segn wüll von da wirblsäuln und so, oba trotzdem is komisch.

grias eich!

ma heite wor so scheen draussn. so richtig wia frihling. bin i mittogs a bissale in da sunne gsessn. hot guat geton.

in da frih vur da oabeit hon i mei massage ghobt. gimnastik wor noch nix, lei 20 min. besprechung und fleischbeschau :-)
oba am mittwoch solls donn losgehn :-( najo, wenns sogn es hülft, prowia mas holt wieda amol.

05.03.2007 19:47:
@coolati: >>i hob hiazan zum x. mol"der name der rose" gsegn noch imma guat oba firn nemo bin i , i glab schon a bissale z´olt.<<
jo der fülm is voll guat. hon eahm glab i a schon 3 x gsegn. oba hiatz reichts.
fwiaso z'olt firn nemo?? wenns liab is, is ma nia z'olt an kindafülm zum schaugn. wenns noch dem gehn tat, warat i a schon vül z'olt dazu, oba i schau trotzdem de gonz disney-fülme. hon a gonze sommlung daham :-)

@schnecki: oje schnecki, hots di dawischt? na, host glei a natirliche entschlackungskur gmocht :-) und gehzda schon bessa?

ajo heit spülns jo den nemo."meins, meins, meins" = zitat: möwen :-))) des is jo sooo a liaba fülm. irgendwonn in da näxtn zeit homse schon onxogt, kummt a da shrek2 den muasst da onschaugn. der is voll supa. mit dem esl, der sovül red und dem kota dem spanischn :-)) echt voll zum lochn.

so und i geh ma im ondaren senda den 2-teila onschaugn. irgend a fülm um kriagsflichlinge oda so. kennt guat werdn. "de flucht" oda so haast a.

soda, käfig is fertig, mei mausale a, de wor wieda gonz in ihrn element. hiatz is se gschofft vom vüln oabeitn :-)

send holt de tipischn sunntogsessn, gö: goggale, schweinsbrotn, schnitzl, antn.....

hon grod firs obndessn hergricht. i moch ibabockane schworzbrote mit zwiefl, schinkn, kas driba und paradeissalot dazu. so kummen glei de gonzn restln weg und schmeckn tuats a guat.

s'goooot!

kurz hot de sunne bei uns ausagschaugt, und schon wor se wieda weg. oba wor ma a egal, i bin eeh glegen am nochmittog. knack is oba trotzdem nit bessa wurdn. im gegenteil. so a sch..... a wieda.
z'mittog hots bei uns brothendl gebn mit reis und gurknsalot und ols nochspeis an obstsalot. der wor guat.

hiatz geh i des kindazimma = käfig von mein hasale mochn. i waas a schon wem, der ma hülft dabei :-)

ah, da kuh wor wieda allenuntaholta do :-)
loss da dein schweinsbrotn guat schmeckn...

i bin grod draufkumman, daas i murgn in da fruh vur da oabeit mit meine behondlungen onfongan muass. guat daas i in des heftl gschaugt hob, sunst war i normal in de oabeit gfohrn. vülleicht hülft jo de hupfarei und de massage wieda a bissale. heit hon i eeh wieda seit dem aufstehn knackweh. do sollns murgn glei wos dagegn tuan.

winsch eich noch an scheenen nochmittog, i geh hiatz a essn...

mooorgääääähn!

ma bin i noch miad. bin gestan z'long vurm tv gsessn. hon ma a dvd noch da ondaren ongschaugt. und heite hot mi mei liabs hasle nit länga schlofn lossn und schon on da schlofzimmatir gekrotzt und geknabbert. mei freind is in de kirchn gongen und ihr wor hiatz longweilig. da muass doch noch ane sein irgendwo wert se sich gedenkt hobn und prowiat, ob do noch ane ausakummt. so wor es. und hiatz sitz i do heraussn und mei hos hot sich wieda hinglegt, schloft guat und lost sich mit streichln vawöhnen :-)
bei uns scheint ka sunne und lochn tuat se a nix. jo auslochn vülleicht hinta de wolkn, de graun. ma heite in da nocht wor wieda voll stork so a sturm. ollas is gflogn und hot gwocklt. iba 100 kmh homse xogt.

@wuhte: vül spass do dribn bei de cowboys und lasso-träga.

den ondaren an scheenen sunntog.

i geh hiatz amol mei mülch kochn.........

@chrischtele: jo mit solchane schmäh is mei mama donn wia i in kindagortn gongen bin a imma kummen. wennst des isst, donn werst so groß und stork wia da popey. scheinbor wor des domols da trick von olla miatta :-) donn hob i wenixtns a bissale wos gessn. und am näxtn tog im kindagortn, hon i mi mit an bersch "gmessn" :-)
mah, hot der imma blaue fleckn ghobt :-)))

sixt, schpinot mit spieglaja und gräste erdäpfl hob i heite mittog ghobt.
hiatz iss i eahm jo schon, oba friaha ols kind, hon i eahm auf de tapetn gschmiert. ma do hot de mama a freit ghobt :-))

grias eich!

@ruflo: mocht nix, konn passian. is jo nit schlimm. i hob eeh gwusst wemst maanst.
sixt wis dem inglitsch gots ma so wia ju. i tua a nur a litl pit anderständ :-)) send ma schon zwa, is oba a egal. mia send ma jo eeh do im fiellaha-net, do brauch mas eeh nit.

@coolati: dir gehz guat, derfst feian gehn. vül spass und loss da de turtn guat schmeckn.

jo i hon den rausch stott dir ghobt, obwohl i nix trunkn hob :-)
efribadi = everybody :-))) du ju nix sprichst inglisch :-))))

mah, 18 bier! fir jedes johr ans :-)
wenn i des bei mein näxtn geburtstog moch, donn lieg i nit nur a wochn kronk :-))))

murgn, olle zommen!

schiach is heite draussn. ollas grau und feicht, wäääääh
is obs eh typisch firs wochnend. kenntat ma jo sunst wos mochn im frein.

@coolati: ah geh, so schnöll werst jo kan rausch kriagn. send jo lei 2 bier und a bissale wos

so, hiatz geh i wieda weita mochn. heite is putzn ongsogt.....

hällooo efriebadiiiiiiiie!!

hau du ju gehz eich?

ma irmi du orma. hoffentlich host hiatz a ruah von dem dreck. wiaso kriagt ma des eigentlich? kummt des nur vom zwenig trinkn?

bei uns wors heite scheen am nochmittog. voll scheen de sunn gscheint.

jo wos warat ma mia ohne unsare kuschlign kinda :-)
dir a a guate nocht von mia und mein hosn