Mua... nix wia jomman kennt i dir gonze zeit :-)
A so a schaß. Mia loss ma grod unsare Wohnung im 14. auf, weil ma voll & gonz in unsa Heisale am Donau-Oder-Kanal ziagn. Leck fettn, wos sich im Lauf da Zeit olls onsommlt, wos ma ibahaupt nit braucht - des gibt an schon zum Denkn. In Wirklichkeit kummt ma in sein Lebn mit vül weniga a supa z'recht, des lern i aus dera Ibasiedelei.
Ad Fremdschoman: Trottln gibts ibaroll, oba von außn is leicht und büllig auf de einzumdreschn, wo die greßtn Luschn zaus sein. Traurig is lei, dass wenns Neiwohln in Kärntn gebn tat, des FPK wieda stimmanstärkste Partei werd. Do geht i jede Wett ein. Wie da Sülvio in Italien, den werns beim nächstn Ontretn a wieda wöhln, weil "die Italiena" gleich deppat san. Kloa, 30% san nit 100%, oba wennst in Kärntn auf da Stroßn gehst, donn waßt, dass statistisch gsegn jeda dritte an politischn Dochschodn hot. Onstott dass de "Beschütza da Ehrlichn und Onständign" endlich mit'm nossn Fetzn vatreibn... oba se kennan jo olle nix dafia! San jo nur de linkslinkn Wiena de senan sooo gemein aufsitzn tuan! Denan, de so afolgreich des schene Landle ibaroll zur #1 gmocht hom!

I geh weita Kistn einpockn und Sochn wegschmeißn.
Pfiatenk!

da Wuhte

I waß goa nit wos i sogn soll... tuat ma echt lad, sie wor a so a liabe haut.
R.I.P. Irmi, i schick da vüle schene Gedonkn zu die Sterndalan.
:(

Schen worm bei dir, Rudi! Bei mir hots -14,7°. I geh hetzt Eiskråtzn am Auto.

Schenan Tåg eich ållnzåmman!
da Wuhte

Griaßeich und a fettes
DONKSCHEN
on olle GratulantInnen!
Is jo ka Auszeichnung, wemma a Joa ölta weat. I winsch ma lei, dass nix schlechta weat als hetz - donn bin i schon volleauf zfriedn!
Eich noch an schenen Sunntog!
da Wuhte

Griaßenk, meine liabn Leit!
Tschuldign fir die vaspätetn Winsche, oba trotzdem:
Schene Weihnåchtn eich olln!!
I schleich mi jetzt iba Sülvesta mit meina Liabstn ån di Ostsee, amål schaugn, wås durt so los is.
Eich an guatn Rutsch ins neiche Joa, passts auf eich auf und, vur ållm, bleibz ma xund!

Dickes Bussale den Mädls!
Da Wuhte

COOOOLEY!!!
Happy Biersday winsch i da von gonzm Herzn! Bleib so, wie'st bist, fir mindestns die näxtn 70 Joa!! I zwitscha heit ans auf di!

Salute!
Bei mir gibz lei des grausige Ottakringa :)
Na, do in Wien gibts jo gottsedonk gnua Lokale, de a Villacha hom. Woondas geh i eh nit hin!
Ruflo, auweh, wos mochst denn fir sochn, ha? Schaug dasst xund weast, heast!

Bin schon wieda am Sprung - an schenan obnd winsch i eich und, nit vagessn:
HEIT IS DARBY!
Leif im Intanet - do muaß ma nit des Eishockeymagazin hurchn.

Servas und griaßeich!
Und? Olles rotscha? Bei mir: jo! Eh wie imma, oba des is jo nix schlechtes nit!

Schautz eich des Video on - is a Freind von mia und die gonze Produktion san a Frein von mir. Und a Drehtog wor bei uns auf da Datscha. Und in die Credits steh ma a drin :)

Pfiatenk, muaß weitaoabeitn!

Salute!!!

Gehz eich guat, wohl? I bin schon wieda zruch von da Taucharei im Rotn Meer, und olles is gottsedonk noch dron. Wor wieda amol supaschen! A Wochn im Akwarium schwimman komma afoch mit nix vagleichn.

De zwa Flossn rechts obn san meine:


De Schüldkrot schaut gleich dep*** wia I :-)


Des anzig blede is, dass des olls so schnöll vabei geht. Oba a Joa is a schnöll umma und donn bin i wieda untn!

Pfiatenk!
da Wuhte

"Pornos Dias" haßt des bei uns :-)

Griaßenk! Bin zruck von mein Tauchurlaub #1 fir heia. Wor lei 4 Tåg in Murter in Kroatien - sooo schen! Do wor i vor 2 Joa a schon amol, oba i muaß sågn, wås die Untawåssawölt betrifft, bin i echt ibaroscht wurdn. Vur 2 Johr hob i grod amol a poa Mönchsfisch, Seegurkn und sunstiges klanes Gfick gsegn, Heia woa des schon vül bessa. Wüll irgendwer die Fotos segn? Donn schick i eich den Link (per Mail).
In nit gonz zwa Wochn gehts donn wieda auf a Tauch-Safari aufs Rote Meer. Sölbe Yacht wie vuriges Johr, oba diesmål fohr ma zu die "Brother Islands". Maaaa, i gfrei mi schon so! A Wochn lång gibts nur den Rythmus: Tauchen, Essn, Schlåfn, Tauchen, Essn, Schlåfn, Tauchen, Essn, Schlåfn, Tauchen, Essn, Schlåfn. Und am näxtn Tåg olles wieda von vurne. Momentan san an Haufn Haie um die Brothers, des werd a Spaß wern, yeayeayea!
Oba bis dåhin: Schäpfn! Mocht oba nix, taugt ma eh.

Und enk gehts guat?
Slontsche,
da Wuhte

Hehe... in dem Sinn - an schenen Obnd!
da Wuhte

@ruflo: du, die Lösung fir dei ORF Prublem haßt: Time-Shift. I schau seit johren nur noch zeitvazögat den ORF. Is nix kompliziert, brauchst lei a Kastle, dess des konn. Druckst um sibane auf pause, gehst wos fuatan und um holba ochte auch PLAY. donn schaugst gmiatlich Kärnten/Wien/Wosaimma Heute, Werbung vurspulen, Nochrichtn, Werbung vurspuln, Spurt, Werbung + Adabei vurspuln und donn des Hauptobndprugramm. I hob schon seit i was nit wonn kan Werbespot mehr gsegn. Weil bei de Putzlutz kennt's bei mir a gschegn, dass ma glei des Obndessn wieda aufakummt.
Slontsche!

DA TEILF EINE!
Irgendwie hots villacher.net heit a bissl die Potschn gebeitlt... tztztz. Geht oba wieda olles. I hoff, ihr hobts kane Entzugsascheinungen (oda ondare Ascheinungen) deswegn ghobt.
Eh nix xund in gonzn Tog vuam Kastl huckn. Schon goa nit bei dem schenen Wetta.

Kennz wieda!

Bussale den Mädls, Prost den Buam!
da Wuhte

Günau, Frounze, recht so! Gib ma lei a bissale Essig, fühl i mi glei wie daham