grias eich wieda!

hon a bissale gschlofn. da fiebamessa zagt a schon wos on. zwor nit vül oba doch. hätt mi jo gwundat, wenns ondas bliebn warat. ma und des glei nochn urlaub. muass i fest ane grippepulvalan schluckn, damit i bis murgn in da fruah wieda holbwegs fit bin firs oabeitn gehn.

09.01.2007 19:39:
mei mama wor a am nochmittog kurz do bei mir. se hot voll ka stimm nit. oba se is nit vakühlt oda heisa oda so. afoch so, bum und de stimm wor furt. is schon wieda wos gwesn dribn heite am vurmittog. ma, wert den do nia a ruah sein.

09.01.2007 19:41:
jo wo is den echt da coolati? wert doch nix sein ha?

09.01.2007 19:42:
hon i eahm leicht ongsteckt mit meine grippevirn? hätte i doch nit sovüle bussalen schickn solln :-)

09.01.2007 20:53:
jo wos is denn do echt los heite????? noch imma kana dodedo?
donn geh i ma hiatz an tää kochn und weita "gilmore girls" schaugn :-)

09.01.2007 21:41:
soda, tää hon i getrunkn, der is weg. des fiaba is noch do :-)
hülft a nix. und do sogn se olle, wennst kronk bist, trink an tää, donn gehtz wieda :-)
sollt i ma vülleicht an schnops einetuan. der tötet donn glei ollas ob :-)

09.01.2007 23:15:
hot se noch imma nix geton do?
homse mi olle allan lossn heite.
donn wert i hiatz a entgilig untan gulta gehn und mei gripp ausschlofn.
grias eich und guate nocht, folls noch wer kumman sollt.
huast-schnupf, bis murgn!!

s'goooottt!

jo, bei uns is a voll schiach draussn. ollas grau und feicht. mei vakühlung hot se a voll ausgebreitet. i renn uma, ols hätt mi a autobus gestraaft. i glab i wert heit nit olt do in da oabeit. mit folln schon de augalan zua.

bei eich ollas o.k?

09.01.2007 13:33:
jo wos is den do heite los. kana dodedo? geh i a wieda!

09.01.2007 14:14:
soda, hiatz geh i ham und schmeiss mi ins bett.
vülleicht bis am obnd, pfiat eich, de de nit do sein :-)

scheenen obend!

bin wieda zruck von mein ausflug zum orf. olso i muass sogn, mia hots getaugt. i hobs echt lustig gfundn. oba jedem des seine. wor amol wieda a obwexlung. bin hiatz nur gsponnt, wos se ollas aussaschneidn tuan fir freitog. gedauert hots jo iba a stund und de sendung laaft nur 20 minutn.
@chrischtele: i wor heite a schon jaukale holn in da fruah. oba fir mi sölba. fir mei knack. hiatz is es wieda a bissale bessa.

ma i sog eich, kaum is ans vurbei, dawischt mi schon wieda des näxte. hiatz hon i an schnupfn und holsweh das a freid is. und des glei am erstn oabeitstog. a so a sch....! hoffantlich bleibts nur so und i kriag ka fiaba. an kronknstond konn i nix gebrauchn.

08.01.2007 20:44:
mei freind is ob murgn a nix daham. muass a auf dienstreise. noch deitschlond. fronkfurt und donn hamburg. am freitog kummta wieda. hiatz hob i donn a sturmfreie bude.
werma feian, de klane phoebe und i :-) se merkt eeh schon, daas do wos nit stimmt. beim koffa einpockn is se schon mittndrin gsessn. na, de tatatn schaugn, wenn der hos ausn koffa hupft am flughofn :-) a gschmugglts kanikl :-))

08.01.2007 20:46:
@coolati: wos mochn de neichn zähnt. homse den stölzntest ibastondn?

guatn murgn on olle, do aus mein biro!

jo, i bin wieda do. und olle schaugn se gleich aus :-) ma, i drah wieda um und geh ham :-))))
oba heite wert eeh ka longa tog do im biro werdn. a freindin und i gehn am nochmittog zum orf zur aufzeichnung von "was gibts neues". do is nit so schlimm. do vageht de zeit schnöll. vurher noch kurz auf mittogspause und donn bin i wieda furt.

i winsch eich an scheenen tog und dem coolati daas seine neien beisale guat sitzn :-)

pfiat eich....

jo, mei hos wert eeh komisch schaugn, wenn ob murgn wieda olltog einkehrt. hiatz wor ma jo doch zwa wochn rund um de uhr bei ihr. ob murgn, kummt donn wieda da "babysitter" :-) es hot ihr eeh getaugt, dass ma bei ihr worn. mir a. oba leida, a jeda urlaub is mol aus. dafir gfrei i mi hiatzand schon auf den näxtn.
ma wüll nit ana von eich fi rmi murgn orbeitn gehn ha? coolati, wia warats mit dir? kummst noch wien, gehst fir mi ins blede biro und i koch da dawei wos guats zum essn. a poor meischalan z.b. ha? losst du die do nit lockn?

so, hiatz schmeiss i mi in mei nochtgwond. i muass schaugn, daas i friah ins bett kumm ols de letztn tog, sunst pock i den murgign ibahaupt nit.

schlofts guat und bussale (hon i jo schon long kanes mehr gschickt)......

ma, murgn muass i, holt i korrigiere, murgn derf i wieda orbeitn gehn :-) des wert wieda lustig werdn. olle gsichta wieda zen segn. iiiiiii gfreiiii mi jo schon a soooooo :-))))) is echt voll schnöll vagongan de zeit daham. wenns nur a in da orbeit imma so schnöll vagehn tat. oba i werts ruhig ongehn glab i. den erstn tog, derf ma nit zvül umatuan. donn dawortn se sich vülleicht firs restliche johr noch mehr :-)

ma, sein schon wieda olle furt. donn geh i dawei a wieda.

sewas!!!

hon i wieda a bissale gschlofn hiatz am nochmittog. mei knack is a bissale bessa. ollas ondare is gleich geblieben.

wos i gekaaft hob in ungarn? na, ka salami. coolati du werst traurig sein, ibahaupt nix zum essn. mia sein nur durt glei zmittog essn gongan. i hon ma wos zen onzichn gekaaft. a hosn. und schuah. lauta billiges grafl, des beim zwamol hinschaugn glei aussanonda fliagt. oba i wollts holt hobn :-)

guatn murgn ollemitnond!

@chrischtele: i holt da fest de daumen, dass ollas guat geht und donn wieda ollas passt.

am freitag worma in ungarn. wor oba nix aufregendes. i waaß nit, warum olla imma wia de wüldn auf ungarn fohrn. i hob wohl a a bissale wos gekaaft, ob a nur, damit i mit irgendwos hamkumm :-)
am obnd wor i donn mit an guatn freind furt. is donn a wieda spät gwurdn.
gestan hot mei knack gmant es muass se wieda möldn. glei nochdem i bei meine öltan wor. is schon wieda "high life" ongesogt durt drübn. hiatz wor grod a poor tog ruah und schon gehz wieda los. ma i wert narisch.
i nhob donn nit mehr vül mitkriagt vom gestrign tog. hon a bissale am nochmittog gschlofn, bion munta wurdn, knack wor noch imma am werkn und donn a nu da kopf. donn hob i mi wieda mit da wärmefloschn und an eisbeitl ins bett glegt und in da nocht den kibl umormt. heite is ma a bissale schwindlich von de vüln parkemed. oba sunst gehtz dawei wieda. mol schaugn os so bleibt.

so, hiatz geh i auf öltanvisite und richt ma schon im vurhinein de parkemed her :-)

bis noachan und mohlzeit.....

s'gott!!

no, is bei eich de poetische wölln ausgebrochn, ha? :-))))
sollt ma uns ibahaupt nur mehr in reimform untaholtn. des warat a gaude do. miassat ma jo noch mehr denken beim schreibn :-)

@irmi: jo danke, hot gholfn, daas olle fest gedruckt hobts.
oje, du muasst a gehn. na hoffentlich nichts schlimmes?

ma, heite spülns wieda nur schmorrn im tv. do host 34 sender und nur bledsinn.

olle schon schlofn gongan ha?

grias eich!

gehtz eich eeh olln guat?

aussa dem chrischtele mit ihrn kopf. ma des is schiach gö.
i hob a schon wieda ztuan damit. oba schon seit iba ana wochn. kopf und knackweh. des sein bei mir de sch.... nervn. vota, hos....... usw.
ibrigens mein hosn gehtz wieda guat oda sog ma bessa. sie red nix mit uns :-) seit ma wieda vom tierorzt zruck sein, schaugt sie uns nimma on. mia homse heite in da fruah fongan miassn und in käfig stopfn, wei se scheibor schon gwusst hot, wos auf se zua kumman tuat. hiatz sei ma mia de feinde :-) gonz damisch is se a von da narkose. und gonz vapickte augn hot se, von da augnsolbn.
schaugt aus, wia a klana rotz :-)

chrischtele, dia winsch i, daas dei kopf bold wieda ruah gibt.

ma, dunnerstog is murgn schon wieda. de zeit vageht a voll schnöll, wennst nit in da orbeit bist. am montog gehz wieda los bei mir, bäääääääääääähhhhhhhhhh

oba gott sei donk is ollas guat gongan. i bin sooo froh.

grias eich!

seitz es schon wieda olle im bett ha? i kumm a vül zu spät do her. is se oba nit friha ausgongan. homma besuch ghobt. a ort oma von mia, de imma aufgepasst hot auf mi, wia i noch a klanes kind wor. a gonz a liabe.
mia worma heite mit mein hosn beim tierorzt kontrolle. se hot zwor noch a bissale an sond in da blosn ist oba nimma so schlimm. dafir miass ma murgn in da fruah nochamol hin. do wert se opariert. a bocknzohn is zu long gwurdn und woxt hiatz in ihr wongan eine. se ist schon gonz offn. hiatz kriagt se murgn a narkose und donn wert der sch.... zohn obgezwickt. i fircht mi schon so. da tierorzt hot gsogt, es is imma a risiko a so a narkose bei so an klanen viechale. er wüll se a durt beholtn an holbn tog. i wüll se oba nit durt lossn. de hot jo ongst allan durtn beim dokta. in dem klanen käfig. ma!
se is heite eeh so ruhig. is a bissale stinkat auf uns, wei ma mit ihr zum tierorzt sein. glei im neien johr.

holtats mein baby fir murgn de daumen. um 8 in da fruah miassma schon hin. i wert heit nix guat schlofn, des waaß i hiatz schon. i glab i wert ma an guatenochttrunk mochn. an schnops oda zwa oda drei. am bestn glei a floschn :-)

@coolati: wos is mit dein kota. worst schon beim tierorzt?

grias eich!

nau, seitz olle guat grutscht gestan? ma i sog eich, bei uns auf da strossn schaugts aus, ols ob kriag gwesn warat. lauta dreck auf da strossn. gschossn homse, ols gabs ka murgn mehr. oba mei liabs hasale wor sooo brav. hot se gor nix gfurchtn. a wia des fensta kurz offn wor nit. bin voll stolz auf mei mausale. is eeh guat, das se sich nix gfurchtn hot. hots jo mi a poor mol gonz urdentlich zaubat.
heite hob i glab i nur gschlofn in gonzn tog. bin a hiatz noch gonz damisch. es is jo heite voll worm gwesn. varucktes wetta. wia im fruahjohr wors heite.

collati: i winsch dein kota guate bessarung. wos glabst hota den? geh murgn glei zum tierorzt. i muass a murgn wieda mit meina klan gehn. kontrolle wegen dem deppatn sond do in da blosn.

so des wor da togesbericht. hiatz geh i traumschiff schaugn :-)

bussale......

sunn homa mia heit wieda kane. hiatz zuminedest no nit.

i winsch eich an scheenen letztn tog im oltn johr.

********************************************************
An guatn Rutsch ins 2007 und a xundes Neies.
********************************************************
soll i a von da klanen phoebe ausrichtn. (sie hofft schon, das a im neien johr vüle karottn auf se wortn *ggg*)

nochdem da schnecki nix do is, wert wohl i des liacht ausmochn miassn. ana muass eahm jo vatrettn.

guate nocht und finsta!