Servus,
i war heit wida auf da Alp. Da Hirt hot a dankschen-Essn gmacht für dia dia eahm im Somma gholfn ham. Fressn bis zum Abwinkn. An Kruschtnbrotn, an Rindsbrotn mit Krensoß und an Gamsbrorn. Und daß ja koiner verhungert Kaffee und Kuchn.
Ez gib i mi meim Freßkoma hin und hau mi vor`n TV.
(übrigns - Schnee ham`ma bis auf ca. 1200m - brrrr...)

>>>seawas schnecki! a homs di a grettet ausm berg?<<<
Naa - ausm Berg muaß mi koiner rettn. I bi blos von oner Hüttn auf de andere gangen. Und dann hob i fürs Rotkreiz wida z`tuan ghabt. Dann hot mi no da Amtsschimml gnervt und a gherige Rotznosn hob i au. Mankmol hot ma halt koin Bock zum schreibn.

Schlofts guat!

I meld mi ab fürs Wochnend. Mia miaßn auf da Hüttn no was tuan bevor da Schnee kommt.

@Ruflo, dankschen für des Lob. Ja, des isch da deutsche Znzian.

@Chrischtele, na trink it zviel von dem Sturm, sonst hosch morgn an Fön.

Servus,

i wünsch Eich an schenes Treffn.
Schad daß es mia zeitlich it ausgeht.
Aba i hoff i kriag nochher wenigstns a paar Büldln. I tat mi freun.

@Coolati, klar sind de Büldln usw. im Intanet öffntlich. Aba wenn Du de Büldln do rein kopiersch veröffentlichst Du se praktisch unta deim Namen oda unta dem Namen vom V-net do herin.
Angenommen Du hosch für deine Hölnforscha an Bericht oda so was gmacht und a andara nimmt den und tuat den verteiln. Na tätesch Du au sagn des hob i gschribn und wenn des jemand weita kopiert na bin i des.

Des tät Eich gfalln wenn i do a Büldl einstelln tät. OK - i loss ma was einfalln.

Soll i dann a Büldl davon einstelln?

Heit hob i de letztn Ergebniss von de Ärtz kriagt. Ez muaß i an Hodenlack kaufn.
Es hot gheißn des Kolisterin isch zu hoch und ab ez wern da Aia gstrichn.
So a Bledsinn - wia schaugt denn des aus.

Servus,

gestan war i beim Doc und heit in da Uniklinik beim großn Kundendienst. De Wert dia i ez scho hob schaugn scho langsam bessa aus. Schaugt so aus als gings ez aufwärts.
Nochdem i dann eh scho im Untaland war hob i glei no 2 Bsuach bei Freind gmacht.
De hom mi glei durchgfuttat. Da Ranzn schlagt also grad koine Faltn meh.

So - ez gib i mi meim Fresskoma hin und hau mi vor`n TV

I wünsch Eich an schenen Obnd!

Servus mitanand,

ez muaß i mi doch mol wida meldn. Da Ruflo hot sich ja scho Sorgn um mi gmacht.
De letzte Wochn hot mi no a Grippe ausbremst, na hob i no Hupferei ghabt, des Auto war beim richtn und in da Inspektion, oin Tag hob i wida Ersatzhirt auf da Alp machn miaßn weil da Kumpl auf a Beerdigung hot miaßn und am Wochnend war i mit da Naturschutzgruppn auf da Hüttn (oda bessa gsagt mehr drinnen hintam Ofn bei dem Sauwetta)

@Schobarin, Dir wünsch i nochträglich alls guate zum Geburtstag. I bi natürlich au a Kavalir und frog it da wievielte. (i schaug einfach im Gfrißbiachal noch)

So, und ez wünsch i Eich an schenen Obnd!

28.09.2010 00:27:

@Ruflo, des mit`m Regn am Wochned isch normal. Es gibt sogar a wissnschaftliche Erklärung dafür. Unta da Wochn gibts mehr Schadstoffausstoß. (Industrie, Berufsverkehr....) Des gibt an Haufn Feinstaub. Der Feinstaub isch positiv gladn und bindet den negativ gladenen Wasserdamf in da Luft an sich. (oda war des mit da Ladung andast rum???) Wenn üba de Wochn gnua Dampf gebundn werd fangts gegn End von da Wochn zun Regnen an. Für des schlechtare Wetta am Wochnend isch also da Mensch selba schuld.

(hot Di Dei Mizale au no zum Dilettantnstadl verhaftet)