... håb i richtig glesn? -43°? i wer' hienig... bei uns ies a biessale bewölkt, åba die sunne bleanggatzt schon ausa.
an guaten morgen und an scheenen tåg eich ålln!
--------------------- @pfeiferle: wås i in CA g'gessn håb (ausa de nudln beim wolfi puck) waaß i eigentlich niamma. hauptsåch biellig und vül. frühstücksbüffet bis zum totaln gehtnietmehr (speck, wierstln, aja, ...), z'miettåg niex oda an mclåpp (waaßt eh, des gaatschige glumpp) und auf d'nåcht wieda büffet im hotel. wundert mi niex, dass an haufn amis vül z'fett seind.
jåjå - mia solln niex ånstölln beim praf dahaamsietzn. und er ies da strohwitwerige schwerenöter, haha! åba i låss eich hiatzt aa allan. i brauch wås in meine darmwindungen. a schalale jokurt, wås sunst. pfiateich und bleibz (werdz) xund.
@irmi: wohl, i büld ma zumindestns ein, dass i se a biessale vastehn tua - obwohl mei mietzale recht söltn f... (pfui, schåm, fåckh! obwohl - es gips jå ka tefauwerbung, ohne dass se darmwindungen zaagn und ieber plähbauch redn tuamt). und den blondn mit de munnpoutzschuach MUASS i jå ånschaugn, ob i wüll oda niet. doch - wie's da drinnen aussieht, geht keinen was an.
seas irmi. gehtzdaguat? seas christian. kumm lei åba nåch kärntn, wennst di traust. (haha, wår a schmäh - i fier mein teil gfrei mi ieber jedn zuawåchs då im villacher.net)
es maibachl rinnt wieda. fibi, tumml di und kumm båld nåch wårmbåd. es chrischtele setzn mia zu dir dazua ins maibachl und a büldl schickn mia dem wåldschneck (dem's hoffentlich båld wieda bessa geht).
an guatn morgen und an wunderschönen mittwoch eich ålln!
scheen inge, dass du uns nit vagessn håst.
warat eigentlich båld wieda amål a v-net-treffn gfrågt, oda niet? platzlen gabats genua, wo's hiatzt im fruahjåhr gemiatlich und scheen warat. im brauhof-gårtn, auf da genotte-höhe, oda beim josef am vassacher see oda auf da windischn oda in spittl-tschittie ... und im summa, wenn unsre fahrradelberger freind in kärntn sein, und wenn unsa scheffe und da kinesa und vielleicht sogår da schnecki und es irmile amål då sein... nåjå, schaugn mia amål, dånn sehgn mia schon
10.03.2009 16:40: naa, bundesherr wår i nia aana. weil i bien jåhrgång 1936. fiern adolph wår i z'jung und fiern bundesherrn z'ålt. so gehtz im läben. wia man's måcht - ies ållweil wås, wås da hund niet friesst.
jåjå, kuhle geht jå mia aa so. lei in alexandria wår i noch nianiet. des ies jå in ügüptn odawia? und es riechtige liad muaß aa sein. wenn zum beispül die spatzlrutta kåstn siengen, muaß i aa plärrn. åba niet vur lauta haamweh. ____________________________________________________________
also unsa sally ies sowås von g’scheit. ihr werd’tz es niet glaabm, åba de kånn redn. hålt niet kärntnaritsch oda winditsch oda inglitsch oda suahelitsch (sege kånn i jå aa niet) – åba hienditsch. sie kralt unta mein schreibtiesch eine und låsst an fåhrn. und noch an såftign drauf. dånn schaugt sie mi ån und wedlt.
und wenn i såg „aa wüllst eppa ause?“ hupft se unterm tiesch ausa und låcht (miet dem schwaaf) und gfreit sich, dass i aa hienditsch vastehn tua.
und nåachan schlupf i hålt in die schlapfn, ziahg ihrn es brustgschierr ån und mia gehn a runde (so wia hiatzt frieher gråd).
und i bin aa froh, dass i hienditsch vasteh, weil im ziemma warat i eh lei biwusstlos wurdn odasowia.
wohl, i ålta esl kriag schon gaxtamål bei an scheenen fülm waassriege guggalan. und warum a niet? lei oftamål in so an b-movie-schmålzfülm seind "rührende szenen" sowås von dillettantisch gspült, dass i laut ausalåchn muaß. guate schauspiela(rinnen) können sowås dårstelln, fier die åndern ies bessa wenn se sich bei traumschief, rossamunde piltscha und co möldn. niex gegn die rossamunde, muaß aa sein. oda aa niet, wia mans nimmt. gschmäcka und waatschn seind hålt vaschiedn.
so, meine ehelichn pflichten (niet wås des maants,sundern einkaafn gehn, damit mei mitzale ållas dahaam håt!) und die runde miet da sally håb i erledigt. und bivur dass i hiatzt beim ebnawirt an kurzn friehschopfen måch, wientsch i eich
an guatn morgen und an scheenen dienståg.
weetta is bei uns ånnehmbår. niet gråd prächtig, åba geht. wenigstns trockn und des ies schon wås.
seas kuhle. >>> "hot da mond gschienen? blendn zweit zua!" <<< naa, bsoffn wår i niet und mei blendn geht autimattisch auf, wenn i wås scheens siehg. åba mit dera einstellung kummen die julischn bessa zur göltung. schaug im flickr nåch, da siehgst a büldl ohne vollmond. haha.
