aaaa, mei quack is do :)))
winke winke quack quack quack
bussale

guatn morgn on dem wormen sunntog!

jo, jo, de ironmans. des send schon a poor deppn. a freind von mir is aa amol mitgrennt/schwummen/gradlt. gschofft hota de gonze läng, oba nochand wora völlig fertig. i hob lei xogt, sölba schuld. wer tuat sich sowos schon on. is ja unglaublich. des konn jo kaan spass mehr mochn.

najo, mir is egal. mi werts bei sowos nia segn
i hob mein eigenen triathlon:
gmiatliche umaliegn in da sunn, fiass ins wossa streckn und bleed schaugn.
oba do bin i wöltmeista  do schlogt mi kaana.

pooh, haaaß is. oba scheen. außer in da wohnung. wert zeit, doss i zum papa ins heim kumm, donn schnöll mit mama mittogessn und wieda ob ins bod und durt in an winkal im wossa den rest vom tog vabringen.

eich winsch i an scheenen somstog mit vül ruhe!

hihihihi, jo ruflo, i sog aa, wurscht wer gestan gspült hätt onstott de italiena. hauptsoch unsare lieblingsnochborn hobn nit gwunnen. so eingebüdlet wia se schon gredet hobn, doss se siega werdn und de bestn sein.
send se obagholt wordn vom hohn ross. und donn noch von meine ialianos :))))
drum taugts ma dopplt

sodale, hiatzand reichts mit biro und zugige klimaonlog. ob ins bod!

pfiat eich!
dickes bussale!

morgeeeeeeeeeeeeeeeeeeeee!!!!

jiiiiiiiiiiiiiiiiiiiiiiiiiiiiieeeeeeeeeeeehaaaaaaaaaaaaaaaaaaaaaaaaaa!!!

ITALIA ITALIA!!!
hihihihi...
i hobs jo xogt, mir glaabt jo kaana
mir taugt des!

i hoff eich gehst guat und ihr hobts an scheenen tog vur eich.
haaß solls werdn. pooh. am wochnend 38 grad.
do gibts lei ans!
ob ins wossa!
QUAAACK!

quaaaaaaaaaaaaaack!!!

ane, der zwa antn is schon do ;)
und hot gestan am obnd de zweite gitroffn.
oba erst späta am obnd, weils so long hot orbeitn miassn.
miad is se schon so, de orma AKH-antn.
i moch ma schon a bissle surgn um sie.
lei mehr orbeitn und kaa ruah mehr.
wie long wert des noch guat gehn... :(
hmmm....

und i stöll mi scheen longsom auf de zusommenführungsbesprechung der obteilung ein, de am nochmittog is. wos wern ma de wieda wichtiges zum dazöhln hobn?!?!?
konn jo nit wirklich mehr sein, ols de gerüchte eh schon sogn. und wennst wos frogst, donn wissns kaa ontwurt udn maanen, ah, des steht daweil nuch nit fest. da gibts noch anige projektgruppn, de sich nuch nit so gonz einig send, wie des am bestn warat... *kotz*

hihihiiii... jo, jo, de omtsmühln mohln longsom.... oba mit erstn septemba solls soweit sein.
jo eh....

grias eich guatn morgen!!!

maah, donkscheen ruflo

i wollt eich unbedingt mei krochledane zaagn. i wor ma nit siha, ob i mi de hosn onziagn trau in wien. so hob i holt amol am inslfest mit getraut, weil durt eh sovül vaschiedene leit umalaafn. do bin i nit aufgfolln ols kärntnamadl - hihihii..

sodale, winsch eich noch an scheenen tog!
bussale!

jo siha holt i zu de italiena!!
heast aa mit dem bissle italienischn bluat in mir, muass i schon zu senen holtn ;)

dir vül spass und a schnöll vagehende hupfarei!

morgeeeeen!

hui, bin i miad und vamusklkotat!

zerst am inslfest vül umaghupft, donn am handy xegn, daass a gewittazeile iba wien steht, panik kriagt, de fiass in de hond gnummen und von da insl (wor grod im getümml zwischen schnöllbohnbruckn und brigittenauerbrucken) hamgrennt.
und wenn i schreib grennt, donn maan i des aa so.
mah, bin i gidüst. blitzt hots schon hintn, gidunnat und wia i auf da ondaren seitn da brigittenauerbruckn onkummen bin, hots schon ins regnen ongfongen. donn hob i noch a streckn von normalerweise 10 min (zeit, wenn ma normal zfuass geht) zu mein wohnhaus rennen miassn.

im endeffekt honi fir de gonze streckn donauinsl bis ham, insgesomt allan lei 10 minutn gebraucht  und olles lei, weil i mi so onscheiß vur so gewitta und unwetta. jo, jo, i hob holt an kläscha
des beisserle wert siha lochn, wenn se des liest. de waaß nämlich wos des eigentlich fir a streckn is.
oba i hob sogor nuch luft kriagt, wia i daham onkummen bin. oba meine fiass und schenkl hobn zittat

heite tuat ma olles weh....bin jo nix gwähnt.

und zum obschluß honi ma donn noch den rest vom spül ongschaut und meine italiena hobn gwunnen - supaaa!!
werts segn, de gwinnen de 'em' noch. mir glaubt jo kaana nit

sewas kuh, mei augnstern!

jo siha muass i ibaroll dabei sein - hihihiiii...
hot ma gfolln, jo. is fir mi imma a willkommene obwechslung und oblenkung.

und heite schmeiss i mi in mei krochledane aufd nocht und geh wieda uma.
dafir moch i am nochmittog pause von da insl und wert a bissle im bod, in da sunn, mei entsponnung findn.

grias eich!

scheen is heite wieda, wenn ma beim fensta ausse schaut.
sunn scheint, worm is und da tog is noch long!

gestan worma wieda inslfest.
sogor des beisserle wor mit mir mit. trotz der vüln leit.
am nochmittog sema a bissle leitschaun gwesn. oba do is eh noch gongen und es worn nuch kaane massn. gegen obnd ollading is schonmehr wurdn. oba do hot sich des beisserle eh glei in sihaheit auf de ruhige seitn da insl gerettet und sich vom nochmittog erholt!
i hob mi gfreit daas se trotzdem mit mir hingongen is :))) - quaack!

an scheenen somstog morgn aus dem grauen und regnarischn wean!

jo, heite scheint kaa sunn. bis jetzt. oba da tog hot jo erst ongfongen :)

@schnecki: donkscheen - quaaaaaaaaaaack ;)

i wor gestan am donauinselfest. so schlimm wors gor nit. wenn ma nit unbedingt bei de bühnen umalaaft, wo a jeda hinstürmt, is nit so org.

i hob ma den nino di angelo angschaut. hob gor nit gwusst daas er durt is. wor grod zufoll, wie i hinkummen bin. des is jo da voll sympatische monn :))
bin i glei durt gebliebn. donn wor da marco ventre und hintnoch da johnny logan. uma ölfe wor donn schluss bei der bühne und i bin ham mit schmerzende fiass vom longen stehn und umahupfn...

wenns wetta am nochmittog passt geh i mit da karin ume. de is firs fotografiern eingeteilt fir heit. do muass i se schon begleitn. konn i se jo nit allan mit der riesn kamera durt allan lossn.

gmorgääähn!

gott sei donk, mir seima bis jetzt vaschont gibliebn mit de unwetter.
i fircht mi eh schon voll davur.
wenn ma in de zeitung schaut kummt an des grausn,
wies do ibaroll zuagongen is :/
schlimm, schlimm!
oba jo, klor, de umwelt rächt sich schon fir olles, wos ma ihr bis jetzt ongeton hobn.....

bodngehn fir heite gstrichn - olles is zua und es grummlt schon. schiach schwul is drausdn. wert nit mehr long dauern bis scheppat!
mocht nix - moch i weita birodienst ;)
is guat fir mei gleitzeitkortn.
konn i beim näxtn summaeinbruch wieda friha ham.

am wochnend is wieda des donauinselfest. hob noch gor nit im programm gschaut, wer olles kummt und ob wos brauchbores dabei is.

ah, mi stern 36 grad aa nit. soweit a pool mit wossa in da nähe is, wo i gach einehupfn konn. ansunstn, tat glaab i, sogor i ols olta sunnenonbetter und hitzefanatiker aufjauln ;)

i waaß nit so recht. do hintn kummts so komisch vom himml her. soll i noch da orbeit gach an hupfa ins bod oda nit....hmmm....gewitta hättns jo erst aufd nocht onxogt....
najo, a bissle muass i eh noch do mein birosessl wärmen...