huch, heit fliagn die purztåg lei so durch die gegnd... :-)))

jå, schneck, ginau, dei  bua und i håmma am sölbn tåg. jåhr stiemmt nit gånz, åba i möcht niamma so jung sein wia dei filius. i bin mit mein jåhrgång 1936 recht z'friedn. nutzt jå eh nix, muaß man aa lei z'friedn sein, jünger werdn mia niamma (åba imma scheener!). an trost gips: des mit dem ölta werdn geht ålln gleich.

außadem ies eh wichtiga, dass man einwendig drien im herzlen jung bleibt, auswendig kånn man ruhig a biessale vaschrumpln.

und fier die diandlen, de nit so gern ålt ausschaugn, gips jå schminke, botox, silikon, skalpell und wåswaaßi. in dera beziehung werdn hiatzt aanige lötta aa schon weibaleit. tststs.

ies da schon aufgfålln, christian, dass aanige frauen vül jienga ausschaugn tuamt, wenn se locknwickla trågn? åba de håår miaßnt se hålt gåååååååååååånz fest eindrahn dass des funzt.
hihi.

03.03.2009 18:25:
@scheffe: i waaß åba! brauchst kaa ångst niet håbm, i varråt niex, haha

a påår bleamlan ausm villacher ålpngårtn und gånz herzliche glückwünsche zum geburtståg, irmi. måchs guat und wer' und bleib xund, des wünschn mir dir von herzen: es mitzale, die sally und natierlich da ruflo.



03.03.2009 12:15:
jå, seit da kuhle in tschameika wår, sauft er lei mehr ächtn tschameika-ruhm, unsa 80-bruzehntiga schmeckt ihm niamma.

seas martin. a tuamtze bei eich am bodensee schon bådn?
bei uns geht noch nix, höxtns im maibachle oda in wårmbåd.
und wennst an pickl mitnimmst, geht sogår im fårchtnsee.

heit ies es derzeit noch mehr triab, åba a biessale bleanggatzt die sunne schon zwieschn die wolknen ausa. gaxtamål. maastns niet. falleicht ieberlegt sie sichs jå noch.

an guatn morgen und an scheenen dienståg eich ålln!

wo is da ruflo åb safurt?
in da kuchl huckt er
und die kneedl druckt er.

i såg pfiateich bis murgn, wientsch eich noch an scheenen åbnd und tuabbes niet går z'taamisch....

wohl, kuhle, håmma senen wohl wås gschenkt: unsa stiemm.
und dass ma mia de hergebm håbm, werd in  aanige wähla in a påår wochen siecha laad tuan. odawia.
åba hintanehmen geht niet. erst bei da näxten wåhl. des ies hålt die dehmokrazie.

________________________________________________________
mei gallenplaatta håmtze ma schon ausagsablt, åba i muaß derwegn beim essn aufpassn.
steinreich bin i amål gwesn, de zeitn seind vurbei.

i schick eich an klaanen gruaß aus villach. da mittågskogl - schaugt er niet aus wia a vulkan? dabei ies er går kaana. und links is da "türkenkopf".
des büldl håb i vurgestern, am såmståg auf unserm buam sein balkon - bleedsinn aufm balkon von seine wohnung natierlich - gmåcht.

wia maanst kuhle? i bin fiers weetta zuaständig? jå bien i falleicht a håhne (aufm miest) oda a metololologe odawia?
i kånn da lei sågn, wia's weetta derzeit bei uns ies: grauslich, triab, biessale tropfetzn tuats, +5° håtz und zum schneibm ies gråd a weng z'wårm. wår miet da sally untawex*) und bin völlig bei jedm schritt bis zua de knöchl im gaatsch vasunkn
und murgn? kraht da håhne am mist, ändert sich's weetta, oda es bleibt wias ist.
nudl (pasta).
_______________________________
*) die sally håt heit a neichs "dirndlgwandle" kriagt, waaßt eh, so a brustgschierr. ies sie åba so stolz, dass sie zum bello derzeit går nix sågt. kan anzign wauwezer håt sie gmåcht.
diandlgwandle håmma åba niet beim heimatwerk gikaaft, sundern beim lågerhaus. ies bielliga.
02.03.2009 16:19:
jå, martin, sålzspeck ies wås guatz. bsunders wenn er niet so zach ies, sundern schön mürbe und noch a biessale rosig.
freilich kuhle, åbgrestate kneedl - suppa, åba leida fier mi ohne aja, weil sunst spült mei gallenplaatta varruckt.

jå guat, feifale, kaasnudl --- mmmhm --- 40 stuck? he, werst jå niet so a friessling sein und mit dein' weibalen ålle vatülgn odawia? schmeiß a påår drieber her iebern großn teich!

seas fahrrradelberg. restl essn tuamma mia aa.
heit auf die nåcht wer' i zum beispül die kneedl und es sawagraut von z'miettåg weckessen.
montåg ies bei uns seit åltersher da "kneedltåg"
kneedl seind zwår kaane kaasnudln, åba semmelknödeln mit gröstetem speck und wurscht drin seind schon aa genießbår. wohl.

es scheenste ån da wåhl ies, dass JEDER gwunnen håt. de aan håmt sowiaso gwunnen, de åndern hålt lei a biessale, und de wo valurn håbm tuamt, håmt die einsicht gwunnen (falleicht), dass se noch vül mehr valiern hättetn können, wenn die åndern noch mehr gwunnen hättetn.
und so ies a jeda z'friedn. ies jå aa scheen, odaniet?

jå, könnt man fåst als erdbebm bezeichnen, wås sich då bei uns in kärntn åbgspült håt.
jednfålls - die wåhl is vurbei.
wern mia sehgn wias werd.
i bin heit hundzmiad, i geh schlåfn.
pfiateich bis murgn und bleibz xund und måchtzes guat

heit amål nix senile bettflucht, heit haaßt's "pflicht ruft".
steht a stressiga sunntåg bivor.
åba i bin froh, wenn der gånze zirkuss amål vurbei ies.
endlich wieda wås ånders in da zeitung als wia liabe stråhlende bolüdika-gsichtlen, de uns es blaue vom hiemml åba vasprechn und sich åb 2. märz dånn eh ån niex mehr erinnern können.
endlich kånnst wieda autefåhrn, ohne dass di in jeda kurvn von an plagiat åba aana bleed ångrinst...

und leida håmt dånn ålle, de so ginau gwusst håbm, wås man fier die årmen, fier die årbeitslosn, fier die familien und wåswaaßifierwåsundfierwennochundgegnwås man wås tuan kånn und muaß senere rizepte vagessn und es werd weitagwurschtlt wia bisher.
uns håbm se eh an kuglschreiba und a fajazeig gschenkt - also seimma z'friedn.

gimeinderåt, biergermaasta, okeh.
åba je weita dass es "aufe" geht in da bolüdük, desto åbghobena seind de herrschåftn und sehgn aus senare lichten höhen, in de ma mia se aufeghobm håbm, niamma åba zu uns. dånn werdz alektrisch: ihr da OHM macht WATT ihr VOLT. odaso.

und hiatzt noch schnöll an kuffee zum muntawerdn und - auf gehts!
und da ruflo, der ålte sudhefn wientscht eich ålln
an guatn morgen und an schennen sunntåg.

a wia, dei ångheiratete frau? a håst a åndare aa noch odawia? biest eppa a murrmohne oda a muhammedana? oda lei a pigammist?
und hiatzt geh i jausnen. pfiateich.

de gölbm stiemmzettl muaßt miet aana gölbm fårb ånkreizln und die weißn miet anna weißn. åba lei wennst håst. wenn niet, nåachan niet. nåachan kånnst den schreiba aa nehmen, wo in da wåhlzölln liegn tuat.

jåjå, i schmuggla, du schmuggla, und wer noch?