haha,martin, tua lei amål dem kuhle ins gwiessn redn. ies a gånz a schliemma. unsare årmen traffickantn gehn am bettlståb, und des ålls zwengs dem andale, dem schmuggla.
(zwengs mia aa  biessale, åba lei im auftråg vom mietzale, weil i rauch schon jåhrelång niex mehr. håb bei meine star-oparatziohnen aufgheart, weil da brimarijus xågt håt "guat warat hålt, niex huastn, sunstn fliagnt da die liensnen wieda aus die äuglen ausa.")

so, da ruflo ies wieda dahaam. falleicht håbtz des åba eh gmerkt.
und z'miettåg håt unsa tochta fier uns knofikrehmsuppm und rinnzrullahden gikocht und a suppasoß dazua und nudalan des wårn so gschraufte, spirochäten oda wia de haaßn. de hundling seind ma ållaweil von da gåbl åbeghupft. håmtze falleicht ångst ghåbt vur mia, dass i se weckfressn wer'. und ginau des håb i gitån. haha. maaa, håt des guat gschmeckt...! und als nåchspeis noch an eiskuffee...

und die wåhlzölln håmma aa vurbireitet - da sunntåg kånn kummen und damit die biergermaster-, gemeinderåtz- und låndtågswåhl.
nudl (basta)

28.02.2009 17:31:
maaa, pfeiferle, des warat a idää fier mei sally. als schnufflhundling ... tuat se eh so gern schnuffln.
und a szegedina ies wås dälikahtes. taatet i aa wieda amål gern essn. mei mietzale måcht des so guat. åba ies hålt wohl vül aufwånd fier zwaa leit, de umapantscharei.

austreibm, den winta, ies so ännlich wia in klågnfurt den fåsching vabrennen. ieberåll seindze lustig (oda hålblustig) in da fåschingszeit, lei in klågnfurt tuamtze wårtn bis die lustige zeit vurbei is und nåachan werntze aktiff und tuamt den fåsching vabrennen. då håmtze a gaude, wenn se wieda wås zum tschentschn und plearrn håbm tuamt. hihi.

kuhle, friess niet z'vül nudalan in SLO, waaßt eh, is fåstnzeit.
bei mia ies ånders, i brauch niet fåstn, bei mia ies schon ållas z'spåt.

zeitungspuppia ies eh guat, ieberhauptz hiatzt, wo se de scheenen neichn buntn zeitungen håbm, miet dem glåttn puppia, des flutsch so scheen. hiatzt muaßt lei aufpassn, ies ållas voll miet die büldln von neichn låndeshauptmånn, wer's eppa werd, damiet dass du kaan bileidign tuast und wumöglich brupläme kriagst...

åba, wennst schnell wieschest, gehnt se da eh ålle am å... vurbei.

kaa wunda, in wernberg seind jå noch an haufn plumpsklo.... :-)))

heit' ies nudalan-tåg, schaugt aus, håmma mia aa ghåbt. åba ies eh niet so schlecht.

weil mia am sunntåg glei drei wåhln auf amål (låndtåg, gemeinderåt, biergamasta) håbm tuamt und da ruflo schon wieda, wia seit ieber vierz'g jåhrn, wåhlleita ies, muaß er heit aufs gemeindeåmt, die urne (åba niet fier sei åschn), den wåhlakt und die stiemmzettl holn und ies åb safurt niex mehr dådedå, weil er niet dahaam ies.
nudl (basta)
bleibz xund und måchtzes guat.

@martin: klaana tipp fier di: wennst eppes ausbessern wüllst - hienter dein nåmen von da letztn eintrågung siehgst gånz rechts an klaan bleistift. wennst den åntippst, kummt des, wås du zletzt gschriebm håst, nochamål und du kånnst korrigiern.

@kuhle: wennst aans von de sweet-im smileys vawendest und weita åbe scrollst, kånnst de depperte werbung markiern und mit da "entf"-tastn wecklöschn.

so ginua gitppt - i bin jå schließlich in da rente. odawia.

bin i wieda amål a biessale später drån, åba i wår schon bei mein dock,  in da abuteckn, einkaafn (göld vazarrn...) und hiatzt - bei dem herrlichn weetta - miet da sally untawex. i wientsch eich
an guatn morgen und an wundascheenen tåg!
... und wås unsre rentna(rinnen) in späh bisunders frajen werd: wochnend in siecht!!!!

27.02.2009 10:01:
wohl, kuhle, bien eh dådedå. und schaufln tua i niex, i låss die sunne und den jauk årbatn. oda maanst, i bien falleichtn niet bleed odawia?

jå, da jauk der jaukt den schnee davon.

a kuhle, brauchst heit niex dei kiettele, dei tütü, ånziahgn und hupfm gehn? ka pallett heite?

26.02.2009 12:06:
vaschmierte laabalan und ertäpflbüro gips heit bei uns.
und salåt.
måhlzeit!

zwengs die albinen ies bei uns kaa gfåhr, mia håmma ieberåll ginua wåld und schibüsten gips aa kaane.
jå, schnee håmma noch ginua, åba wenn da auswårt ernst måchn wert, und da jauk a biessale mithülft, ies der ruckizuck vaschwundn. odawia.

die sally wientscht eich aa an guatn morgen und da bello schliaßt sich ån.

gehtzeichguat, aa ohne kamüllntee?
die fårb bei dem xöff ies eh wurscht, weil a vanienftiga mäntsch måcht beim kamüllnteesaufn die augn und die nåsnlöcha zua und åbe damiet.

weetta ies so hålbwex. falleicht werd noch beessa.

i wientsch eich an guatn morgen und an scheenen tåg!

dås ies eppes, wo unsa schneckale wieda amål rächt håt, so wia imma fåstbinåhe:
>>>"@Ruflo, a Vogele derf it auf da Stangen umahupfn. A Vogele muaß sich mit da Stangen drehn und brutzln."<<< jååå, dås stiemmt.
lei a giwiesses wohlummen sollet der degene fogl schon håbm. also miet an zaunkönig oda an birknzeisig odaso warat i niet zfriedn. und umvakehrt, går z'groß sollet er aa niet sein der fogl. also zum beischpül a pälikahn oda a fregattfogl oda går a kondom aus de anden, des warat niex fier mi. falleicht fier den kuhlatschnick. weil der sågg ållaweil i bin a frießling, dabei åba går niet, ies er sölba.
håb i in siedafricka auf ana farm in oudtshoorn an haufn foglstrauß gsehgn. ingottszwülln, des seind aane trümmer.... steck amål an settenen auf a stangl und drah... då kriagst åba an mukselkater, hearst.

warum i noch ållaweil då bin und noch niet jausnen tua? weil es mietzale xågg håt "heit gips kaan speck!"
eh wurscht, so schlecht ies a plentn aa niet.

25.02.2009 18:37:
H Ü L F E
da kuhlattnig håt die smileys entdeckt.....

seas irmile. gehtzdaguat? hiatzt håmma den kannibal ieberståndn. i tua jå vül liaba niex fåstn als wia niex maskirt umalaafn und leilei jodln. derwegn ies ma es fåstn fåst liaba.
åba noch liaba ies ma da summa, wenns scheen wårm ies in meine åltn gibeine. wenns lei mehr kålt ies, tuamt de baana gern kleappern. und dås kliengt, wia wenn i schon a gürüppe warat. dabei bin i noch niet.
wenn i amål ans sein wer', påa, åba då wer' i ummageistern, dass lei so a freid ies.
und damiet dass des diandlen kaa ångst niet kriagtz vur meina, geh i hiatztn speck essn
und brot.
ajå - speck terf man jå heite niet. ies eh wurscht, ieß i hålt an kaas.
(oda - wenn mi kaana varråten tuat hålt doch an speck, åba lei a biessale).

seas martin, du als ålta bleiberga muaßt hålt in fahrradelberg a biessale entwicklungshülfe leistn und in de årmen hascherlen då hienterrm fahrradelberg beibriengen wia man riechtig redn tuan tuat. werst sehgn, werd niex dauern, werd dei liabe barbara a båld amål riechtig daitsch redn können. warat jå glåcht.

sud kennen jå mia wohl aa. åba meistns ohne kaas. oda eigntliech ållaweil ohne kaas, åba miet puta. und miet ertäpfl aa, miet gikochte und åbghäutlte und a biessale sålz drauf. und a saware mielach dazua oda putamielach. oda går niex dazua - lei aanfåch schnöll an friesch gikochtn ertäpfl aus'm häfn ausa fladern, a puta aufe und a biessale sålz und laafn, damiet dass di die köchin niet derwieschn tuat.
und als nåchtmåhl schmäckt des aa guat.
lei dass ma mia zum sud niet sud sågn tuamt. sundern ertäpfl miet puta.
des ies da untaschied.
und aufpaassn muaßt aa, damiet dass du da niet es goscherl verbrennen tuast.
amål håb i a feste pråntplååtta ghåbt auf da untalüppe. wår åba niet von an ertäpfl, sundern von aana haaßn wuchtl miet murüllenmurmelade drien. håt derwegn gånz scheen weh gitån. aua.