seit aana dreiviertl stund tröpflt da såft wieda aus unsara steckdosn. håmma wieda liacht, stubm werd wårm, kuffee können mia aa wieda trienkn, und i håb wieda mein petzeh einschåltn können.
wås soll ma sågn - es wår aanfåch grausliech. in da nåcht bien i wia es darmol-manndle miet aana kierzn umagigeistert.
kreuzner låndesstråßn ies imma noch lei miet kettn bifåhrbår und die schneehöhe in unserm gårtn ies ungifähr 1,50 metta. åba im lesachtål håmtze jå noch mehr.
gschniebm håtz bies vur kurzm und hiatzt fångt der hundling ån zum tröpfln. des werd es riechtige werdn. werds noch a påår baamlen umdruckn odawia.
i wientsch eich jednfålls an scheenen tåg.

haha, schneck, hundeschliettn warat ka schlechte idää, åba bitttscheen a greeßares gschirr, weil då miaßn mia schon den bello einspånnen, die klaane sally dapåckt des niet.
es schneibt weita und seit in da fruah seind schon wieda 20 cm dazua kummen. und neiche büldln seind aa schon wieda im flickr.
fålls i mi niamma möld fier aanige zeiit - niet wundern. es ies eher a wunda, dass mia noch strom håbm.
und zum essn gips derzeit noch ginua. sunst kummt eh falleicht da hupf-schrauba miet aana notratziohn. haha.

schaug da die büldln auf www.flickr.com/photos/dueller ån, nåachan siehgst den metta schnee. gregnt håtz bei uns jå niet (1000 m seehöhe) sundern ållaweil lei gschniebm. und es schneibt noch, hiatzt sogår stärka wia in da fruah.
i håb dem bello a frankfurtale in gårtn aus ghaut, damiet dass er da sally an weg triettet, ies da groaße bernhardiena aa vasunkn und mia håbm ihn miaßn freischaufln, hihi.
hiatzt bin i hålt sölba a runde umagstråmpft im gårtn und völlig bis zum bauch im schnee drin gwesn. åba es hiendle flitzt uma vur lauta freid wia da schaaß in da reita

mi håts wieda amål ausm bett ause ghaut, bien i auf's häusl gloffn und håb vur die Haustür gschaugt: es schneibt und schneibt und... und da schnee liegt schon guat aan metta hoch.
und unsa LNB håb i schon um siebane und um åchte miet aan waachn besn åbgekehrt. und hiatzt geh i wieda schlåfn. n8

11.12.2008 08:54:
an guatn morgen und an scheenen neichn tåg wientsch i eich.
a wia sågntze? es gips kaan wienta mehr? haha, sollnt de - wo des bihauptn - amål zu uns aufaschaugn in die kreizn. werd leicht a metta neischnee sein und es schneibt ållweil noch! a påår büldln von heit in da fruah seind im flickr.

schneepfluag ies wohl schon gfåhrn, åba i maan, ohne ketten ies bessa, man bleibt dahaam.

a sugenånntes zimtkarnickl.

låd da aan von unsre weana kumpl ein, den wuhte oda den pao lee zum festhåltn. werst sehgn mit gwålt und aana pipettn gehtz. åba niex danebn sprietzn oda in seena föll schmiern, sunst gips paul klee - ääh pao lee oda wuhte mit zimtarohma.

kånnst die tropfn niet iergendwia aufs fuatta aufe tropfn? bei da sally funzt des priema: die tublettn in a extrawurschtblaattle einwieckln, oda die tropfm aufn fuattagaatsch aufetropfn, ...
åba a hund ies hålt kaa karnickl.

... fier grobe vaschmutzungen geht a kåtz aa, wenn se die krempl ausfåhrt...

an guatn morgen und an scheenen tåg wientsch i eich ålln.
kummt er heit? oda niet? da ångikündigte neischnee? a metta und mehr håmtze xågg? i, wenn des mi frågtz, i brauch kaan mehr. åba mi frågt jå kaana.
fier die gegend rundummadum ies ginua weiß, fier die schifåhra reichtz aa. und auf da stråßn brauchn mia kaan.
tuamma hålt åbwårtn, schaugn mia amål, nåachan sehgn mia schon.

und die postla werdn heite aa streikn. recht håmtze. ies jå a sauarei, wenn des kummen werd, wås de großkopfertn männetscha planen, damiet dass se noch mehr fier siech ausaschlågn können. und de vüln briafträga kostn jå lei an haufn göld.
i siehg schon, wia unsa postla in a påår jåhr auf an åltn kleppa daherreitet, ins posthorn blåst und schreit "trari-trara-die post ist da!" und nåachan rennen die gånzn kreizna auf an haufn z'såmm und holnt siech senare briaflen åb.
hoffentliech kånn er reitn.
da postla.
sunst åba fållt.

und wenn da ålte postgaul eingeht, werntze a groaße kiestn aufstellln in feistritz und durt ålls eineschmeißn. nåachan kånn siech a jeda sei glumpp durt sölba åbholn. aa ka bruplem. seind jå eh lei - je nåch wohnort- åcht bies zähn killometta oda mehr und de åltn manndlen und weiblen solltn lei a biessale biwegung måchn, und siech niet aufregn. schådet senen eh niex.
falleicht håmtze jå aa noch iergendawo in an musähum a ålte ausrantschirte postkutschn? hihi, des warat a gaude. könnetn mia postkutschnieberfåll spüln wia in de wüldwestfülme.

håb i es aane mål von aana fierma a werbegischenk kriagt, brauch i lei 2 eiro fuffzg portogibühr miet an erlågschein aufgebm. kostet aa lei 3 eiro da erlågschein.

i schmus lei söltn miet da sally und zungenkuss kriagt sie lei, wenn sie kaan kuahflådn vaspeist håt

jå, chrischtele, håb glei in da fruah (hålba åchte) a runde gezogn, bin nåachan safurt zum dock nåch fiellah und håb ma die fädn ziahgn låssn, a biessale im atrio bummln und die letztn weihnåchtseinkäufe erledign - und seit zwaa bien i dahaam.
fier an guatn-morgen-wunsch ies wohl schon a biessale spåt, åba an scheenen restlichn tåg wientsch i eich.

chrischtele und kuhle - des seidz jå die reinstn kåtznwixa, hearst.

ies jå fåstbinåhe a grossstådt, schpittl. håb i går niet gwusst.
und hiatzt geh i jausnen.pfiateich bis murgn.
und murgn fåhr i zum dock, låss ma die nahtlen ziahgn und dånn kånn i endlich wieda amål bådn. i stienk schon wia a ültis.

jå, ginau, de rednt "kierchnlatein". åba zum untaschied von die jaga und fiescha håmt de noch nia niet a wåhrheit glogn. hihi. und ållas wås sie uns dazähln tuamt, glaabm se sölba aa. odawia.

okeh - ackzeptirt - die jaaga (und fiescha) redn åba aa niet hochdaitsch, so wia mia, sundern de redn lateinisch. und auf lateinisch terf man schon a biessale schmettern.

08.12.2008 16:17:
... und es chrischtele läbt jå hiatzt wieda in schpittl-tschittie, des ies beim rotn ixixixlatz-sessl, (in da nähe von molzbiechl und zgurn).

08.12.2008 16:21:
... åba niet vawexln miet dem roatn ixixixlatzsessl in da nähe vom atrio, des ies fiellah!
schpiettl-tschittie ies a biessale schwaar zum findn. ies lei a stråßn miet an haufn gschäfta, schoppingzenta an haufn. åba die stådt sölba - hhhusch - schon biest durch und låndest in st. peter am holzweg. oda lendorf, wennst niet so schnöll biest.

bei uns wert niex g'logn, mia dazähln ållaweil lei die tåtsächlieche wåhrheit. maastns hålt. gånz ånders ies des natierliech in - von uns aus gsehgn - westnordwestliecha riechtung, so gegn kempten zua. fier de gegend können mia keine garantzie niet åbgebm.
und des ies aa niet g'logn, dass i heite schon es zweite mål miet dem huntzviech untawex wår, åba hiatzt reichtz ma.

>>> "do hot mei faiazeig mehr gebraucht." <<< åba tschick håst da miet dein puch derwegn niet ånziendn können. hihi.
mei ersta wår a hillman sunbeam. der wår wia a pånza. so riechtig wås fier den bundesherr. den håt zum schluss da michanicka als håsnståll vawendet, weil ållszsåmm hienig und rostig wår, lei niet die kürasserie.

08.12.2008 10:36:
he - hund - hiatzt kummtz ma erst: heit ies jå fajatåg, des muaß man fajan bei an frühschopfen....

jå, ies guat, wenn a ferdepopoh vül PS håt. so wia a horch-kwattro. lei 450 PS taatet i niet dapåckn. an schmatzehdes schon eher. und an schmatzda gånz leicht. und bei an audimäßign gaularsch kånnst siengen "horch, was kummt von draußen rein hollariiie" - dabei stiemmt des jå niet. kummt niet von draußen rein, sundern von drien ausa.
nudl. (pasta)
und schmatzehdes håb i kaan. i håb lei an fortzfjuschn. und frieher håb i an fortzfiiista ghåbt.