@Chrischtele, nimm halt a mol de Katz für`n Abwasch na hot sich des glaub erledigt. Für grobe vaschmutzungn muasch Da halt no was übalegn, da werd de Katz it reichn. ;-)))

Hi, hi, jo, Irmi. Kopfkotz is guat. Mei Kati de spinnt gewaltig. Kolt is bei uns do a. I man, I wer meina Kotz do a Pockung Wettex kaafn zu Weihnachtn und an Schaumgummi fia de Obwosch, weil do drinnen schlooft se am lieabstn.

marandjosef, wås hobts ihr denn fier ane kåmpfkåtzn??? meine zwa håbn mi noch nie gebeisst und/oda gekråtzt.... da åbwåschfetzn ies aa noch gånz....

i wiensch eich an scheenen åbnd, brrr, kålt ies gwesn aufn haamweg

i schmus lei söltn miet da sally und zungenkuss kriagt sie lei, wenn sie kaan kuahflådn vaspeist håt

@Ruflo und Phoebe: Wenn des Luada beißt und krallt, in da Obwosch schloft und meine Stoffviecha vazaaht und Wettex zafledat, oda...??? Oda tatest Du mit da Sally noch schmussn wolln, wenn se in da Obwosch drinnen liegt, de Schlapfn ause zaaht und de Klorollnen zafledat..., ha? I muass hetz wos essn. Bis späta norcha. *grins*

jå, chrischtele, håb glei in da fruah (hålba åchte) a runde gezogn, bin nåachan safurt zum dock nåch fiellah und håb ma die fädn ziahgn låssn, a biessale im atrio bummln und die letztn weihnåchtseinkäufe erledign - und seit zwaa bien i dahaam.
fier an guatn-morgen-wunsch ies wohl schon a biessale spåt, åba an scheenen restlichn tåg wientsch i eich.

chrischtele und kuhle - des seidz jå die reinstn kåtznwixa, hearst.

grias eich!

do siggt mas wieda, es floschnts eire viehaln ob, und i wor mit da meinen beim tierorzt heit am vurmittog.
mei mama hat mi heite in da frih im biro ongruafn, dos se schon wieda so umaliegt und nix frisst. i eine ins auto und von da orbeit weg zruck ham. klaane phoebe gschnoppt und zum tierorzt mit ihr. sie hot schon wieda a darmentzindung :-( a spritzn hot se kriagt und tropfn homse ma mitgeben fir daham. schau ma mol, wie long des wieda dauat....
mittogs wor i donn wieda im biro.

oba hiatzand muass i weg. hob um 3 an termin.

bis am obnd von daham.

guatn morgn in olle. wos sogts denn zua dem schenen wetta? is jo fost nit zum ausholtn so schen. da kati ane floschn? du bist prutal ana klan kotz muass ma jo Ei Ei mochn kane floschn, oba gestan hob i mein lucky a ane gebn. der tokka tratzt mi dauand er wüll schlofn gehn, noacha liegt er am tisch, und wia i gsogthob geh ma schlofn isder mi ongongen wia a krampus und hot mi gekrallt und gebisssn, do hob i ihm ane gschmiert. lei a leichte und schon wor a ruah.

Guatn Morgn olle zom do, des Frostmandlen ! Olle noch untam Gulta oda wos?? Nah, da Ruflo wert schon a Runde gezogn sein mit da Sally. @Cooli: Da Kati gehts guat den Luada. Wos de ollaweil onstöllt. Meine Stoffviecha vazieacht se und in da Obwosch drinnen schloft se und in Wettex zafledat se. Und beißn und krotzn dos I ihrn wieda ane Floschn muaß. Nah, niet fest oba so dos se sichs merkt. So, I wer hetz einkafn gehn und die Bülda zum entwickln bringen von de Krampe. Bis späta.